Zakariya 9:2 - Kifuliiru

² Nahano anagweti aganatuma indumwa hiꞌgulu lyaꞌkaaya keꞌHamaati, ku mbande zeꞌDamasiki, kuguma noꞌtwaya tweꞌTiiro na tweꞌSidooni. Yutu twaya twoshi, kundu abandu baatwo balyagagi benge-benge, halikago bagaki hanwa nyene.

Zakariya 9:2 ပူးပေါင်းရင်းမြစ်များ

1 Baami 17:9

«Ugendage mu kaaya keꞌSarepeta, hoofi neꞌSidooni, unatuule yo. Mu yako kaaya, keera nabwira namufwiri muguma kwo akizi kuheereza byo ugaalya.»

2 Baami 23:33

Mwami Neko weꞌMiisiri, anamúlasha mu nyumba yeꞌmbohe mu kaaya keꞌRibila, mu kihugo kyeꞌHamaati, lyo atashubi twala i Yerusaleemu. Anarambuliisa abandu beꞌBuyuda ibilo bihumbi bishatu na magana gana byeꞌharija, neꞌbilo makumi gashatu byeꞌnooro.

2 Baami 25:21

Yeyo munda i Ribila mu kihugo kyeꞌHamaati, mwami anayami bayita booshi. Kwokwo, abandi Bayuda banatwalwa i mahanga, bagendi ba baja.

Yeremiya 25:22

naꞌbaami booshi beꞌTiiro, naꞌbeꞌSidooni, naꞌbaami beꞌkihugo íkiri i kajabo keꞌNyaaja Mediterane,

Yeremiya 47:4

Ikyanya kyoꞌkuminika kwaꞌBafirisiti, keera kyahika. Abandu beꞌTiiro naꞌbeꞌSidooni, kundu bali mu bashiga, si nabo booshi bagaminikirwa kuguma. Ee! Yabo Bafirisiti booshi, Nahano agabaminika ngana, kiri na ábasigiiri mu kalira keꞌKereete.

Yeremiya 49:23

Nahano adetaga hiꞌgulu lyeꞌDamasiki kwokuno: «Abandu beꞌHamaati naꞌbeꞌHaripaadi, bakayuvwa umwazi mubi, banakoli tetiirwi. Bakoli shengusiri hiꞌgulu lyeꞌkyoba, banakoli hanamiri imitima, nga nyaaja íri mu birinduka.

Hezekyeri 27:1

Nahano anashubi mbwiraga kwokuno:

Hezekyeri 28:1

Nahano anashubi mbwiraga kwokuno:

Hezekyeri 28:12

«E mwana woꞌmundu, uyimbire mwami weꞌTiiro ulwimbo lweꞌkigandaaro. Unamúbwire kwo nie Rurema Nahamwinyu nadetaga kwokuno: “Ushubi hiiti íbiri biija ngana, wanayijula ubwitegeereze bwoshi, unashubi nonosiri ngana-ngana!

Hezekyeri 47:16

Lunagenderere halinde mu kaaya keꞌBerota, na mu keꞌSiburahimu útuli ha kati keꞌkihugo kyeꞌDamasiki na kyeꞌHamaati, halinde mu kaaya keꞌHazoori-Hatikooni. Yako kaaya kali hoofi noꞌlubibi lweꞌkihugo kyeꞌHahurani.

Hamoosi 1:3

Nahano adetaga kwokuno: «Abandu beꞌDamasiki bagweti bagakizi yifunda mu byaha. Aahago! Ukubahana, ngola ngabahana ngana-ngana! Si bâli kizi kuba-kuba abandu beꞌGiryadi, nga ábali mu komoolola indalo neꞌfuka yaꞌmiino.

Hamoosi 6:14

Haliko, Nahano Rurema woꞌbushobozi bwoshi, adetaga kwokuno: «E Bahisiraheeri, ngola ngaleeta abagoma mu mahanga, bayiji mùteera. Yibyo binyamahanga bigamùlibuza ngana-ngana, ukulyokera i Hamaati, uluhande lweꞌmbembe, halinde ku kyambu kyeꞌHaraba, uluhande lweꞌkisaka.»

Hobadiya 1:20

Abahisiraheeri ábakoli tuuziri i buhungiro, bagayiji gwata ikihugo kyeꞌKaanani, halinde i Sarepeta. Ngiisi ábakalyoka i Yerusaleemu banahungira imbande zeꞌmbembe, bagashubi galukira mu twaya tweꞌkisaka, i Negebu.

Muharuuro 13:21

Kwokwo, yabo bagahirizi banazamuuka, banagendi gahiriza ikihugo, ukulyokera mwiꞌshamba lyeꞌSiini, halinde i Rehobu, mu njira yoꞌkugenda i Hamaati.