Aefeso 2:3 - UPANGANO UPYA

³ yano kali, swensi kwene twapitanga nayo, umumaifyo yitu, pano twaombanga fino umwili na melengushi filusita. Uku ntambi litu twawa yana ya chilakali wi yao anji.

Aefeso 2:3 ပူးပေါင်းရင်းမြစ်များ

Malko 4:19

Ni vya kuno ukunzi na mazosyo ya vyuma nu kulangilila umweso ifintu vinina, vingila vilifyenka iswi liyo, lintuza.

Yoane 1:13

Yano yatafilwe uku wasi, nanti uku kukasama kwa mwili, nanti uku kukasama kwa antu, leelo kwi Leesa.

Yoane 8:44

Mwemwe yana yi Shetani, ni tama yi so wino isino mwakasama ukuchita. Wino wali umumosi fuma intangulo, atimilile icha chumi, kuno musi chumi um-nkola. Pano alufwanga intumpu, akuluufwangila apa lwakwe, kuno wene uwa ufi, ali isi wa ufi.

Milimo 14:16

Wino amanda ya kali walekile antu ya misangano yoshi angi yalupita un-nzila zyao akola.

Aloma 1:24

Ichino uku ifintu fiyo Leesa wayaatile yalondele inyengwa zya myeso yao, yalondele utakati, apalinji yausalula unchinsi wa imyili yao.

Aloma 11:30

Kuno ndi fino nemwe kwene ilya kali mwa-tandike kuli Leesa, leelo kasalaka mwakumbukilwa uku kutanduka kwao,

Aloma 13:14

Leelo Mwene Yesu Klisto awe umwenda wino wa kuzwala, nga mutachisoma ivya mwili nu kukatusya ivisitwa fyaakwe-o.

Aloma 2:14

Kuno antu yakulukuwa yano yasi ni Ntambi, ngi yachita uku miele yao, fino vili un-Ntambi, yao yano yasi ni Ntambi, yawa Ntambi apa lwao akola.

Aloma 5:10

Kuno ndi pano twali yasiluembu, twapulika-nyiwe na Leesa ku nfwa ya mwanakwe, kuluta nkani fino twapulikanywa, tulufyusiwa um-upuma wakwe.

Aloma 5:9

Kuluta nkani, ndi li kwene twalilwa ichumi um-wazi wakwe, kuluta nkani tulufyusiwa ni chilakali uku nkola.

Aloma 6:12

Ichino mutaleka iifyo lilâse um-myili ino iya nfwa, apalinji muzumile tama zyaakwe.

Aloma 7:18

Kuno manyile fino muli nene, ali kuti unkasi ya mwili wane, chitatenzi chimwi chizipe. Kuno ukusita ndusita, leelo ukuomba chino chazipa kusimo.

Aloma 9:22

Ichino ichani leelo ngi Leesa alusita ukulanga ukali waakwe nu kumanyisya amaka yaakwe, uku chelelesi nkani walekelile ififya fya ukali fino fyachisilwe uononi.

1 Kolinto 4:7

Kuno uwini wino angakusyutanya nu nnyonko? Uli na chani chino utapokelela? Ngangi wapokelile, aluutensezya chani ungati utapilwe?

2 Kolinto 7:1

Ichino, yakundikwa, lino tuli na malanyo ya, tuuswefye nu kutisha ikwi lyonsi ilya ku mwili nu ku mweso, na kuno angi tuinye uswefu witu un-chopo chi Leesa.

Agalatia 3:22

Leelo iLyandiko lyanyepa vyonsi apansi uku maka ya maifyo, kuti yao yano yazumile, yapiwe ulanyo ulye uku Usumilo muli Yesu Klisto.

Aefeso 2:2

Yano mwachitanga kali uku kulondela imiele ya nsiyi, nu kunndondela umwene wa maka ya piyulu, umweso ulye uno uluomba imilimo umu uunjaana yano yapaluka,

Aefeso 4:22

musule imiele ino iya ntangulo iya untu wa kali, yino ikulononeka uku kulondela itama zino zili na mazosyo,

Akolosai 1:21

Nemwe kwene, yano kali mwalile mwapaluka, na kaili yasiluembu um-myenzo ino uku milimo ino imiipe, leelo apa kasalaka watamupulikanya,

1 Tesalonike 4:13

Leelo yachitu, tutakasi kuti mutamanye ifya kuli yano yalala unfwa, kuti mutawaika imyeso, wi yamwi yano yatataile.

1 Tesalonike 5:6

Ichino tutachilala utulo wa yanji, leelo tuchesye nu kuikôla.

1 Timoteo 6:9

Leelo yao yano yalusita ukuwa ni nsao, yakulupona um-mazosyo ni mityo, ni tama tupu zya uwele-wele, zino ziluzanya, zino zilutuwizya antu un-kulowa nu kononeka.

Tito 3:3

Kuno kali neswe kwene tutali na mano, twali yatanduke, twazosiwa nu kuombela itama ni nyengwa tupu, nu kwikala um-viipe nuzuwa, twatuwananga.

1 Petlo 1:14

Wa yana ya nchinsi, mutalondelela ukukumbuka kwino ukwa ntangulo, ukwa kuntamanya kwino,

2 Petlo 2:14

Yakulusinisha achende, antu yano yatakuta ukuchita amaifyo; yakulusosha imyeso ya antu yasi na maka; imyeso yao yawelesha ifya tama, ana ya lutipu.

2 Petlo 2:18

Kuno yakuluvwanga amaswi ya chiwele-wele aya chilumba, yakulusosha antu un-tama sha mwili nu ku unyamfi, antu yano yachitampa ukuituka yano yali un-kulowa kwao.

1 Yoane 2:16

Kuno chonsi chino chili un-nsi, ndi fino ukukumbuka kwa mwili, nu kukumbuka kwa maaso ni chilumba cha upuma, vitakufuma kuli Tata, leelo vilufuma un-nsi.

1 Yoane 2:8

Kaili namwandikila isunde lipya, iswi lya chumi kunali nu kuno muli, kuno ichanda chilusila nu mwengelela uo uwa chumi uuswefya.