Aefeso 5:6 - UPANGANO UPYA

⁶ Umwi atachimuzosya uku maswi ya uwelewele; kuno kuli vyenevyo ukali wi Leesa ukulwizila ana ya misalula.

Aefeso 5:6 ပူးပေါင်းရင်းမြစ်များ

Mateo 24:24

Kuno yalukatuka yaklisto-ya-ufi na malau yaufi, nayo yaluchita ifilangisho ifikulu ni ifintu fya kuzunguka, ukuti yamulovye na asolole kwene ndi chawela.

Mateo 24:4

Yesu wayaneena, waati: “Lolini, untu umwi atamuzosha.

Malko 13:22

Kuno yalwisa aklisto-ya-ufi, na malau ya ufi. Yaluchita ivipezya-mano ni vizunguko, kuti yamuzosye nasolola kwene ndi chingawa.

Malko 13:5

Yesu atampa ukuyanena, ati: “Chenjelini, umwi atamuzosya.

Aloma 1:18

Kuno chilakali chi Leesa chalangisiwa ukufuma umwiyulu apa kutanduka konsi ni fiipe fya antu, yano yakulupasha ichumi uku fiipe.

Akolosai 2:18

Umwi atamupoka ichilambu chino, uku kuuchefya kwa kukunda kwakwe unkola nu kupepa yamalaika, angi aluutela um-malele yaakwe, nu kuitensya chaka uku mano yaakwe aya untu.

Akolosai 2:4

Nafwanga iswi li, umwi atiza musoshe uku maswi ya kumutentemba.

Akolosai 2:8

Mulole umwi atamuchita uzya uku mano yaakwe aya chaka chaka nu kuzosya kutupu, ndi fino antu yakululema intambi ya yanji, na masambilisho ya nsi fuma kali, nga asi ndi fino kuli Klisto.

Akolosai 3:6

Ukali wi Leesa ukulwizila uku ifintu ndi fiyo.

2 Tesalonike 2:3

Umwi atamusosha nanti uku nsila imwi, kuno utalwisa fika na lino kutane kutangule ukuloleka, aloleke untu wa kutanduka, umwana wa ononi.

Aeblania 13:9

Mutachikweswa na masambilisho ya misango yinji, iya eni; kuno chisifile umweso ukomiwe uku nkumbu, leelo asi ku fyakulya; yao yano yafilondile yatachili yapate chimwi.

Aeblania 3:19

Ichino twalola fino yatali ingile uku nnandu wa kuntasumila kwao.

1 Petlo 2:8

Ifinga lya kukumika ikulu, ni pampa lya kuponya.” Kuno yano yatalisumile, yakukumika ukwiswi liyo, nayo yawisilwe kuti fiyasane.

1 Yoane 4:1

Yakundikwa, mutazumila imyenzo yoshi, leelo mwezye imyenzo iyo, ngifumile kuli Leesa; kuno yakalauzya ainji aya ufi yatunka kuno ukunzi.