1 Kolinto 1:6 - UPANGANO UPYA

⁶ Ndi fino usyuta wi Klisto wakomenkesyiwa kuno muli.

1 Kolinto 1:6 ပူးပေါင်းရင်းမြစ်များ

Malko 16:20

Nayo yao yapita yasunda konsi konsi, uMwene angaluomba ponga nayo, nu kukomya iswi liyo ku vilangizyo fino vyalondekine nalyo.]

Milimo 11:17

Ali ndi Leesa wayapa uwila wuwu kwene, ndi fino watupile sweswe, yano twazumila uMwene Yesu Klisto, nene wini wino mpingule Leesa?”

Milimo 11:21

Ikasa lya Mwene lyawa ponga nayo, antu tupu yazumila yaseleukila uku Mwene.

Milimo 18:5

Leelo Silasi na Timoteo, pano yizile ukufuma uku Masedonia, Paulo aingilwa nkani niswi liyo, aimikila nkani aYudea, fino Yesu i Klisto.

Milimo 20:21

Angi ndwimikila aYudea na aGliki yavipele kuli Leesa, nu kuzumila uMwene witu Yesu.

Milimo 20:24

Leelo ntalulanga um-mweso uwikalo wane, kuno chisi chimwi, ndi fino ngamalila insila yane, leelo icha ningo ukumalila ulwendo lwane nuomfi wane, uno napokelile uku Mwene Yesu, ukwimikila iswi-sipe ilya nkumbu shi Leesa.

Milimo 22:18

Nga nannola, nawe anena, ati: ‘Kalauka fuma um-Yelusalemu zuwa, kuno yatalupulika usyuta wako uku maswi yane.’

Milimo 23:11

Usiku wa wanda uo kwene uMwene awimilila pipi nawe, avwanga, ati: “Usimpe umweso, kuno ndi fino wangimikile usyuta uku Yelusalemu, ifino ungimikila nu ku Loma kwene.”

Milimo 28:23

Walangi yansolwela uwanda, ainji yiza kunali kuno atenzi, alolola fino chili, angi alwimikila uwene-wi-Leesa, nu kuyasunda uku maswi yi Yesu nu ku maswi ya Ntambi yi Mose ni ya malau ukufuma untondo fika na mangusi.

Aloma 15:19

uku maka ya vilangizyo ni vipezya-mano, uku maka yi Mweso Nswefu. Vino ukufuma uku Yelusalemu nu mbali mbali kwene nu ku Ilulika, nati nsunda nu kufikilizya iswi-zipe lyi Klisto.

2 Kolinto 12:12

Kuno ifilangisho fya mitume fyaomfilwe pali mwemwe ukunte onsi uku fila ngisho ni fipesha-mano ni milimo ya maka.

Agalatia 3:5

Fwandi wino alumupa Mweso na kuchita ivipezya-mano pali mwemwe, Chene! aluchita fiyo uku milimo ya Masunde, nanti uku kupulika kuno kulufuma uku Usumilo?

2 Tesalonike 1:10

pano wacha wisa, kuti atensiwe unjaswepe yaakwe nu kuzungukwa muli yoshi yano yasumile, apa wanda uo —kuno ushuta witu wasumilwe kuno muli.

1 Timoteo 2:6

Wino waufimile unkola ukuwa ukuluzi kuli yoshi; uwo uli usyuta uno ulwimikwa apa makati yaakwe.

2 Timoteo 1:8

Ichino utalolela insoni usyuta wa Mwene witu, nanti kuli nene ne nnyepwa wakwe, leelo uteke umweso um-machulo ponga nene ukwiswi-zipe, ukuyana na maka yi Leesa,

Uswelulo 1:2

wino wimikile iswi li Leesa nushuta wi Yesu Klisto, uli ifintu fyoshi fino wawine.

Uswelulo 1:9

Nene Yoane, uwachino nu muminkani ponga nemwe um-machulo nu Wene nu nte muli Yesu. Nali um-manda yino yakuluti Patmo, uku nnandu wiswi lyi Leesa nu shuta wi Yesu.

Uswelulo 12:11

Nayo yampota uku wazi wa Mwana-nfwele nu kwiswi lya usyuta wao, yano yatakunzile upuma wao fika nu kunfwa.

Uswelulo 12:17

Ichizoka chalakalikila mwanachi wiyo, chaya ukuyulwa isumo na ana ya mwanachi yano yasile, yano yachindika ivilangaso vi Leesa nu kulemasya usyuta wi Yesu.

Uswelulo 19:10

Nene napona apa mulu yaakwe, ukuti nsukamile. Wannena, waati: “Lola, utachichita fiyo! Nene umuofi nnyonko nu wu chako muli yano yali nusyuta wi Yesu. Sukamila Leesa! Kuno usyuta wi Yesu ali umweso wa malau.”

Uswelulo 6:9

Na pano wasapula akamanyililo ka usano, nalola apansi apa altale, imyenzo yao yano yafyuzilwe uku nnandu wiswi lyi Leesa’ nuku nnandu wa usyuta uno yimikilanga.