Zakariya 8:21 - Kifuliiru

²¹ Abandu baꞌkaaya kaguma, bagagendi bwira abaabo, ti: “Twehe, tukola tugagenda i Yerusaleemu, gira tugendi kizi yikumba Nahano woꞌbushobozi bwoshi! Aahago! Mugirage tugendanwe!”

Zakariya 8:21 ပူးပေါင်းရင်းမြစ်များ

2 Kutondobola 11:16

Kundu kwokwo, mu Bahisiraheeri, mwâli ki riiri abandu baguma ábâli shungisiri ukuyikumba Nahano Rurema waꞌBahisiraheeri. Kyanatuma bagakizi kulikira Abalaawi, mu kugenda i Yerusaleemu, gira bagendi tanga amatuulo imwa Nahano Rurema wa bashokuluza baabo.

Zaburi 103:22

Mwe bindi biremwa byage byoshi kwakundi! Mukizi múhuuza. Ee ma! Mukizi múhuuza hooshi mu butwali bwage. E mutima gwani, ukizi huuza Nahano.

Hisaaya 2:3

Yugwo mugazi, abingi baabo bagakizi guyija kwo, iri banadeta: «Muyije tuzamuukire ku mugazi gwa Nahano, halinde mu nyumba ya Rurema wa Yakobo! Mango twahika, agatuyigiriza injira zaage, halinde tukizi zikulikira.» Iyo munda i Sayuni, yaꞌmigirizo hiꞌgulu lya Nahano gagakizi lyoka. Ee! Igambo lya Nahano, haaho i Yerusaleemu ho tugaliyigirizibwa.

Yeremiya 31:6

Mu yizo siku, abalaliizi bagakizi yimanga mu migazi ya Hifurahimu, banatange ikitambira, ti: E balya! Mugire tuzamuukire ku mugazi Sayuni, gira tugendi yikumba Rurema Nahamwitu.”»

Hosheya 6:3

«Emwe! Bwangaba bwija tulongage ukumenya Nahano nga ngiisi kwo ali. Ee! Tukizi gira umwete bweneene, halinde tumúmenye bwija. Na kwo kali kasiisa kwiꞌzuuba liri mu kizi huluka, kiri neꞌnvula iri mu bombeesa idaho ku mahona-nvula, kwo kanalyagagi kasiisa kwo agatushuvya.»

Zakariya 7:2

Abandu ba mu kaaya keꞌBeteeri, bâli tumiri Sarezeri bo na Regemu-Mereki, kuguma naꞌbatabaazi baabo, kwo bagendi tabaaza Nahano.

Zakariya 8:22

Ku kasiisa, abandu bingi, kiri neꞌmilala íhimbiri, bagayija i Yerusaleemu, gira bayiji ndooza, banakizi mbuuna kwo ngizi bagashaanira.»

Yohana 1:37

Yabo bombi, mbu bayuvwagwe kwokwo, banayami kulikira Yesu.