1 Kolinto 2:1 - UPANGANO UPYA

¹ Ichino yachane, pano nizile kuno muli, ntizile kuti imusundile usyuta wi Leesa uku kumanya amaswitupu, nanti uku mano.

1 Kolinto 2:1 ပူးပေါင်းရင်းမြစ်များ

Milimo 20:21

Angi ndwimikila aYudea na aGliki yavipele kuli Leesa, nu kuzumila uMwene witu Yesu.

Milimo 22:18

Nga nannola, nawe anena, ati: ‘Kalauka fuma um-Yelusalemu zuwa, kuno yatalupulika usyuta wako uku maswi yane.’

Aloma 16:18

Kuno yano yali fiyo yataluombela uMwene witu Klisto, leelo inda zyao akola, nu ku maswi matonsu aya kuupapatizya, yaluzosya antu yano yatamanyile.

Aloma 16:25

Apa kasalaka utensyo kuli wiyo wino angamupa amaka ukuyana niswi-zipe lyane nu ku kusundwa kwa maswi yi Yesu Klisto, ukuyana nuswelulo wa melengwe yano yafisime fuma kali na kali.

1 Kolinto 1:17

Kuno Klisto atantumile ukubatizya, leelo ukusunda iswi-zipe; nga kusi uku maswi ya mano, kuti unsalaba wi Klisto utize usulwe.

1 Kolinto 1:6

Ndi fino usyuta wi Klisto wakomenkesyiwa kuno muli.

1 Kolinto 2:13

Na tukuuvwanga, kusi ku maswi yano yalusambilishiwa na mano ya ntu, leelo yano yalusambilishiwa nu Mweso, angi tulusiula ifintu vyamweeso uku maswi yamweeso.

1 Kolinto 2:4

Iswi lyane nu kusunda kwane kutali uku maswi ya mano aya kutunkola amano ya antu, leelo uku ulangizyo wa Mweso na maka.

1 Kolinto 2:7

Leelo tulufwanga ainano yi Leesa um-melengwe, amano yalye yano yafisama, yano Leesa wakasime fuma kali, uku ukulu witu.

2 Kolinto 10:10

Kuno yaluti: “Imbaluwa shaakwe shakoma ni sha maka, leelo ngali penepo ponga neswe, atakwite maka, nu kufwanga kwakwe ukwa sile.”

2 Kolinto 11:6

Leelo nanti fino ntamanyile ukuvwanga, uku kumanya asi fino ndi, leelo muli chila iswi twachimanyisha kuno muli.

2 Tesalonike 1:10

pano wacha wisa, kuti atensiwe unjaswepe yaakwe nu kuzungukwa muli yoshi yano yasumile, apa wanda uo —kuno ushuta witu wasumilwe kuno muli.

1 Timoteo 1:11

Ndi fino chavwanzilwe umwiswizipe ilya ukulu wi Leesa alutensiwa, lino napiwa ukusunda.

2 Timoteo 1:8

Ichino utalolela insoni usyuta wa Mwene witu, nanti kuli nene ne nnyepwa wakwe, leelo uteke umweso um-machulo ponga nene ukwiswi-zipe, ukuyana na maka yi Leesa,

1 Yoane 4:14

Neswe twalola nu kwimikila fino Tata watuma uMwana ukuwa Katula kuno ukunzi.

Uswelulo 1:2

wino wimikile iswi li Leesa nushuta wi Yesu Klisto, uli ifintu fyoshi fino wawine.

Uswelulo 1:9

Nene Yoane, uwachino nu muminkani ponga nemwe um-machulo nu Wene nu nte muli Yesu. Nali um-manda yino yakuluti Patmo, uku nnandu wiswi lyi Leesa nu shuta wi Yesu.

Uswelulo 19:10

Nene napona apa mulu yaakwe, ukuti nsukamile. Wannena, waati: “Lola, utachichita fiyo! Nene umuofi nnyonko nu wu chako muli yano yali nusyuta wi Yesu. Sukamila Leesa! Kuno usyuta wi Yesu ali umweso wa malau.”