1 Kolinto 2:6 - UPANGANO UPYA

⁶ Leelo kuli amano yano tuluvwanga apa antu ya kapanga. Nga yasi mano ya nsi yi, nanti ayi yano yalâsile insi yii, yano yalusila.

1 Kolinto 2:6 ပူးပေါင်းရင်းမြစ်များ

Mateo 13:22

Nawe wino apeshilwe apa myoonga, wiyo uwino alupulika liili iswii; ni fya kuno ukuushi nu uchenjeshi wa usafi fikulufyeenka lili iswii, litasêka.

Mateo 19:21

Yesu wannena waati: “Ngu lushita ukuyanya fyooshi, yaanga ukakashe fino uli navyo, upe apina, apano uluwika uwikalo waako umwiyulu, apano nguuna, undondele.”

Mateo 5:48

Ichino neemwe muyaane, ndi fino So wino uwa mwiyulu wayaana.

Luka 16:8

Umwene wiyo atensha kasunga wiyo njipe, kuno waomba uku mano, kuno antu ya kuno ukushi yaluomba ningo na mano um-ifintu vyao um-mpanda wao, kuluta na ana ya mwengelela.

1 Kolinto 1:28

Na kaili Leesa wasolwile ifintu fino visi na maka ivya kuno ukunzi, fino vyasulwa, endita, ifintu fino visiko, ukuti asule fino viliko.

1 Kolinto 12:8

Kuno wenga uku Mweso apiwa iswi lya mano na kuli wenga iswi lya kumanya ndi fino uMweeso ali wenga akasime.

1 Kolinto 14:20

Yachane, mutawa na mano ya chanche, leelo uku viipe muwe wa anche; leelo muwe yikolo uku mano.

1 Kolinto 2:1

Ichino yachane, pano nizile kuno muli, ntizile kuti imusundile usyuta wi Leesa uku kumanya amaswitupu, nanti uku mano.

1 Kolinto 2:13

Na tukuuvwanga, kusi ku maswi yano yalusambilishiwa na mano ya ntu, leelo yano yalusambilishiwa nu Mweso, angi tulusiula ifintu vyamweeso uku maswi yamweeso.

1 Kolinto 2:8

Yano yalâsile insi yi yatamanyile, nanti wenga; kuno ngangi yayamanyile, yatali yumole uMwene wa ukulu.

1 Kolinto 3:1

Nga yachane, ntangi fwange nemwe ungati antu ya ntambi-ya-mweso, leelo ungati antu ya ntambi-yamwili sile, wa yanche yanono muli Klisto.

2 Kolinto 1:12

Kuno ukuutensha kwitu uli ku, usyuta wa myeso itu, fino uku uswefu nutiswe wa mweso uno ufumile kuli Leesa, asi ku mano ya mwili, leelo uku nkumbu shi Leesa, umuno twikalile kuno ukunsi, na nkani kuno muli.

2 Kolinto 13:11

Apa kumalila, yachane, chimbini, muyane, musundane, muwe nu mweso onga, muweleshane; na Leesa wa lukundo nu kuweleshana aluwa ponga nemwe.

2 Kolinto 4:3

Leelo ngiswi-siipe litu lyafisama, lifisime kuli yano yalulowa,

2 Kolinto 4:4

yano lesa wansi ii wapofusha amelengusi yao yano yatasumile, kuti yatachilola umwengelela wiswi-siipe ilya ukulu wi Klisto, wino ali ichata chi Leesa.

Aefeso 2:2

Yano mwachitanga kali uku kulondela imiele ya nsiyi, nu kunndondela umwene wa maka ya piyulu, umweso ulye uno uluomba imilimo umu uunjaana yano yapaluka,

Akolosai 1:28

Wino sweswe tulusunda amaswi yaakwe, nu kusokesha chila untu nu kusambilisha chila ntu uku mano yoshi, ukuti tuletele ntu wensi ukuwa wa kapanga muli Klisto.

Akolosai 4:12

Epafla wa kumwino alumulaula, umuofi wi Klisto Yesu, nawe ali nunte manda yoshi uku kumupepela, ukuti mwimilile nanti kutelengana, mukome nkani muli vyonsi fino Leesa akasime.

Aeblania 5:14

Leelo ichulya ichikomu icha yantu yapuma, yano amano yao ukukuombela yawelela ukumanya ifisipe ni fiipe.

Aeblania 6:1

Ichino tute amasambilisho ya ntangulo ayi, Klisto, tulemasha uku yakapanga; tutachiwika kaili ichiimbili cha kufipela uku milimo ino isi ya upuma, nukuwa nusumilo kuli Leesa.

Yakobo 3:15

Amano yao asi yano yalufuma umwiyulu, leelo aya kuno ukunsi, aya ntambi ya uuntu ni yi Chiwa.

Yakobo 3:2

Kuno swensi tulukumika um-ifintu amaila tupu. Untu wino atalonona un-kufwanga, wiyo untu wa mpomvu, angaukôla nu mwili waakwe wonsi nu kuukolelela.

1 Petlo 5:10

Na Leesa wa nkumbu shosi wino wamwisile mwingila um-ukulu waakwe uwa manda ti muli Klisto, pano mwachula manda mache, unkola alumuyanya nu kumukomya nu kumupa amaka nu kumupa inzyansyo.