2 Kolinto 4:4 - UPANGANO UPYA

⁴ yano lesa wansi ii wapofusha amelengusi yao yano yatasumile, kuti yatachilola umwengelela wiswi-siipe ilya ukulu wi Klisto, wino ali ichata chi Leesa.

2 Kolinto 4:4 ပူးပေါင်းရင်းမြစ်များ

Mateo 13:22

Nawe wino apeshilwe apa myoonga, wiyo uwino alupulika liili iswii; ni fya kuno ukuushi nu uchenjeshi wa usafi fikulufyeenka lili iswii, litasêka.

Yoane 1:14

Nalyo Iswi lyaombike umwili, likala kuno tuli, neswe twaulola ukulu wakwe, ukulu ndi kuti uMwana wenga wino afumile kuli Tata, uwa nkumbu ni chumi.

Yoane 1:18

Kusi untu wino watana walola Leesa nanti limwi; uMwana wi Leesa wino ali pa chifuwa chi Tata, wafilwe wenga, uwino watulangilile.

Yoane 12:31

Li kwene kwawa uputusi wa milandu ya nsi, li kwene unndâsi wa nsi i wawingwa.

Yoane 12:35

Nga Yesu wayanena, waati: “Umwengelela uchili ponga nemwe amanda mache. Pitangi chino muli nu mwengelela uo, ichanda chitisa chimusane, kuno wino alupita un-chanda atamanile kuno aile.

Yoane 12:40

“Wayapofusha amanso, wainwamika imyeso yao, yaatise yalole uku maso yao, yamanye uku myeso yao, yasenuke, njaposha.”

Yoane 12:45

Na wino alundola nene, alulola wino wantumile.

Yoane 14:30

Inene ntalufwanga nemwe amaswi tupu kaili, kuno alwisa unndâsi wa nsi i; nawe asi na maka kunondi.

Yoane 15:24

Ngangi ntali mbombe imilimo yino unji ataomfile ukuyakola, ngangi yatakwite amaifyo. Leelo kasalaka yailola na kututuwa nene na Tata.

Yoane 16:11

Uku nnandu wa uputusi wa milandu, kuno unnâsi wa kuno ukunsi wataputwilwa unnandu.

Yoane 8:12

Nga Yesu wayanena kaili, waati; “Nene ndi mwengelela wa ya kusi; wino andondile, ataluya un-chanda nanti uche, leelo aluwa nu mwengelela wa upuma.”

Milimo 26:18

uyalansye nu kuyaseleula yasye ichanda nu kuseleukila umwengelela, yate na maka yi Shetani, nu kuungama kuli Leesa, kuti yelelwe amaifyo yao, nu pyani kuno yali yano yaswefiwa uku usumilo uno uli kunondi.’

Milimo 26:23

Fino chilungime Klisto aluchula na fino unkola alutangula atutuluke uku yafwi, aluma imbila ya maswi ya mwengelela uku antu yaakwe nu ku yakulukuwa.”

1 Kolinto 10:20

Awe, leelo ifintu fiyo fino vilufimwa uwila vilufimwa uku myao, kusi kuli Leesa; nene ntakasime ukuti muwe nu wankanyi ponga ni myao.

2 Kolinto 2:11

Kuti Shetani atatupota; kuno tutangituule ukumanya amelenguzi yaakwe.

2 Kolinto 2:12

Nga pano nishile uku Tloa uku nnandu wiswi-siipe ilyi Klisto, nayulilwe unnyango ku maka ya Mwene.

2 Kolinto 3:11

Kuno ngi chino chilusila chali nukulu, chino chashala chili nukulu ukuluta.

2 Kolinto 3:14

Leelo amelengusi yao yanwainikwe. Kuno ni leelo kwene li, pano yalusoma upangano wa kali, yatakukûla ichikuwalo, kuno chakûlwa muli Klisto sile.

2 Kolinto 3:18

Leelo swemwi swensi uku maaso kuno kusi kukuwe, tuluwesha ukulu wa Mwene wa pa chilole, tulusenulwa tukolane nao ukufuma um-ukulu nu ku ukulu, ndi fino um-ukulu uno ufumile uku Mwene, nawe uMweso.

2 Kolinto 4:6

Kuno Leesa wino waatile: “Umwengelela ulochelesha ukufuma un-chanda,” uli wino wochelishe um-myenzo itu, atupe umwengelela wa kumanya ukulu wi Leesa apa maaso yi Klisto.

Agalatia 1:4

Wino waufimile upuma waakwe uku nnandu wa maifyo itu, ukuti atukulule unsi ii njiipe ino ilipo kasalaka, ndi fino wakasime Leesa Tata witu.

Aefeso 2:2

Yano mwachitanga kali uku kulondela imiele ya nsiyi, nu kunndondela umwene wa maka ya piyulu, umweso ulye uno uluomba imilimo umu uunjaana yano yapaluka,

Aefeso 6:12

Kuno ukulwa kwitu asi kwa wazi nu mwili, leelo apa wene na maka, uku ikolo ya chanda chi, apa maumba ya viwa viipe um-mikalo ya piyulu.

Afilipi 2:6

Wino wali um-mwata wi Leesa, wene atawine ukuwa wi Leesa, fino ichintu cha kulemantila.

Akolosai 1:15

Wene akoline na Leesa wino atakuloleka, uwiyele uku vilengwa vyonsi.

Akolosai 1:27

Yano Leesa wakasime ukuyamanyisya usafi wa ukulu wa melengwe ya uku yakulukuwa: nawe i Klisto ali muno muli, utailo wa ukulu.

1 Timoteo 1:11

Ndi fino chavwanzilwe umwiswizipe ilya ukulu wi Leesa alutensiwa, lino napiwa ukusunda.

Tito 2:13

Angi tululolela utailo wa upepelelo nu kuloleka kwa utensho wi Klisto Yesu, Leesa witu unkulu na Katula witu.

Aeblania 1:3

Wenewe kuno umwengelela wa ukulu wakwe, ni chimanyisyo cha chata chakwe, wavisenda fyoshi ukwiswi lya maka yaakwe, pano wamala kuswefya antu ku maifyo yao, wikazile ukwikasa lya kwilunji ilya Ukulu umwiyulu.

Aeblania 6:4

Kuno yao yano yaati yapiwa umwengelela nu kusana uwila wa mwiyulu, nu kuchitwa yuminkani yi Mweso Nswefu,

2 Petlo 1:19

Neswe tuli niswi liyo lya ulau ilya maka nkani; muluchita ningo ngi mwalilolekesha wi kosho lino liluswefya pano pali chanda, fika na lino kwaswepa na nankokola-wantondo ukuloleka um-myeso ino.

1 Yoane 2:11

Leelo wino watuwa uwachakwe, ali un-chanda, na kaili alupita un-chanda, atamanyile kuno ayile, kuno ichanda champofuzya maaso yaakwe.

1 Yoane 2:8

Kaili namwandikila isunde lipya, iswi lya chumi kunali nu kuno muli, kuno ichanda chilusila nu mwengelela uo uwa chumi uuswefya.

1 Yoane 5:19

Tumanyile fino swemwi swe yi Leesa, ninsi yoshi itesi um-makasa ya njipe wiyo.