Zakariya 6:12 - Kifuliiru

¹² Unamúbwire kwo Nahano woꞌbushobozi bwoshi, adetaga kwokuno: “Hano, halyagagi umundu, úli mu buuzibwa Ishibwe. Uyo mundu, halya ho atuuziri, agahagangaala, anayiji yubakulula inyumba yani.

Zakariya 6:12 ပူးပေါင်းရင်းမြစ်များ

2 Samweri 7:13

Yeki, ye ganyubakira inyumba, gira iziina lyani likizi huuzibwa. Ubwami bwage, ngabusikamya, halinde imyaka neꞌmyakuula.

Hizira 3:10

Ikyanya abuubasi bakayusa ukubiika indaliro zeꞌnyumba ya Nahano, abagingi banayambala ibyambalwa byoꞌbugingi, banayegeera, banatondeera ukudihiriza ibibuga. Abalaawi nabo (beene Hasafu) banalasa isembaale, iri banahuuza Nahano. Kwokwo, kwo Dahudi, mwami waꞌBahisiraheeri, akabategeka.

Hizira 3:8

Iri bakahisa imyaka ibiri neꞌmyezi ibiri bakoli tuuziri i Yerusaleemu, banatondeera ukuyubakulula inyumba ya Rurema ahandu haayo. Yugwo mukolwa, gukagirwa na Zurubaberi mugala Shalityeri, kuguma na Yeshuha mugala Yozadaki, na beene wabo abagingi, naꞌBalaawi, na ngiisi ábakashaaga i buhungiro. Yugwo mukolwa, banabiika Abalaawi ábakoli hiiti myaka makumi gabiri neꞌngingwe, gira baguyimangire.

Hisaaya 11:1

Mu naludakwe weꞌkiti, mwo muli mu lyoka ishibwe. Kwo na kwokwo, na mwiꞌkondo lya Yese, mwo mugalyoka umwami muhyahya.

Hisaaya 4:2

Ku yikyo kyanya, mu kihugo, Nahano agaameza mweꞌshibwe liija, linabe lyoꞌbulangashane. Ee! Abahisiraheeri ábagaaba basigiiri, bagakizi siima ibitumbwe byalyo, banabiyihayire.

Hisaaya 53:2

Umukozi wa Nahano âli kizi kula imbere lyage ngiꞌshibwe, anaba naaho ngoꞌmuzi úguli mu kula mwiꞌdaho írihangalusiri. Ulya mukozi atâli buyahiri, atanâli kizi gingikwa, mbu lyaꞌbandu bamúsiima. Ikyanya twâli kizi múlola kwo, ndaabyo twangamúsimiiri kwo.

Yeremiya 23:5

«Mu siku ízigayija, mu kibusi kya Dahudi, ngameza mweꞌshibwe liija. Uyo, ye gayima, anabe mwami mwija, anabe ali mwitegeereza. Yeki, agatwala ikihugo ku njira íkwaniini, na mu kati koꞌkuli. Kwokwo kwo nie Nahano nadeta.

Yeremiya 33:15

Mu yizo siku, mu kibusi kya Dahudi, ngayimika mwoꞌmundu, libe ishibwe liija. Uyo mundu, agatwala ikihugo ku njira íkwaniini, na mu kati koꞌkuli.

Hezekyeri 37:25

Bagabeera mu kihugo kya bashokuluza baabo, kirya kyo nꞌgaheereza Yakobo. Baganatuula yo, kuguma naꞌbaana baabo, kiri naꞌbijukulu, halinde imyaka neꞌmyakuula. Umwami wabo, ye mukozi wani Dahudi, halinde imyaka neꞌmyakuula.

Hezekyeri 41:1

Iri hakaba, ulya mundu anandwala mu nyumba ya Nahano, halinde mu bululi. Inguliro zaamwo, iri akazigera uluhande noꞌlundi, zanahisa imeetere zishatu-zishatu.

Hamoosi 9:11

«Irya nyumba ya Dahudi, kundu ikayihongoleka haashi, halikago ku lulya lusiku, ngashubi giyubakulula. Iyo nyumba, kundu gushuba mushaka, ngashubi giyubaka kandi, inashubi longa ubulangashane, nga kwo yâli yamiri kare.

Mika 5:5

Yabo batwali, bagaminika Abahasuriya ku ngooti zaabo. Bagagwata ikihugo kyeꞌHasuriya mbira ku ngooti zaabo nyomole. Kwokwo, ikyanya yabo Bahasuriya bagayiji lenga ku mbibi ziitu, gira bayiji tuteera mu kihugo kiitu, yabo batwali bagatukiza mu maboko gaabo.

Zakariya 13:7

Nahano woꞌbushobozi bwoshi, adeta kwokuno: «E ngooti, uvyukage, gira uteere uwitu. Ee ma! Uyitage umungere, halinde ibibuzi biyami shaabuka. Kiri na naani, ngateera ibyanabuzi.»

Zakariya 3:8

«E Yoshwa, ulyagagi mugingi mukulu. Na niinyu mwe baabo bagingi! Yuvwirizi! Si mwe muyerekiini íbiki gweti bigayija. Ngolaga ngaleeta umukozi wani, ulya úli mu buuzibwa Ishibwe.

Zakariya 8:9

Nahano woꞌbushobozi bwoshi adeta kwokuno: «Muyihe ikise! Bwo keera mwatondeera ukuyubakulula inyumba yani, mugiyusagye. Noꞌkulyokera ku lusiku bakatondeera ukuyubaka ulutaliro lweꞌnyumba ya Rurema, mwâli kizi yuvwa ngiisi kwaꞌbaleevi bagweti bagaadeta kwo mugiyusagye!

Mataayo 16:18

Nakubwiraga kwo we Peturu. Na ku yiri ibuye, kwo ngayubakira ishengero lyani! Na lirya ishengero, Narufu atanâye lisinde!

Mataayo 26:61

«Uyu mundu, akadeta: “Njobwiri ukuhongola inyumba ya Rurema. Na ha nyuma lyeꞌsiku zishatu, na mbe keera nashubi giyijuza!”»

Mariko 14:58

«Tukayiyuvwirwa kwo akadeta: “Iyi nyumba ya Rurema, íkayubakwa naꞌmaboko gaꞌbandu, ngagihongola. Na ha nyuma lyeꞌsiku zishatu, na mbe keera nashubi yijuza igindi ítayubakwa naꞌmaboko gaabo.”»

Mariko 15:29

Abandu, ikyanya bâli kizi lengaga yaho, banakizi tuka Yesu, iri banashagania amatwe gaabo, banakizi múbwira: «Shoshoo! Ka utali we shuba ugahongola inyumba ya Rurema. Na ha nyuma lyeꞌsiku zishatu, unabe keera kandi wagiyijuza?

Mariko 15:39

Umukulu waꞌbasirikaani âli yimaaziri imbere lya Yesu. Neꞌri akabonaga ngiisi kwo Yesu afwa, anadeta, ti: «Ku kasiisa, uyu mundu ashuba Mwana wa Rurema!»

Luka 1:78

Rurema witu atuyuvwitiiri indengeerwa bweneene! Ku lukogo lwage luhamu, agatutunduukira ukulyoka mwiꞌgulu.

Yohana 1:45

Uyo Firipo, anakwabadukira imunda Natanaheri, anamúbwira: «Keera twabonaga ulya mundu úkayandikwa mu maaja za Musa, na mu bitaabo byaꞌbaleevi. Ye Yesu, mwana wa Yusefu, weꞌNazareeti.»

Yohana 19:5

Yesu anahulukira ha mbuga aki yambiiti lulya lushembe lweꞌmishuugi, ayambiiti na lirya ikanju lyeꞌkituku-tuku. Pilaato anabwira yabo bandu: «Lolagi! Umundu winyu, ye yoyu!»

Mikolezi 13:38

«Ku yukwo, e beene witu! Mumenye kwo ku njira ya Yesu, kwo muli mu menyeesibwa ubulyo bwoꞌkukogwa mweꞌbyaha biinyu.

Mikolezi 17:31

Mukuba, keera akabiika ulusiku lwo agatwira kwaꞌbandu booshi ulubaaja mu kati koꞌkuli. Kugaaba ku njira yoꞌmundu muguma, ye âli mali gwanwa atoola. Keera akanayereka abandu booshi akasiisa kaabyo, mu kumúzuula mu bafwiri.»

1 Bakorindo 3:9

Kwokwo, tulyagagi bakozi ba Rurema, tunali mu kola twe naye. Na niinyu, mwe ndalo yage. Na kwakundi, mwe nyumba yage.

Baheburaniya 10:12

Halikago umugingi witu Kirisito, yehe akayitanga hiꞌgulu lyeꞌbyaha lyeryo liguma naaho, libe ituulo lyoꞌkuyama ho imyaka neꞌmyakuula. Ha nyuma, abuli gendi bwatala uluhande lweꞌlulyo lwa Rurema.

Baheburaniya 7:24

Haliko Yesu yehe, ayamiragi ho imyaka neꞌmyakuula! Atanâye gomboolwe mu bugingi bwage.

Baheburaniya 7:4

Mumenyage bwija ngiisi kwo Merikisedeeki âli riiri mukulu bweneene! Kiri na shokuluza witu wa Hiburahimu akamúheereza ikihande kiguma kiꞌkumi kyeꞌyo minyago.

Baheburaniya 8:3

Ngiisi mugingi mukulu ali mu biikwa hiꞌgulu lyoꞌkukizi tanga amatuulo geꞌbitugwa bibaage, naꞌgandi matuulo. Kyo kikatuma noꞌyo mugingi mukulu Yesu, naye âli kwiriiri abe neꞌbyo agatanga.