Aeblania 4:2 - UPANGANO UPYA

² Kuno umwenemo, neswe kwene twasundwa iswi-sipe wi yao. Leelo iswi lilye lino lyapulikikwe, litayaombile chimwi. Kuno lituminkine nusumilo muli yeneyo.

Aeblania 4:2 ပူးပေါင်းရင်းမြစ်များ

Milimo 13:46

Leelo Paulo na Balanaba yavwanga uku chiposye, yaati: “Chalingine kuti iswi li Leesa litane lilandwe kuno muli; leelo kuno mwalitenkela ukutali, nu kuulola fino mutaine nupuma wa manda ti, lolini, twaseleukila uku akulukuwa.

Milimo 3:26

Leesa pano watutulula uMuofi waakwe watangwile ukumtuma kuno muli, kuti amupepelele nu kumuleusya chila wenga na maifyo yaakwe.”

Aloma 2:25

Kuno ukuchitwa ichibalu kuyile ndi walema iNtambi. Leelo ndi utalemile iNtambi, ukuchitwa kwako ichibalu kwawa kusi kuchitwa ichibalu.

Aloma 3:3

Ichani fwandi ngi yamwi pali yeneyo yatasumile? Chene! ukunta-sumila kwao kungalesha Leesa ukusumilwa?

1 Kolinto 13:3

Nanti ngafima usavi wane onsi, ukulyisya apina, nanti nafima umwili wane mpye nu moto, ngi nsi nu lukundo, ali ntakwite chimwi.

Agalatia 3:2

Ndusita ukumanya iswi li lyonga kuno muli. Chene! mwapokelile Mweso uku milimo ya Masunde, nanti uku kupulika kuno kulufuma uku Usumilo?

Agalatia 3:8

Ni Lyandiko lilye fino lyawine fuma kali, fino Leesa aluyalila ichumi akulukuwa uku Usumilo, lyasunzile Ablaamu iswi-zipe fuma kali, ukuti: Muli wewe mipanda yoshi ilupepelelwa.

Agalatia 4:13

Leelo mumanyile fino namusundile ilya ntangulo iswi-zipe uku nnandu wa utonte wa mwili.

1 Tesalonike 1:5

Kuno iswi-sipe litamwisile uku maswi sile, leelo nu ku maka nu ku Mweso Nswefu, nu lukomyo tupu; ndi fino mumanyile intambi situ fino shali kuli mwemwe uku nnandu wino.

1 Tesalonike 2:13

Ichino neswe tulusamalisha Leesa nanti kuta, kuno pano mwapokelile iswi lya mbila ilyi Leesa lino mwapulika kuno tuli, mutalipokelile wiswi lya antu, leelo wiswi li Leesa, ichumi ifino lili, lino liluomba unnimo unkasi ino, mwe yano mwasumila.

1 Timoteo 4:8

Kuno ukuuwelezya ukuwa na maka ya mwili kuile uche, leelo ichopo-kuli-Lesa chiile uku ifintu vyonsi; ndi fino uli nulanyo wa upuma wa pa kasalaka na uno ulwiza.

Aeblania 11:6

Leelo ndi kusi usumilo, utangi umsipile. Kuno untu wino aluya kuli Leesa, chiine asumile fino wene aliko na fino akuluyapa unnambu yalye yano yakulunsita.

Aeblania 3:12

Lolini yachane, atachiwa-po umwi pali mwemwe nu mweso uipe nuwa kuntasumila, uku kuutalula kuli Leesa wa upuma.

Aeblania 4:6

Ichino fino iswi liyo lyasyalila ukuti yaliko antu yano yalwingila mwenemo, na yalye yano yasunsilwe iswi lilye kali, yaatingile uku imandu wa kutanduka kwao,

Yakobo 1:21

Ichino sumbilini ukutali unyamvi nuipe wonsi, nu kupokelela uku utonsu iswi lilye, lino lyapezilwe muno muli, lino lingafyusya imyenzo ino.

1 Petlo 1:12

Yaswelwilwa fino fisi kuli yao sile, leelo kuli mwemwe yaomfile ifintu fiyo, fino kasalaka filusundwa kuno muli na yano yalumusunda iswi-siipe uku Mweso Nswefu, wino watumilwe ukufuma umwiyulu. Ifintu fi na yamalaika kwene yalukumbuka ukuvilola.