1 Kolinto 3:12 - UPANGANO UPYA

¹² Leelo ngu ntu wakula apa chiimbili chio, isaabu nanti feza, nanti amafinga ya mpia tupu, nanti iviti, nanti amafwa, nanti amasote, unnimo wi chila ntu ululoleka apatiswe.

1 Kolinto 3:12 ပူးပေါင်းရင်းမြစ်များ

Milimo 20:30

Na kaili pali mwemwe yalukatuka antu yaluvwanga ifintu vya kulovyanya, ukuti yapulusizye alondeshi kuno yali.

Aloma 16:17

Yachane ndumusokezya muyalole yalye yano yaluchita ivitina ni ifintu vya kukumisya, fino vitaine na masa-mbilizyo yano mwasambilile, mutane nayo.

1 Kolinto 3:11

Kimo ichiimbili chinina kusi wino angachiwika, siku chino chati chiwikwa, ali Yesu Klisto.

1 Kolinto 3:13

Kuno uwanda ulye ululangizya, kuno ululoleka nu moto, nu moto uo ulwezya unnino wi chila ntu ndi uli uli.

2 Kolinto 2:17

Kuno swemwi tusi wa inji yano yakuluchulusha iswi lyi Leesa, leelo uku uswepe wa mweso ndi fino ukufuma kuli Leesa, apa maaso yi Leesa, tuluvwanga muli Klisto.

2 Kolinto 4:2

Leelo twati tukana ifintu fyoshi fya nsoni ififisime, kuno tutalupita um-uchenjesu nanti ukuminkanya iswi li Leesa nufi, leelo fino tululanda ivya chumi apatiswe, myeso ya antu yoshi yamanye, fino tuli apa maaso yi Leesa.

Akolosai 2:8

Mulole umwi atamuchita uzya uku mano yaakwe aya chaka chaka nu kuzosya kutupu, ndi fino antu yakululema intambi ya yanji, na masambilisho ya nsi fuma kali, nga asi ndi fino kuli Klisto.

1 Timoteo 6:3

Untu angawa wensi ngi wasambilizya masambilizyo yano yauwelile, ngi atayazumile amaswi yaya ya upuma aya Mwene witu Yesu Klisto, nanti amasambilizyo yano yaine ni chopo-kuli-Leesa,

2 Timoteo 2:20

Leelo un-ng'anda inkulu musi ivivya vya zaabu na feza sile, leelo ni vya viti ni vimatwa kwene, vimwi vyachindama, vimwi pole.

2 Timoteo 3:13

Leelo antu yaipe aya mazosyo yaluwapo nu kuipisya, angi yalulovya nu kulowana.

2 Timoteo 3:7

Angi yalusambilila amanda yoshi, leelo yatezya ukumanya nanti kache chimwi cha chumi.

2 Timoteo 4:3

Kuno kulwiza amakati yano yalukana masambilizyo ya upuma. Nga yaluusitila yakasambilizya tupu kuyana fino yakunda, yano yalusambilizya ifintu fino viluya um-makutwi yao.

Aeblania 13:9

Mutachikweswa na masambilisho ya misango yinji, iya eni; kuno chisifile umweso ukomiwe uku nkumbu, leelo asi ku fyakulya; yao yano yafilondile yatachili yapate chimwi.

1 Petlo 1:7

kuti kwesiwa kwa usumilo wino, uno ulusile nkani isaabu ino ikusila, nanti fino ikulwesiwa um-moto, kuloleke uku utensho nukulu nu nchinsi, pano Yesu Klisto wacha wasokoloka.

Uswelulo 2:14

Leelo ndi na maswi mache kuli wewe, kuno uli na antu yano yalemile amasambilisho yi Balaamu, wino wasambilisha Balaka, achite ifya kukowesha aIslaeli, ukuti yalye ifintu fino vyafimwa uwila uku filui, nu kuchita upundu.

Uswelulo 21:18

Nunkulo wi linga lyaakwe wali uwa almasi. Nunzi uo wali uwa zaabu nswepe ukolenkine ni chilole chiswepe.

Uswelulo 3:18

nakupa iswi, ukale ukwane zaabu yino yengulwa um-moto, kuti uwe nsavi, ni myenda mitiswe uzwale, kuti insoni zya kwikala tupu zitachiloleka, nu nnembo wa maaso uwa kupakala, kuti ulole.