Zakariya 9:12 - Kifuliiru

¹² E mbohe, mwe muki langaliiri! Mugalukirage mu kaaya kiinyu kazitire. Buno, namùlagaania kwokuno: Ku ngiisi malibu gwo mwâli kizi longaga, ngola ngamùgalulira amiija ubugira kabiri.

Zakariya 9:12 ပူးပေါင်းရင်းမြစ်များ

Hayubu 42:10

Uyo Hayubu, iri akaba keera ahuunira biira baage, Nahano anamúgalulira ibindu byage byoshi, nga kwo âli bihiiti ubwa mbere. Ee! Anamúheereza ubugira kabiri kaabyo.

Hisaaya 24:22

Booshi bagakumanibwa kuguma, banalashwe mu nyumba yeꞌmbohe. Mwomwo, mwo bagashwekerwa imyaka mingi, halinde ku kyanya bâye twirwe kweꞌmaaja.

Hisaaya 38:18

Iyo munda i nakwere, ndaaye úwangakuhuuza yo. Ikyanya bali mu manukira yo, batangaki kuyimbira inyimbo. Ee! Abafwiri batangaki kubiika kwoꞌmulangaaliro kwo ugabatabaala.

Hisaaya 40:2

Yabo bandu beꞌYerusaleemu, mubamenyeese bwija-bwija, kwoꞌbuja bwabo keera bwamala, keera banakogwa ibyaha byabo. Ee! Ibyaha byabo byoshi-byoshi, keera Nahano akabahaniiriza hiꞌgulu lyabyo ubugira kabiri.»

Hisaaya 49:9

Ugendi bwira ábashwesirwi mu nyumba yeꞌmbohe: “Muhulukage!” Na ábali mu kihulu: “Muyijage áhali umulengeerwe!” Ikyanya bagataaha, bagakizi longa ibyokulya mu njira. Kundu imigazi yangaba iri mimaata, si bagabigwana naaho.

Hisaaya 52:2

E Yerusaleemu, umunyere weꞌSayuni! Kundu ushuba imbohe, halikago, uduutule imigufu mwiꞌgosi, unayibugumule ulukungu, unayimuke.

Hisaaya 61:7

Nahano adeta kwokuno: «Abandu baani, kundu abagoma bâli kizi bateeza ishoni, halikago, bagaki longa ibindu bingi ubugira kabiri, banashambaalire ubuhyane bwabo. Ee! Bagahaabwa amahyane gabiri, halinde banashambaale imyaka neꞌmyakuula!

Yeremiya 14:8

E Nahano! Abahisiraheeri baki kubiisiri kwoꞌmulangaaliro. Ikyanya bâli riiri mu makuba, wanakizi bakiza. Aahago! Kutagi kandi ukola mu yigira nga kinyamahanga, íkigweti kigalenga naaho, na nga mugeezi úwabashumbika mwo ku bushigi buguma naaho?

Yeremiya 16:19

E Nahano! Wenyene we mu kizi nzikamya. We na luzitiro lwani. Ikyanya ndi mu longa amakuba, we ndi mu tibitira mwo. Abandu baꞌmahanga gooshi, bagakizi kuyijira, iri banadeta: «Bashokuluza biitu bâli kizi yikumba imigisi, kundu ndaako kamaro kooshi yâli bahitiiri.

Yeremiya 17:13

E Nahano! We Abahisiraheeri babiisiri kwoꞌmulangaaliro. Halikago, ngiisi ábagakujajaaka, bagateezibwa ishoni. Ee! Ngiisi ábagakuyihandula kwo, boohe, baganyerera ngiꞌziina íriyandisirwi mu luvu. Yabo banakuhambwa, bagaaba bajaziiri Nahano, anali ye shyoko íri mu leeta ubulamu.

Yeremiya 31:17

Ee ma! Mu siku ízigayija, yabo baana bâye galukire mu kihugo kyabo, banabe bakola noꞌmulangaaliro.”» Kwokwo, kwo Nahano adesiri.

Yeremiya 31:6

Mu yizo siku, abalaliizi bagakizi yimanga mu migazi ya Hifurahimu, banatange ikitambira, ti: E balya! Mugire tuzamuukire ku mugazi Sayuni, gira tugendi yikumba Rurema Nahamwitu.”»

Yeremiya 50:28

Yuvwagwi! Abahisiraheeri ábafuushuka i Babeeri, keera bayija i Sayuni, banakola mu menyeesa ngiisi kwo Rurema Nahamwitu, keera akayihoola Abababeeri. Si bâli mali shereeza inyumba yage!

Yeremiya 51:10

Abayuda bagweti bagaadeta: «Nahano Rurema adesiri kwo ndaago mabi tugweti. Aaho! Tugendage i Sayuni, gira tugendi menyeesania ngiisi kwo âli kizi gira.»

Hezekyeri 37:11

Lyeryo, Nahano anashubi mbwira kwokuno: «E mwana woꞌmundu, iyo migongolo, guli mugani gwaꞌBahisiraheeri. Mukuba, bali mu deta, ti: “Keera twayumaguka ngana! Ndaakigwo mulangaaliro tugweti. Buno, keera tukamala lwoshi-lwoshi!”

Hosheya 2:15

Uyo mukazi, ngola ngamúhaniiriza. Mukuba, âli kizi yokera imigisi yoꞌmuzimu Baali umubadu. Anakizi yilimbiisa neꞌmbete, noꞌbuhembe, anatibitire imunda balya bakundwa baage. Si niehe, anayami nyibagira lwoshi-lwoshi!» Kwokwo, kwo Nahano adesiri!

Mika 4:8

Na naawe, e mugazi gweꞌYerusaleemu, we mu laliira abandu, ugashubi longa ubwami nga kwokulya kwa kare. Unashubi twala hiꞌgulu lyaꞌbandu.»

Nahumu 1:7

Nahano ali mwija. Ikyanya abandu bali mu libuuka, bakwaniini batibitire imwage. Ikyanya bali mu múbiika kwoꞌmulangaaliro, ali mu kizi bahahala.

Baheburaniya 6:18

Yugwo muhango, neꞌyo ndahiro, bitâye hinduke. Bitanganaziga kwo Rurema abibeeshe kwo. Kyo kitumiri tuli mu holeezibwa bweneene! Tunakoli tibitiiri imwage, gira akizi tulanga. Tunakoli langaliiri imihango yage buzira kusisiitwa.

Baheburaniya 6:19

Ee! Yugwo mulangaaliro gwitu, guli mu tusikamya mu mitima yitu ngeꞌnanga. Keera gwanagwanwa mu Kisiika Kyeru Bweneene mu nyumba ya Rurema, halya handu áhasiisirwi noꞌmulondo mula.