Aefeso 3:7 - UPANGANO UPYA

⁷ Iswi-zipe liyo lino nachisilwe umuofi wakwe, ukuyana nu wila wa nkumbu zyi Leesa, zino napilwe ukuyana nuomvi wa maka yaakwe.

Aefeso 3:7 ပူးပေါင်းရင်းမြစ်များ

Milimo 9:15

Leelo uMwene annena, ati: “Pitanga, kuno wiyo ichivya chizipe kunondi, asende izina lyane apa maaso ya akulukuwa na ene na ana ya Islaeli.

Aloma 1:5

Wino muli wenewe twapokelile inkumbu nutume, kuti antu yoshi yachindike uku usumilo uku nnandu wishina lyaakwe;

Aloma 12:3

Kuno uku nkumbu zino napilwe, ndunena untu wensi pali mwemwe: atachiwelengula ukuluta fino chiine, leelo aelengule fino viine, ukuyana nu zumilo wakwe, ndi fino Leesa wankinye chila ntu.

Aloma 15:16

kuti imbwe umuofi wi Klisto Yesu apa yantu yakulukuwa, uomvi wi kapela wiswi-zipe lyi Leesa, ukuti akulukuwa yawe chipelo chino chazumilwa (na Leesa), chaswefiwa nu Mweso Nswefu.

1 Kolinto 15:10

Leelo uku nkumbu zyi Leesa nawa vi finondi; ni nkumbu zyakwe zino zili kunondi, zitali zya chaka, kuno ndusizye nkani ukuomba imilimo ukuluta anji yoshi; nga asi nene, leelo inkumbu zyi Leesa zino zili ponga nene.

1 Kolinto 3:5

Nga Apolo uwini? Na Paulo uwini? Aomvi yano mwasumile kuli yeneyo, na chila ntu ndi fino uMwene wampile.

2 Kolinto 3:6

Nawe uwino watupa ukuwa yaomvi ya upangano upya, usi wi lyandiko, leelo uwa Mweso. Kuno ilyandiko likulumola, leelo Mweso akululeta upuma.

2 Kolinto 4:1

Ichino fino twapiwa uomvi uo, twakumbukilwa na Leesa, neswe tutalutonta.

Agalatia 2:8

Kuno wino wachisile Petlo awe untume wi yano yachitwa ichibalu, uli wino wanchisile nene ukuya uku yakulukuwa kwene,

Aefeso 1:19

Nuzipe wa ukulu uwa maka yaakwe muli sweswe yano tuzumile, fino uli, ukuyana nu kuomba kwa maka yaakwe,

Aefeso 3:2

Ndi mwapulika amaswi ya wankanyi wa nkumbu shi Leesa zino napilwe uku nnandu wino.

Aefeso 3:20

Ichino atensiwe Wino ali na maka ya kuchita ukuluta vyonsi, ukuluta fino tuluomba na fino tulwelengula, ukuyana na maka yano yaluomba unnimo muno tuli.

Aefeso 3:8

Nemwi ne nnono nkani apa aswefiwe yoshi, napilwe inkumbi zi, ukusunda akulukuwa usavi wi Klisto, uno utangi ulingwe na chimwi,

Aefeso 4:16

Muli wenewe umwili wonsi ulimbikana nu kulemana ukukwazwana kwa vyai vyonsi, ukuyana nu kuomba kwa chila chai chonga chonga vikulukuzya umwili undukundo.

Akolosai 1:29

Nene nduuchuzya ukwiswi liyo kwene, nu kulemasha ukulingana nu kuomba kwakwe, wino aluomba unnimo uku maka munondi.

1 Tesalonike 2:13

Ichino neswe tulusamalisha Leesa nanti kuta, kuno pano mwapokelile iswi lya mbila ilyi Leesa lino mwapulika kuno tuli, mutalipokelile wiswi lya antu, leelo wiswi li Leesa, ichumi ifino lili, lino liluomba unnimo unkasi ino, mwe yano mwasumila.

Aeblania 13:21

amukomye mwemwe ukuchita fisiipe fyoshi, kuti muchite chino wakasi; nawe angi aluchita muli sweswe lino lisifile apa maaso yaakwe, kuli Yesu Klisto. Ukulu uli nawe manda ti na ti. Chiwe fiyo kwene!