2 Kolinto 13:9 - UPANGANO UPYA

⁹ Kuno tuluchimba ngi swemwi tusi na maka, nemwe muli na maka. Na kaili tululomba li, nalyo liyane kuno muli.

2 Kolinto 13:9 ပူးပေါင်းရင်းမြစ်များ

Aloma 15:2

Chila ntu pali sweswe azifizye uwachakwe, azane uzipe nu kukuziwa.

1 Kolinto 1:10

Ichino ndumusunda yachane, ukwishina lya Mwene witu Yesu Klisto, ukuti mwensi muvwange ichili chonga, kutachiwa ukutana; leelo kuti muwe ichilichonga numweeso onga.

1 Kolinto 2:3

Nene naliko kuno muli uku kutonta ni ngofi nu kutetema ndi.

1 Kolinto 4:10

Swe viwele-wele uku nnandu wi Klisto, leelo mwemwi mwe ya mano muli Klisto; swemwi twatonta, leelo mwemwi muli na maka; mwemwi muli nukulu, leelo swemwi twasulwa.

2 Kolinto 11:30

Ngi chandungama ukuutensha, nambutensha ukutonta kwane.

2 Kolinto 13:11

Apa kumalila, yachane, chimbini, muyane, musundane, muwe nu mweso onga, muweleshane; na Leesa wa lukundo nu kuweleshana aluwa ponga nemwe.

2 Kolinto 13:4

Kuno wakonkamilwe mu utonte, leelo atesi uku maka yi Leesa. Kuno neswe kwene tuli nutonte muli wenewe, leelo tulwikala ponga nawe ukumakayi Leesa, yano yali kuli mwemwe.

2 Kolinto 4:12

Ichaleka infwa yawa na maka muli sweswe, leelo upuma muli mwemwe.

2 Kolinto 7:1

Ichino, yakundikwa, lino tuli na malanyo ya, tuuswefye nu kutisha ikwi lyonsi ilya ku mwili nu ku mweso, na kuno angi tuinye uswefu witu un-chopo chi Leesa.

Akolosai 1:28

Wino sweswe tulusunda amaswi yaakwe, nu kusokesha chila untu nu kusambilisha chila ntu uku mano yoshi, ukuti tuletele ntu wensi ukuwa wa kapanga muli Klisto.

Akolosai 4:12

Epafla wa kumwino alumulaula, umuofi wi Klisto Yesu, nawe ali nunte manda yoshi uku kumupepela, ukuti mwimilile nanti kutelengana, mukome nkani muli vyonsi fino Leesa akasime.

1 Tesalonike 3:10

Usiku nu nsanya pano tulupepa uku maka, kuti tulolane, nu kumalila fino vyasyalila uku kuzumila kwino.

2 Timoteo 3:17

Ukuti untu wi Leesa awe wa kapanga, wayana kuti aombe imilimo yoshi imisipe.

Aeblania 12:23

Ikongani ikulu lya luzango lya yana yiyele, yano yaandikwa umwiyulu, na Leesa Mputusi wa antu yoshi, ni myeso ya antu ya chumi yano yafikilila,

Aeblania 13:21

amukomye mwemwe ukuchita fisiipe fyoshi, kuti muchite chino wakasi; nawe angi aluchita muli sweswe lino lisifile apa maaso yaakwe, kuli Yesu Klisto. Ukulu uli nawe manda ti na ti. Chiwe fiyo kwene!

Aeblania 6:1

Ichino tute amasambilisho ya ntangulo ayi, Klisto, tulemasha uku yakapanga; tutachiwika kaili ichiimbili cha kufipela uku milimo ino isi ya upuma, nukuwa nusumilo kuli Leesa.

1 Petlo 5:10

Na Leesa wa nkumbu shosi wino wamwisile mwingila um-ukulu waakwe uwa manda ti muli Klisto, pano mwachula manda mache, unkola alumuyanya nu kumukomya nu kumupa amaka nu kumupa inzyansyo.