Zakariya 9:15 - Kifuliiru

¹⁵ Nahano woꞌbushobozi bwoshi, agakizi haliza abandu baage. Si abagoma boohe, agabajiga, anabaminike lwoshi-lwoshi. Yabo bagoma, bagakizi yamiza nga balaluka idivaayi, baganayonwa umuko, gunakizi golomba, nga muko gwiꞌtuulo úguli mu nzoozo, gunali gwa kushangira ku tugongo twaꞌkatanda.

Zakariya 9:15 ပူးပေါင်းရင်းမြစ်များ

Zaburi 78:65

Lyeryo, Nahano anavyuka, nga úwalyoka mwiꞌro. Ee! Âli riiri nga úshubi lalusiri, keera atumburukwa,

Kulyoka 27:2

Ku ngiisi kagongo, ukuneneke íkiri ngiꞌhembe. Ha nyuma, kooshi unakabugiirize kweꞌmiringa.

Lwimbo Lwija 1:4

Ngwatiraga ku kuboko gira tugendanwe. Tuvwaruke duba. E mwami, undwalage mu kisiika kyawe.» «E mwami, tugweti tugakushambaalira. Urukundo lwawe tugakizi luhuuza ukuhima idivaayi.» «Balya banyere, ndaabyo íbyangababuza kwo batakuvunikire.»

Lwimbo Lwija 5:1

«E shasha yani, uli weꞌmwani. Keera nayingira mu ndalo yani. Ngweti ngayimbula imanemane, kuguma noꞌbwasi úbuli mu huumura. Na ngweti ngamiima ibibambala byoꞌbuuki, na nywe idivaayi, kuguma naꞌmata.» «E biira baani, mugire mulye. Ee! Mukizi nywa, halinde mulaluke urukundo.»

Lwimbo Lwija 7:9

Kyo kitumiri nꞌgadetaga: “Bingwiriiri njonere ku kiti kyeꞌkigazi, gira ndootole kweꞌbitumbwe!” Imwani, amabeere gaawe gali nga mihuli yeꞌmizabibu. Umuuka gwawe guli mu huumura nga muhongolo gwaꞌmapera!

Hisaaya 37:35

Ngalanga kano kaaya, na ngakize, hiꞌgulu lyoꞌlushaagwa lwani, na hiꞌgulu lyoꞌmukozi wani Dahudi.»

Hisaaya 55:1

Ka mukoli nyotiirwi? Aaho! Muyiji nywa amagoloovi! Kundu mwangaba mutahiiti ifwaranga, muyiji gula idivaayi naꞌmata. Emwe! Ndaazo fwaranga zo mugatanga!

Balaawi 4:18

«Ugundi muko, anagubuge ku tugongo twaꞌkatanda ka mwiꞌheema lyeꞌmihumaanano, kalya koꞌkuyokera kwoꞌmubadu. Na úgugasigala, aguyonere ku biterekero byaꞌkatanda ka ha mulyango gwiꞌheema, kalya koꞌkusiriigiza kwaꞌmatuulo.

Balaawi 4:25

«Umuko gwa yikyo kihebe, umugingi agagudobeka mwoꞌmunwe, anagushangire ku katanda koꞌkusiriigiza kwaꞌmatuulo. Na úgugasigala, anaguyonere ku biterekero byako.

Balaawi 4:7

«Ugundi muko, anagubuge ku tugongo twaꞌkatanda ka mwiꞌheema lyeꞌmihumaanano, kalya koꞌkuyokera kwoꞌmubadu. Na úgugasigala, anaguyonere ku biterekero byaꞌkatanda ka ha mulyango gwiꞌheema, kalya koꞌkusiriigiza kwaꞌmatuulo.

Mika 5:8

Kwokwo, lyo mugalonga ukuhima abagoma biinyu. Ee! Yabo bagoma booshi, munakizi baminika.

Zakariya 10:5

Ee ma! Bagaaba ndwani ngana-ngana mwiꞌzibo. Bagakizi genda bagakandagira abagoma baabo nga bidaka. Bwo bali kuguma na Nahano, ikyanya bagakizi lwa, bagakizi hima kiri naꞌbagoma ábali mu gendera ku fwarasi.

Zakariya 10:7

Abahifurahimu bagaaba bakolaga ndwani. Bagashambaala bweneene, nga ábakoli nywiri idivaayi. Ikyanya abaana baabo bagakizi bona kwokwo, nabo banashagaluke. Ee! Imitima yabo, igakizi shambaala mu kati ka Nahano.

Zakariya 12:6

«Ku yikyo kyanya, ngaaba nga nayasa yabo batwali baꞌBayuda, babe nga kivumbo mu lubako, kandi iri nga ngoke nvunde mu biiro byeꞌngano. Kwokwo, kundu abandu bagaaba babazungulusiri, haliko, bagayami basivya, fye! Si abatuulaga beꞌYerusaleemu boohe, bagagenderera ukutuula mu kati koꞌbutoge.»

Zakariya 12:8

Ku kyekyo kyanya, yabo batuulaga beꞌYerusaleemu, Nahano agabasiikira. Ngiisi úlyagagi mwolo mu kati kaabo, agaaba akola kikalage nga mwami Dahudi. Yabo beene Dahudi nabo, bagaaba bakola nga Rurema yenyene! Bagaaba bashushiini noꞌmuganda wa Nahano, bwo ye gakizi barongoora.

Zakariya 14:20

Yulwo lusiku, kiri neꞌmbegere njwekere ku fwarasi, zigayandikwa kwo gano magambo: «Zataluulwa imwa Nahano». Inyungu íziri mu nyumba ya Nahano, nazo zigaaba zikoli talwirwi imwa Nahano, nga kwokulya kweꞌnzoozo zoꞌkubiikira umuko ziri ndaluule imbere lyaꞌkatanda.

Zakariya 14:3

Ha nyuma, birya binyamahanga nabyo, Nahano agabuli gendi bilwisa. Agaalwa nga kwo âli kizi gira kare.

Zakariya 2:9

«Nahano adesiri kwokuno: “Niehe nienyene, ngababeera nga luzitiro lwoꞌmuliro, úluzungulusiri akaaya. Kiri na mu kati kaabo, ngayerekana mwoꞌbulangashane bwani!”»

Zakariya 9:17

Emwe! Bagaaba banonosiri ngana-ngana, banalimbiisibwe bweneene! Imisore yabo mitabana neꞌminyere, igaafiika bweneene, bweꞌngano neꞌdivaayi bigaaba bikoli luguusiri.

1 Bakorindo 1:18

Igambo hiꞌgulu lyoꞌkuyitwa kwa Kirisito ku kibambo, abandu boꞌkuteereka, bali mu libona ngiꞌgambo lyoꞌbuhwija. Halikago imwitu, twe tuli mu kizibwa, ikibambo kyage kyo kiri mwoꞌbushobozi bwa Rurema.

Bahefeso 5:18

Mutakizi laluka! Mukuba, ikyanya abandu bali mu laluka, lyo bali mu yidulumbika mu bitalaalwe. Si mwehe, mukizi yijuzibwa mwoꞌMutima Mweru.

1 Samweri 17:45

Ulya Dahudi anamúshuvya kwokuno: «Wehe, ugweti uganyijira neꞌngooti, naꞌmatumu. Halikago niehe, nakuyijira kwiꞌziina lya Nahano woꞌbushobozi bwoshi. Ali Rurema waꞌBahisiraheeri. Na buno ugweti ugabatyoza-tyoza.