Kwokwo, ukizi kengeeraga Umulemi wawe ku kyanya ukiri musore. Kube ku kyanya uburambe bwawe butazi twika, nga mugozi gweꞌharija, kandi iri kuvungulwa nga kirugu kyeꞌnooro, kandi iri kubereka nga kabindi ákali ha kirigo, kandi iri kutwika ngoꞌmugozi gwoꞌkulengeza amiiji mu kirigo.
Abahisiraheeri bali ngeꞌkiti kyoꞌmuzehituuni íkiri mu ndalo, keera kyanakoonyolwa kwaꞌmatavi. Na mwehe, muli ngiꞌtavi lyoꞌmuzehituuni gwa mu kishuka, mwanayiji nanikwa ku kiti kya mu ndalo, ha kati kaꞌgandi matavi gaakyo. Na buno, mukola mu longa imisi ku malembo gaakyo.
Wehe, ukakoonyolwa ku kiti kyoꞌmuzehituuni kya mu kishuka. Wanayiji nanikwa ho utakamera ku kiti kyoꞌmuzehituuni kya mu ndalo. Aahago! Ka itali yo haahe kwo boohe, bangashubi nanikwa haaho-haaho ku kiti kyeꞌmwabo!