1 Kolinto 3:18 - UPANGANO UPYA

¹⁸ Umwi atachiuzosya unkola! Ndi umwi waulola ali na mano pali mwemwe kuno ukunzi, awe ichiwele-wele, kuti awe uwa mano.

1 Kolinto 3:18 ပူးပေါင်းရင်းမြစ်များ

Agalatia 6:3

Kuno nguntu aluulola fino ali chimwi, nga nawe asi chimwi, aluuzosya unkola.

Yakobo 1:22

Muwe yakachita yiswi, mutachiwa yakapulika sile; angi muluuzosya apalwino.

Luka 18:17

Umwenemo ndumunena, untu wensi wino ataupokelile uwene-wi-Leesa wa mwana unnono, atalwingila mwenemo nanti uche.”

Mateo 18:4

Ichino weeshi uwacha waucheefya unkola wa mwaanche nnono wi, wiyo ali wikolo um-weene-wa-mwiyulu.

Malko 10:15

Umwenemo ndumunena: wensi wino ataluzumila uwene-wi-Leesa wa mwanche nnono, atalwingila nanti uche.”

Yakobo 1:26

Untu ngi welengula ukuti ali ni dini, leelo atakutungulula ululumi lwakwe, na kuno angi aluuzosya ummweso wakwe, idini ya ntu wiyo iya chaka chaka.

Tito 3:3

Kuno kali neswe kwene tutali na mano, twali yatanduke, twazosiwa nu kuombela itama ni nyengwa tupu, nu kwikala um-viipe nuzuwa, twatuwananga.

Aefeso 5:6

Umwi atachimuzosya uku maswi ya uwelewele; kuno kuli vyenevyo ukali wi Leesa ukulwizila ana ya misalula.

1 Kolinto 6:9

Chene! mutamanyile fino asi-ya-chumi yatalupyana uwene-wi-Leesa?

1 Kolinto 4:10

Swe viwele-wele uku nnandu wi Klisto, leelo mwemwi mwe ya mano muli Klisto; swemwi twatonta, leelo mwemwi muli na maka; mwemwi muli nukulu, leelo swemwi twasulwa.

1 Yoane 1:8

Ndi tuluti: tutakwite amaifyo, tuluusosha swe yakola, nanti chumi tutakwite.

2 Timoteo 3:13

Leelo antu yaipe aya mazosyo yaluwapo nu kuipisya, angi yalulovya nu kulowana.

Agalatia 6:7

Mutazosiwa, Leesa atakusowekwa. Kuno chonsi chino untu wakomela, ali chino alukumbula.

1 Kolinto 15:33

Mutachilowana; kuno amaswi maipe yakulonona intambi nzipe.

Aloma 12:16

Muwe numweeso onga chila ntu nu nnina, mutalangilila myenzo ino uku ifintu vikulu, leelo londelini auchefya uku vya myenzo. Mutaulola fino mwe ya malango nkani.

Aloma 11:25

Kuno, yachane, ntakasi kuti mutachiula ukumanya inkama ii, kuti mutaulola fino mwe ya malango: fino mbalinga utazu wayazana aIslaeli, fika nu kufikilila kwa akulukuwa.

Luka 21:8

Ati: “Tekelini mutalowa; kuno ainji yalwisa ukwishina lyane, yaati: ‘Nene ndi wenewe,’ na kaili: ‘Amanda iyapalamila.’ Nga mutachiyalondela.

Mateo 13:22

Nawe wino apeshilwe apa myoonga, wiyo uwino alupulika liili iswii; ni fya kuno ukuushi nu uchenjeshi wa usafi fikulufyeenka lili iswii, litasêka.

1 Kolinto 3:17

Ngi wino wonona ing'anda yi Leesa, Leesa alumonona. Kuni ng'anda yi Leesa inswefu nayo ali mwemwe!