Zakariya 4:10 - Kifuliiru

¹⁰ Mutakwaniini ukukizi gayiriza umukolwa, mbu bwo mwagutondeera ku bushobozi buniini. Si Nahano ashambiiri ukubona ngiisi kwo Zurubaberi akatondeera ukuyubakulula inyumba ya Rurema. Haaho ulya muganda anambwira kwokuno: «Galya matara galinda, gayerekiini amasu galinda ga Nahano, ganali mu kizi langiiza hooshi mu kihugo.»

Zakariya 4:10 ပူးပေါင်းရင်းမြစ်များ

2 Kutondobola 16:9

«Amasu ga Nahano gali mu langiiza-langiiza hooshi mu kihugo. Na ngiisi ábamúyibiisiri kwo, ku mitima yabo yoshi, ayamiri ali mu basikamya. Haliko, yibi wagira, biryagagi bya buhwija. Ukulyokera buno, abagoma baawe bakola bagakizi kuteera.»

Hayubu 8:7

Na kundu wâli tondiiri neꞌbiniini, haliko ubuzinda, ugaki yiji genduukirwa.

Zaburi 33:14

Yaho atuuziri, ali mu lola-lola booshi ábali mu kihugo.

Migani 15:3

Amasu ga Nahano gali mu bona byoshi. Ee! Gayamiri gali ku babi, kiri na ku biija.

Migani 4:18

Imikolezi ya ábakwaniini, iri nga lukula. Umulengeerwe gwayo, guli mu kizi genderera ukuyaka, halinde izuuba linatanguule.

Hisaaya 66:11

Mugakizi holeera, munayigute, ngoꞌmwana úgweti úgayonga ibeere. Mugakizi longa akanyabungaka keꞌbindu byayo biija, ubulangashane bwayo bunakizi mùshambaaza.

Hisaaya 66:14

Yibyo byoshi, ikyanya mugabibona, imitima yinyu igashagaluka. Indege ziinyu zigashubi kana, munakizi kula nga byasi. Lyeryo, abandu banasobanukirwe kwo nie Nahano, na kwo nie mu tabaala abakozi baani. Haliko ábanjombiri, boohe, ndi mu barakarira ngana-ngana.»

Yeremiya 16:17

Ibyaha byoshi byo bagweti bagaagira, mbibwini. Batangabibisha, mbu ndabibone.

Hezekyeri 1:14

Kiri na byonyene, byâli riiri nga mulavyo, byanakizi suula umulindi bweneene!

Hosheya 6:3

«Emwe! Bwangaba bwija tulongage ukumenya Nahano nga ngiisi kwo ali. Ee! Tukizi gira umwete bweneene, halinde tumúmenye bwija. Na kwo kali kasiisa kwiꞌzuuba liri mu kizi huluka, kiri neꞌnvula iri mu bombeesa idaho ku mahona-nvula, kwo kanalyagagi kasiisa kwo agatushuvya.»

Hamoosi 7:2

Zirya nzige zanayami genda zigaasivya imbuto zooshi mu kihugo. Kyanatuma ngaadeta, ti: «E Rurema Nahamwitu! Si twe beene Yakobo, tukoli sigiiri bagerwa naaho! Aahago! Nakuyinginga bweneene utukejeerere. Buzira kwokwo, tutagaki ba ho!»

Hamoosi 7:5

Kwokwo, nanadeta: «E Rurema Nahamwitu, si Abahisiraheeri bakoli sigiiri bagerwa naaho! Aahago! Nakuyinginga bweneene uyishuhizagye. Buzira kwokwo, tutagaki ba ho!»

Hagayi 2:3

“Mu kati kiinyu, nyandi uki kengiiri ngiisi kweꞌyi nyumba yâli langashiini bweneene? Aaho! Kuti kwo mukoli gibwini? Hali ikyanya mwabona kwoꞌbwija bwayo ndaabwo!

Zakariya 3:9

Lolagi! Yiri ibuye írikeyengiini, ngweti ngalibiika imbere lya Yoshwa. Kundu liri liguma naaho, halikago liri mweꞌmbande zirinda ízikeyengiini. Yiryo ibuye, ngola ngalihokoorora kwaꞌmandiko. Na kwakundi, ku lusiku luguma naaho, ngayami shaaza ibyaha íbiri mu yulubaza kino kihugo. Kwokwo, kwo ndesiri, nie Nahano woꞌbushobozi bwoshi!

Zakariya 9:1

Ino ndumwa ya Nahano, iri mu hika mu kihugo kyeꞌHadiraki, na mu kaaya keꞌDamasiki. Mukuba, amasu ga Nahano gagweti gagakizi tanduula Abahisiraheeri. Na kwakundi, gali mu lola ku bandi bandu booshi.

Luka 15:32

Haliko, uyu mulumuna wawe, bitukwiriiri tumúgirire ulusiku lukulu ku bushambaale. Mukuba, kundu ashubi teeresiri, yono keera aboneka. Na kundu atákola nga úkoli fwiri, haliko akiri mugumaana!”»

Bwigule 5:6

Ha kati keꞌkitumbi kyoꞌbwami, nanabona hayimaaziri Ikyanabuzi. Kirya Kyanabuzi, kyâli zungulusirwi na birya bingisho-ngisho bina íbiri mwoꞌbugumaana, kizungulusirwi na balya bashaaja. Yikyo Kyanabuzi, kikabonekaga nga kyâli tongiirwi. Kyanâli riiri naꞌmahembe galinda, naꞌmasu galinda. Yago masu gaakyo, yo yerya mitima irinda ya Rurema yo akatuma mu mahanga gooshi.

Bwigule 8:2

Ha nyuma, nanabonaga abaganda balinda ábayimaaziri imbere lya Rurema. Banahaabwa ibibuga birinda.