Aefeso 5:2 - UPANGANO UPYA

² mupitae undukundo, ndi fino Klisto nawe wamukunda mwemwe, na kaili waufimile uku nnandu witu ukuwa uwila ni chipelo kuli Leesa, ukuwa ununkilo wa manukato.

Aefeso 5:2 ပူးပေါင်းရင်းမြစ်များ

Mateo 20:28

Ndi kuti fino uMwaana-ntu atishile ukwisa wombelwa, leelo ukuombela nu kufima upuma waakwe uku kulula antu tupu.”

Yoane 13:34

“Ichilangaso chipya namupa: mukundane; ndi fino namukunda mwemwe, nemwe kwene ifino mukundane.

Yoane 6:51

Nene ndi chulya cha upuma chino chikile ukufuma umwiyulu; untu ndi walya ichulya chi, alwikala manda yoshi. Ni chulya chino nanfima nene, umwili wane, uku upuma wa yantu yoshi.”

Aloma 15:16

kuti imbwe umuofi wi Klisto Yesu apa yantu yakulukuwa, uomvi wi kapela wiswi-zipe lyi Leesa, ukuti akulukuwa yawe chipelo chino chazumilwa (na Leesa), chaswefiwa nu Mweso Nswefu.

Aloma 4:25

Wino wafimilwe uku nnandu wa maifyo itu, nu kututululwa kuti twalilwe ichumi.

Aloma 8:3

Kuno fino Ntambi itangi ichite, kuno isi na maka uku mwili, Leesa kuno watumile Mwanakwe unkola uku mwata nu mwili wa maifyo, uku nnandu wa maifyo, waputwila maifyo um-mwili.

Aloma 8:37

Leelo ifintu fyoshi fiyo tulufipota nu kuluta uku nkola wino watukunda.

1 Kolinto 16:14

Ifintu vyonsi fino muluchita, viombeke undukundo.

1 Kolinto 5:7

Mutisye insasyo zya kali na pyu, muwe ikamantwa lipya; ndi fino muli mutatezilwe insasyo. Kuno itufyulilwa infwele itu iya Pasaka, ali Klisto.

2 Kolinto 2:14

Leelo Leesa asamalisiwe, wino akulutupa ukupota muli Klisto, nu kulanga unnunko wa kummanya uliwe, poshi um-milimo itu.

2 Kolinto 2:15

Kuno swe unnunko usepe wi Klisto pali Leesa, kuli yano yalufyusiwa, na kuli yano yalulowa;

2 Kolinto 8:9

Kuno mwamanya inkumbu sha Mwene witu Yesu Kristo, wino wali umpina uku nnandu wino, nanti fino wali unsafi, ukuti mwemwe muwe yasafi uku upina wakwe.

Agalatia 1:4

Wino waufimile upuma waakwe uku nnandu wa maifyo itu, ukuti atukulule unsi ii njiipe ino ilipo kasalaka, ndi fino wakasime Leesa Tata witu.

Agalatia 2:20

Nakonkomilwe ponga na Klisto, leelo nene mpuma, leelo asi nene kaili, leelo Klisto umpuma muli nene; nu upuma uno ndi nao li kwene um-mwili, ndi nao umusumilo wa Mwana wi Leesa, wino wankunda, waufima upuma wakwe uku nnandu wane.

Aefeso 1:4

Ndi fino watusolwile muli Wenewe intangulo ya kulengwa kwa nsi, ukuti tuwe yaswepe, antu yano yasi ni ndema apa maaso yaakwe undukundo.

Aefeso 3:17

Klisto awikale um-myenzo yino uku usumilo. Muwe nisinda ni chiimbili undukundo,

Aefeso 3:19

nu kumanya ulukundo lwi Klisto, luno lutangi lumanyike uku kuvulizya kwakwe, kuti muzyule uku kuzyula konsi ukwi Leesa.

Aefeso 4:15

Leelo tuleme ichumi uku lukundo nu kukula, tufike muli Wenewe kuli vyonsi, wino ali untwe, Klisto.

Aefeso 4:2

Uku kuuchefya konsi nu kuvyalika ni cheleleshi, nu kutontelana undukundo,

Aefeso 5:15

Ichino mulole ningo fino mulupita uli, asi wa antu yano yasi na mano, leelo wa antu ya mano.

Aefeso 5:25

Mwe yoshi, mukunde achi ino, fino na Klisto nawe wakunda ikongani nu kuufima uku nnandu wi lyenelyo

Afilipi 4:18

Leelo apa kasalaka ndi ni ifintu vyonsi nu kuluta; na kaili nazuziliziwa nkani, napokelela ukwikasa lyi Epaflodito ifintu fino vyafumile kuno muli, unnunkililo wa wila uno wazumilwa, uzipile Leesa.

Akolosai 3:14

Ukuluta apa ifintu fiyo vyonsi, muwe nu ulukundo, kuno lukululemanya ningo ifintu vyonsi.

1 Tesalonike 4:9

Uku lukundo lwachitu nanti ntamwandikile, kuno mwalangililwa mwe yakola na Leesa ukukundana.

1 Timoteo 2:6

Wino waufimile unkola ukuwa ukuluzi kuli yoshi; uwo uli usyuta uno ulwimikwa apa makati yaakwe.

1 Timoteo 4:12

Untu wensi atachisula ulumendo wako; leelo uwe chilangizyo kuli yano yazumila, um-mvwango ni miele, undukundo nusumilo nu uswepe.

Tito 2:14

Wino waufimile upuma waakwe uku nnandu witu, kuti atukulule um-viipe vyonsi nu kuswefya antu yawe ayaakwe unkola, yano yali nunte ukuomba imilimo misipe.

Aeblania 8:3

Kuno Kapela-nkulu wensi akuwikwa ukuti afime amawila ni vipelo. Ichino chilungime na Wi kwene awe ni chintu chakufima.

Aeblania 9:14

ali utalusile nkani uwasi wi Klisto, wino kuli Mweso wa manda ti, waufimile upuma waakwe kuli Leesa, awe uwila uno usi nuipe, ulutufula imyeso itu ni milimo ya nfwa, kuti tumpepe Leesa wa upuma?

Aeblania 9:23

Ichino chaile ukolanyo wa ifintu fya mwiyulu vifulwe kuli weneo; leelo ifintu fya mwiyulu ifikola fifulwe ni vipelo fino fyasipa ukuluta fiyo.

Aeblania 9:26

Ndi chili fiyo, chali chiyane achule maila tupu fuma ukuwikwa. ifiimbili fya nsi; leelo li kwene waloleka lyonga kwene um-ufikililo wa manda, atisye amaifyo uku chipelo chakwe.

1 Petlo 4:8

Ukuluta fyoshi muwe nunte ukukundana, kuno ulukundo lukulukuwa ukufula kwa maifyo.

1 Yoane 3:16

Muli chi tumanyile ulukundo, kuno wene waufimile upuma waakwe Uku nnandu witu. Chituile neswe kwene tuufime upuma witu uku yachitu yao.

1 Yoane 3:23

Ichilangaso chakwe ichi: fino tusumile ishina lya Mwana kwe, Yesu Klisto, nu kukundana swe yakola, ndi fino watupile ichilangaso.

Uswelulo 1:5

Na fino fifumile kuli Yesu Klisto, shuta wa kutailwa, wiyele kuli yano yafwa, unnâsi wa yene ya kuno kusi. Wino watukunda nu kutukulula ku maifyo uku wasi waakwe

Uswelulo 5:9

Nayo yalundanga umwimbo mpya, angi yaluti: “Chikuile wewe ukutola ichitabu chiyo nu kusapula utumanyililo twakwe; kuno wafyuzilwe, wakalila Leesa uku wazi wako, antu ya nko zyonsi ni mivwango ni mipanda yoshi na antu tupu.