2 Kolinto 4:6 - UPANGANO UPYA

⁶ Kuno Leesa wino waatile: “Umwengelela ulochelesha ukufuma un-chanda,” uli wino wochelishe um-myenzo itu, atupe umwengelela wa kumanya ukulu wi Leesa apa maaso yi Klisto.

2 Kolinto 4:6 ပူးပေါင်းရင်းမြစ်များ

Luka 10:22

Napiwa ifintu fyoshi na Tata, kushi wino amanyile uMwana uwini shiko Isi, na kushi wino amanyile Isi, shiko Mwana na wensi wino Mwana akasime ukunjulila.”

Yoane 1:14

Nalyo Iswi lyaombike umwili, likala kuno tuli, neswe twaulola ukulu wakwe, ukulu ndi kuti uMwana wenga wino afumile kuli Tata, uwa nkumbu ni chumi.

Yoane 11:40

Yesu wannena, waati: “Ntali nkunenile fino ndi wasumila wannola ukulu wi Leesa?”

Yoane 12:41

Amaswi yao, wafwasile Isaya kuno wawine ukulu wakwe, walanda amaswi yaakwe.

Milimo 26:18

uyalansye nu kuyaseleula yasye ichanda nu kuseleukila umwengelela, yate na maka yi Shetani, nu kuungama kuli Leesa, kuti yelelwe amaifyo yao, nu pyani kuno yali yano yaswefiwa uku usumilo uno uli kunondi.’

1 Kolinto 12:8

Kuno wenga uku Mweso apiwa iswi lya mano na kuli wenga iswi lya kumanya ndi fino uMweeso ali wenga akasime.

2 Kolinto 2:10

Leelo ngi wino mwelela chimwi angi nene kwene ntimwelela; kuno nene kwene ngi namwelela untu chimwi, —kuno ngi ndini cha kwelela—ningelela pali Klisto ku nnandu wino.

2 Kolinto 3:18

Leelo swemwi swensi uku maaso kuno kusi kukuwe, tuluwesha ukulu wa Mwene wa pa chilole, tulusenulwa tukolane nao ukufuma um-ukulu nu ku ukulu, ndi fino um-ukulu uno ufumile uku Mwene, nawe uMweso.

2 Kolinto 4:4

yano lesa wansi ii wapofusha amelengusi yao yano yatasumile, kuti yatachilola umwengelela wiswi-siipe ilya ukulu wi Klisto, wino ali ichata chi Leesa.

Aefeso 1:17

Kuti Leesa wa Mwene witu Yesu Klisto, Tata wa ukulu, amupe mwemwe uMweso wa mano nu wa kuswelulwa, ukummanya unkola.

Aefeso 1:18

Amanso ya myenzo yino yatelwe umwengelela; mumanye utailo wa lwito lwakwe, fino uli, nu savi wa ukulu wa upyani waakwe um-yaswefiwa, fino uli.

Aefeso 5:8

Kuno kali mwemwi mwali un-chanda, leelo li kwene mwamwa mwengelela um-Mwene; mu pitange wa ana ya mwengelela.

Afilipi 2:6

Wino wali um-mwata wi Leesa, wene atawine ukuwa wi Leesa, fino ichintu cha kulemantila.

Akolosai 1:15

Wene akoline na Leesa wino atakuloleka, uwiyele uku vilengwa vyonsi.

1 Tesalonike 2:12

nu kwimikila ushuta, kuti muwe ndi fino chimuile pali Leesa, wino alumwita mwingile um-wene waakwe num-ukulu wakwe.

Aeblania 1:3

Wenewe kuno umwengelela wa ukulu wakwe, ni chimanyisyo cha chata chakwe, wavisenda fyoshi ukwiswi lya maka yaakwe, pano wamala kuswefya antu ku maifyo yao, wikazile ukwikasa lya kwilunji ilya Ukulu umwiyulu.

Aeblania 6:4

Kuno yao yano yaati yapiwa umwengelela nu kusana uwila wa mwiyulu, nu kuchitwa yuminkani yi Mweso Nswefu,

1 Petlo 1:12

Yaswelwilwa fino fisi kuli yao sile, leelo kuli mwemwe yaomfile ifintu fiyo, fino kasalaka filusundwa kuno muli na yano yalumusunda iswi-siipe uku Mweso Nswefu, wino watumilwe ukufuma umwiyulu. Ifintu fi na yamalaika kwene yalukumbuka ukuvilola.

1 Petlo 2:9

Leelo mwemwi mwe luko lusolole, ukapela wa wene, antu yaswepe, antu ya wene wi Leesa; kuti mume imbila ya milimo ikulu yaakwe, wino wamwisile kuti mufume un-chanda, mukingile um-mwengelela waakwe uwa kusunguka.

2 Petlo 1:19

Neswe tuli niswi liyo lya ulau ilya maka nkani; muluchita ningo ngi mwalilolekesha wi kosho lino liluswefya pano pali chanda, fika na lino kwaswepa na nankokola-wantondo ukuloleka um-myeso ino.