Afilipi 2:17 - UPANGANO UPYA

¹⁷ Nanti nitululwa wa vipelo nu kupepa kwa usumilo wino, nduchimba, na kaili nduchimba ponga nemwe mwensi.

Afilipi 2:17 ပူးပေါင်းရင်းမြစ်များ

Milimo 20:24

Leelo ntalulanga um-mweso uwikalo wane, kuno chisi chimwi, ndi fino ngamalila insila yane, leelo icha ningo ukumalila ulwendo lwane nuomfi wane, uno napokelile uku Mwene Yesu, ukwimikila iswi-sipe ilya nkumbu shi Leesa.

Milimo 21:13

Apano Paulo avwanga ati: “Muluchita chintu uli, ukulila nu kunfisya uku mweso? Kuno nemwi nzumile, asu kunyepwa sile, leelo nukufwa kwene, um-Yelusalemu uku nnandu wizina lya Mwene Yesu.”

Aloma 12:1

Ichino yachane, ndumupapata, uku nkumbu zyi Leesa, fimini myili ino iwe ichipelo cha upuma ichiswepe ichakuzipila Leesa; uli kupepa kwino kwa mpomvu.

Aloma 15:16

kuti imbwe umuofi wi Klisto Yesu apa yantu yakulukuwa, uomvi wi kapela wiswi-zipe lyi Leesa, ukuti akulukuwa yawe chipelo chino chazumilwa (na Leesa), chaswefiwa nu Mweso Nswefu.

2 Kolinto 12:15

Nene uku kuchimbishananfima na kaili namfima uku nnandu wa myeso ino. Chene! ndi fino namukundisha, nachepelwa ukukundikwa?

2 Kolinto 4:12

Ichaleka infwa yawa na maka muli sweswe, leelo upuma muli mwemwe.

2 Kolinto 6:10

Wi yano yali ni chikonko, leelo manda yoshi tuluchimba; wayapina, leelo tulusavya ainji; wi yano tutakwite chimwi, leelo tuli ni ifintu fyoshi.

2 Kolinto 7:4

Indi ni chiposhe nkani kuno muli, ndulola ukulu nkani kuno muli; nasungulwa ningo, um-machulo itu yoshi nduchimbisya nu kuluta.

Afilipi 1:20

Ndi fino nalolelanga nkani nu kutaila, fino ntalusekelelwa nanti uche, leelo uku uposye wonsi, ndi fino manda yoshi, na li kwene, fino Klisto kwene wantensiwa ummwili wane, ndi kungawa uku mikalo yane, nanti kungawa ukufwa kwane.

Afilipi 2:18

Ifino nemwe kwene chimbangi, kaili chimbangini ponga nene.

Afilipi 2:30

Kuno uku ndandu wa milimo yi Klisto wasyalilile pipi nu kufwa, ataulangile umweso wakwe; kuti afikilizye fino vyaula um-milimo yino kunondi.

Afilipi 4:18

Leelo apa kasalaka ndi ni ifintu vyonsi nu kuluta; na kaili nazuziliziwa nkani, napokelela ukwikasa lyi Epaflodito ifintu fino vyafumile kuno muli, unnunkililo wa wila uno wazumilwa, uzipile Leesa.

Akolosai 1:24

Na kasalaka nduchimbila um-machulo yano ndi nayo ku nnandu wino; na kaili ndufikilizya um-mwili wane amachulo yi Klisto yano yasyala, uku nnandu wa mwili wakwe, uli ikongani lyaakwe.

1 Tesalonike 2:8

Neswe kwene, uku lukundo lukulu, twakasi kumupa uku kuchimba, asi iswi-sipe lyi Leesa sile, leelo ni myeso itu kwene, kuno mwawa yakundikwa itu.

2 Timoteo 4:6

Kuno, nemwi ntifimwa mbwe chipelo nu kufwa kwane ikupalamila.

1 Petlo 2:5

Mwemwe nemwe wa mafinga ya upuma, mwakulwa muwe ng'anda ya Mweso, ukapela uswepe, mufime ifipelo vya myeso, fino fisumilwe na Leesa kuli Yesu Klisto.

1 Yoane 3:16

Muli chi tumanyile ulukundo, kuno wene waufimile upuma waakwe Uku nnandu witu. Chituile neswe kwene tuufime upuma witu uku yachitu yao.