Zakariya 9:4 - Kifuliiru

⁴ Kundu kwokwo, birya bindu byamwo byoshi, Nahano agaki binyaga. Na zirya nzitiro zoꞌkuyisiikira mwo, agazitibulira mu nyaaja. Kalya kaaya, umuliro gugakajigiivya lwoshi-lwoshi!

Zakariya 9:4 ပူးပေါင်းရင်းမြစ်များ

Migani 10:2

Umundu, kundu angagungana, ndaako kamaro ka ali mu longa. Haliko, ikyanya agira íbikwaniini, lyoki ali mu kizibwa mu lufu.

Migani 11:4

Kundu umundu angaba ali noꞌbugale, si ku lusiku lwoꞌkufwa, butamúhitiiri kamaro. Haliko, umundu úkwaniini, yehe, ali mu kizibwa mu lufu.

Hisaaya 23:11

Nahano keera akagolola ukuboko kwage ku nyaaja, anajugumya amaami mu kihugo. Anagweti agakyula kweꞌnzitiro zeꞌKaanani zihongolwe.

Hezekyeri 26:17

Haaho, banatondeere ukuyiganyira, iri banayimba ulwimbo lwoꞌkugandaara Tiiro kwokuno: “E kaaya ákalumbuusiri bweneene! Si abandu baawe bo bâli batwali ba ku nyaaja, halinde abandu banakizi bayoboha. Kundu kwokwo, ukoli shereziibwi. Abandu baawe, keera bayimulwa áhali inyaaja!

Hezekyeri 28:16

Iri ukabonaga kweꞌbindu byawe byakugaza bweneene, wanatondeera ukulangama, halinde wanayifunda mu byaha. Na bwo wâli kola mubi, nanakuyimula ku mugazi gwani mweru. Noꞌlya makerubi úwâli kizi kulanga, naye anakuyimula mu yago mabuye ágakeyengiini nga muliro.

Hezekyeri 28:18

Wâli kizi gira ibyaha bweneene, kiri noꞌkugungana, halinde wanayulubaza ngiisi ho wâli kizi yikumbira. Kwokwo, ngiisi ho wâli tuuziri, nanahayakiza umuliro, halinde gwanahajigiivya. Nanakuhindula ube munyota-kiiko mu masu gaꞌbandu booshi.

Hezekyeri 28:2

«E mwana woꞌmundu, ubwire mwami weꞌTiiro kwo nie Rurema Nahamwabo nadetaga kwokuno: “Si ugweti ugayikangaata bweneene, iri unayihaya, ti: ‘Niehe nie woꞌkuyikumbwa! Ngoli bwatiiri ku kitumbi kya íbiri mu yikumbwa, kinali ha kati keꞌnyaaja.’ Kundu ugweti ugayidundulika kwo we woꞌkuyikumbwa, si ulyagagi mundu ngana, utanali wa kunyigereera.

Hezekyeri 28:8

Bagakulindimulira mu kuzimu, unafwire buligo mu kalingi keꞌnyaaja.

Hamoosi 1:10

Ku yukwo, inzitiro zaꞌkaaya kaabo, ngola ngazishonoolera kwoꞌmuliro, gunasingoole kiri neꞌnyumba zaamwo ngomu zooshi.»

Zakariya 9:5

Abandu beꞌHashikelooni, mango babonaga ngiisi kweꞌTiiro yashereera, bagayami kanguka neꞌkyoba. Kiri naꞌbandu beꞌGaza, naꞌbeꞌHekurooni, nabo bagayoboha, banateere umulangaaliro. Mwami weꞌGaza, agayami yitwa. Na mu kaaya keꞌHashikelooni, ndaaye mundu úgasigalaga mwo.