Zakariya 6:13 - Kifuliiru

¹³ Iyo nyumba yani, ye gagiyubakulula, Agayambala ibyambalwa byeꞌkyami, anabuli gingikwa ku kitumbi kyabwo, gira atwale abandu. Ha butambi lyage, hagabwatala noꞌmugingi ku kyeꞌmwage. Yabo bombi, bagakizi yuvwanwa ngana-ngana.

Zakariya 6:13 ပူးပေါင်းရင်းမြစ်များ

Ndondeko 14:18

Haaho, hanayija Merikisedeeki, mwami weꞌSaleemu, âli mugingi wa Rurema úli hiꞌgulu lya byoshi. Uyo Merikisedeeki, analeeta umukate neꞌdivaayi,

2 Samweri 7:13

Yeki, ye ganyubakira inyumba, gira iziina lyani likizi huuzibwa. Ubwami bwage, ngabusikamya, halinde imyaka neꞌmyakuula.

Zaburi 110:1

Izaburi ya Dahudi. Nahano akabwira Nahamwitu: «Ubwatalage uluhande lwani lweꞌlulyo, halinde mbiike abagoma baawe mwiꞌdako lyaꞌmagulu gaawe.»

Zaburi 110:4

Nahano keera akatugirira umuhango, ataganaki guyishuhiza kwo. Akadeta kwokuno: «Wehe, ugayama uli mugingi weꞌmyaka neꞌmyakuula, ukukulikirana noꞌbugingi bwa Merikisedeeki.»

Zaburi 21:4

Ikyanya mwami akagaluka, wanamúgashaanira, halinde anagenduukirwa bweneene. Kwiꞌtwe lyage, wanamúyambika ulushembe lweꞌnooro muguuhya.

Zaburi 21:5

Ikyanya akakuhuuna kwo alonge ukulama, wanayemeera. Ee! Ukamúheereza ubulamu, kiri noꞌbulamu bweꞌmyaka neꞌmyakuula.

Hisaaya 11:10

Ku yikyo kyanya, umwami muhyahya wa mu mbaga ya Yese agayimuka, ali ngiꞌrembera mu bandu baꞌmahanga. Yabo booshi, bagamúkumanira. Na ngiisi ho agaaba atuuziri, hagalangashana bweneene.

Hisaaya 22:24

Beene wabo booshi, abakulu, kiri naꞌbato, ye bagakizi sikamira kwo nga birugu íbyamanikwa ku musumaari muguma.»

Hisaaya 54:10

Nahano adetaga kwokuno: «Ngweti ngakuyuvwirwa indengeerwa. Kwokwo, nakulagaania kwo kundu imigazi yanganyerera, na kundu utugangazi twangajugumbana, halikago ndâye kuhemukire. Keera namùlagaania kwo mugalonga umutuula, gunayame ho. Nie Nahano, nyamiri ndi mu mùyuvwirwa indengeerwa. Kwokwo, kwo ndesiri.»

Hisaaya 9:5

Umwana, keera akabutwa hiꞌgulu liitu. Ee! Tukoli haabirwi umwana woꞌbutabana. Uyo mwana agayimikwa, gira abe mutwali waꞌbandu baage. Anakizi buuzibwa Muhanuuzi wa kahebuuza, na Rurema woꞌbushobozi, na Daata weꞌmyaka neꞌmyakuula, na Muluzi woꞌmutuula.

Hisaaya 9:6

Ubutwali bwage bugayamaga ho imyaka neꞌmyakuula! Noꞌmutuula gwage, gutâye here. Ye gayimikwa ku kitumbi kya mwami Dahudi. Yubwo butwali, agabujingiriza, anabusikamye ku njira íkwaniini, ukulyokera ku yikyo kyanya, halinde imyaka neꞌmyakuula! Birya byoshi, Nahano woꞌbushobozi bwoshi, agabigira. Mukuba, akuuziri abandu baage bweneene.

Hisaaya 9:7

Nahano akatumira beene Yakobo indumwa yoꞌkubakengula.

Yeremiya 23:5

«Mu siku ízigayija, mu kibusi kya Dahudi, ngameza mweꞌshibwe liija. Uyo, ye gayima, anabe mwami mwija, anabe ali mwitegeereza. Yeki, agatwala ikihugo ku njira íkwaniini, na mu kati koꞌkuli. Kwokwo kwo nie Nahano nadeta.

Yeremiya 23:6

Mu butwali bwage, lyeꞌkihugo kyeꞌBuyuda kigakizibwa, halinde umunyerere gunatoole mwo. Uyo mwami agakizi buuzibwa Nahano ye Lukiza Witu.

Yeremiya 33:15

Mu yizo siku, mu kibusi kya Dahudi, ngayimika mwoꞌmundu, libe ishibwe liija. Uyo mundu, agatwala ikihugo ku njira íkwaniini, na mu kati koꞌkuli.

Mika 5:4

anakizi bileeta mwoꞌmutuula. Abahasuriya bagayiji teera ikihugo kiitu, banakizi libata ku nyumba ziitu mbamu. Kinatume tugabiika abatwali balinda, bakizi tulanga. Ee! Ibirongoozi munaana, byo bigaturongoora.

Zakariya 4:14

Na wa naye, ti: «Yibyo biti bibiri, biyerekiini balya bandu babiri ábatalwirwi mu kushigwa amavuta gira bakizi kolera Nahano waꞌmahanga gooshi.»

Zakariya 4:9

«Zurubaberi ye kabiikaga ulutaliro lweꞌnyumba ya Rurema, ye ganagiyusa.» Yibyo byoshi, mango biyiji kolekaga, lyo mugaamenya kwo Nahano woꞌbushobozi bwoshi ye kandungika imwinyu.

Zakariya 6:11

Yizo harija neꞌnooro, uziyabiire, unalingaanie mwoꞌlushembe, unaluyambike umugingi mukulu Yoshwa, mugala Yozadaki.

Barumi 5:1

Bwo tukoli biisiri Rurema kwoꞌbwemeere, tukoli kwaniini imbere lyage. Na buno, tukoli ba noꞌmutuula twe naye, ku njira ya Nahamwitu Yesu Kirisito.

Bakolosaayi 1:2

twe tugweti tugamùyandikira, mwe bandu ba Rurema ba mu kaaya keꞌKolosaayi, mwe beene witu bemeera mu kati ka Kirisito. Daata Rurema akizi mùgashaanira! Anakizi mùheereza noꞌmutuula!

Baheburaniya 3:1

E beene witu bataluule! Mukolaga neꞌngoome kuguma naꞌbandi, mu kuhamagalirwa ibya mwiꞌgulu. Ku yukwo, mukizi yitoneesa ku Yesu. Mukuba, ye ndumwa ya Rurema, ye na mugingi mukulu. Anali ye tuyemiiri imbere lyaꞌbandu.

Baheburaniya 6:20

Yesu yenyene keera akagwanwa ayingira ho, hiꞌgulu liitu, anakolaga mugingi mukulu weꞌmyaka neꞌmyakuula, ukukulikirana noꞌbugingi bwa Merikisedeeki.

1 Peturu 3:22

Buno, Yesu keera akagenda mwiꞌgulu, anakoli bwatiiri uluhande lweꞌlulyo lwa Rurema. Ye nali hiꞌgulu lyaꞌbaganda booshi, naꞌbatwali ba mu kyanyaanya, naꞌbanabushobozi baamwo.

Bwigule 3:21

«Umundu, iri angahima, ngamúhanguula kwo tubwatalanwe ku kitumbi kyani kyoꞌbwami, nga kwo naani keera nꞌgahima, twanabwatalanwa na Daata ku kitumbi kyage kyoꞌbwami.