Zakariya 2:8 - Kifuliiru

⁸ Kwokwo, ulya muganda úwâli kizi nganuuza anabwira uwabo, ti: «Ukwabaduke, ugendi bwira guliira musore úgufumbiiti umugozi gwoꞌkugera: “Yako kaaya keꞌYerusaleemu, kagaaba kataki zungulusirwi neꞌnzitiro. Kagaki yijula mwaꞌbandu neꞌbitugwa, halinde abandu bataganaki kwirwa mwo. Ee! Bandu bingi bakola bagatuula inyuma lyeꞌnzitiro zaako.”

Zakariya 2:8 ပူးပေါင်းရင်းမြစ်များ

Ndondeko 20:6

Rurema anashubi múbwira: «Yikyo kyaha, nyiji kwo utakigiriirira. Nienyene, nie wakubuza kwo utagire ikyaha imbere lyani, kyanatuma ndakuhanguula kwo umúyegeere.

2 Baami 24:2

Kyanatuma Nahano agaatuma abanyazi beꞌBabeeri, naꞌbeꞌHaraamu, naꞌbeꞌMohabu, naꞌbeꞌHamooni, banayiji teera ikihugo kyeꞌBuyuda, gira bakishereeze, ukukulikirana na ngiisi kwo Nahano akadeta ku njira yaꞌbakozi baage abaleevi.

Zaburi 17:8

Kwokwo, ukizi ndanga nga mboni yiꞌsu lyawe. Unakizi mbisha mu kimbehwa kyeꞌbyubi byawe.

Migani 7:2

Iri wangakizi zikania, lyo ugaalama. Kwokwo, ukizi langa amigirizo gaani, nga kwo uli mu langa imboni yaꞌmasu gaawe.

Hisaaya 49:19

«Ku kasiisa, ikihugo kiinyu kikoli sherebiiri. Utwaya twinyu keera tukasiba. Kundu kwokwo buno, yikyo kihugo kikola kigamùniihira. Balya ábakamùminika, leero bagatibitira hala.

Yeremiya 12:14

Nahano adetaga kwokuno: «Yibyo binyamahanga bibi íbituuziri ha butambi lyaꞌbandu baani Abahisiraheeri, keera byashereeza ikihugo kyo nꞌgabaheereza. Ku yukwo, nabyo ngabishikula mu bihugo byabyo. Na ngize beene Yuda mu maboko gaabyo.

Yeremiya 27:7

Uyo Nebukandeneza kuguma noꞌmugala, noꞌmwijukulu, bagakizi koleesa abandu baꞌmahanga gooshi. Haliko ha nyuma, ikihugo kyeꞌBabeeri, nakyo kigateerwa, kinahimwe. Abaami bahamu beꞌbihugo bingi-bingi bagayiji múkoleesa.

Hezekyeri 25:12

«Nie Rurema Nahamwinyu, nadetaga kwokuno: Yabo Bahedoomu, bakagira ikyaha bweneene, mu kuyihoola beene Yuda.

Hezekyeri 25:15

«Nie Rurema Nahamwinyu, nadetaga kwokuno: Abafirisiti keera bakayihoola Abayuda, mu kukoleesa inzigo bweneene! Na bwo bayamiri-yamiri babashombiri, bayami bazimiiza.

Hezekyeri 26:2

«E mwana woꞌmundu, abandu beꞌTiiro bagweti bagashekeereza akaaya keꞌYerusaleemu, mbu kundu abadandaza bâli kizi lenga mwo, haliko leero kashereezibwa. Banadete, mbu: “BweꞌYerusaleemu ikola biguuka, twe tukola tugaagala!”

Hezekyeri 26:20

«Neꞌri hagaatama, na ngulindimulire i kuzimu, gira ugwane yo ábakafwa kare. Ugabeera yeyo imyaka neꞌmyakuula, kuguma naꞌbandi abafwiri. Utanâye ki lyoke yo, mbu ushubi tuula mu bagumaana.

Hezekyeri 35:5

«Mwe Bahedoomu, mwâli kizi shomba Abahisiraheeri. Neꞌkyanya, nꞌgabahaniiriza ubuzinda, kyanâli kola kyanya kyoꞌbuhanya, mwanaleka bayiji yitwa ku ngooti.

Hezekyeri 36:11

E migazi! Ngamùluza kwaꞌbandu, kiri neꞌbitugwa. Abandu baani, bagashubi mùtuula mwo, nga kwo byâli riiri yaho kare. Munakizi genduukirwa ukuhima kare. Kwokwo, lyo mugaamenya ku kasiisa, kwo nie Nahano.

Hezekyeri 38:11

Munadetage, ti: “Ikihugo kyabo kitazitiirwi, ndaanayo miryango bagweti, kandi iri bihamiko. Aaho! Tugagendi kiteera. Si batuuziri mwo mu mutuula, buzira ngerania!

Hezekyeri 38:14

«Ku yukwo, e mwana woꞌmundu! Utange ubuleevi bwoꞌkukanukira Googi, iri unamúbwira kwo nie Rurema Nahamwinyu nadetaga kwokuno: Abandu baani Abahisiraheeri, ikyanya bagaaba batuuziri mu mutuula, mugatondeera ulugeezi.

Hamoosi 1:11

Nahano adetaga kwokuno: «Beene Hedoomu bagweti bagayifunda mu byaha. Aahago! Ukubahana, ngola ngabahana ngana-ngana! Si bagweti bagahiiva beene wabo, Abahisiraheeri, iri banabayita neꞌngooti, buzira kubayuvwirwa indengeerwa! Banayamiri bali mu savya-savya hiꞌgulu liꞌshavu, iri banalangama.

Hamoosi 1:13

Nahano adetaga kwokuno: «Beene Hamooni bagweti bagayifunda mu byaha. Aahago! Ukubahana, ngola ngabahana ngana-ngana! Si bakateera beene Giryadi, mbu lyo bayajabula ikihugo kyabo! Haaho-haaho, banakizi gwata abakazi ábâli kola neꞌnda, banazibunduule.

Hamoosi 1:9

Nahano adetaga kwokuno: «Abandu beꞌTiiro bagweti bagayifunda mu byaha. Aahago! Ukubahana, ngola ngabahana ngana-ngana! Kundu bakanywana ikihango naꞌBahisiraheeri, si bakakihongola! Banagwata abandu booshi mu twaya tulebe, banabatwala imbohe, gira bagendi ba baja i Hedoomu.

Mika 4:11

Si buno, ibinyamahanga bingi bigweti bigayiji mùteera. Bagweti bagaadeta kwokuno: «E balya, tugendi shereeza akaaya keꞌYerusaleemu. Neꞌkyanya tugaaba keera twakasindaga, tugakizi kaloleera, iri tunashambaala.»

Mika 5:6

Abahisiraheeri ábagaaba basigiiri, bagayiji gingikwa mu mahanga. Bagaaba nga kimi kya Nahano, kandi iri nga mitonyi yeꞌnvula ku byasi. Ndaaye mundu úwangabahangirira, kandi iri ukubatindiisa.

Mika 7:10

Yago gooshi, abagoma baani bagagabona, banateerwe neꞌshoni. Si bo bâli kizi deta, mbu: «Rurema Nahamwinyu, alyagagi hayi?» Kundu bakadeta kwokwo, ngaki bona ngiisi kwo bagaagwa. Banakizi libatwa-libatwa, nga bidaka bya mu njira.

Habakuki 2:17

Si keera mukayita abandu bingi i Lebanooni, mu twaya twabo, mwanayita kiri neꞌnyamiishwa. Buno niinyu, mukolaga mugayoboha, munakomeresibwe. Ngiisi byo mukagirira abandi mu twaya twabo, niinyu, bigaamùba kwo.

Habakuki 2:8

Mwâli kizi shereeza ibihugo bingi, kuguma noꞌtwaya twabyo, iri munashahula ibindu byabo. Na ngiisi ábâli tuuziri mwo, mwanakizi bayita. Kwokwo, ibindu biinyu nabyo, ngiisi ábagaaba baki sigiiri, bagayiji bishahula.

Sefaniya 2:8

«E bandu baani, ikyanya Abamohabu bâli kizi mùhonyoleza, nâli yuvwiti. Nꞌganayuvwa neꞌkyanya Abahamooni bâli kizi mùtuka. Bâli gweti bagakizi gayiriza abandu baani, iri banayiji bagaaza ikihugo kyabo.»

Zakariya 2:11

E bandu beꞌYerusaleemu, mwe mukahungira i Babeeri! Muvwarukage maashi, gira muyifuuse!»

Zakariya 2:9

«Nahano adesiri kwokuno: “Niehe nienyene, ngababeera nga luzitiro lwoꞌmuliro, úluzungulusiri akaaya. Kiri na mu kati kaabo, ngayerekana mwoꞌbulangashane bwani!”»

Zakariya 8:5

Injira za yako kaaya, zigayijula ulukeme-keme lwaꞌbatabana naꞌbanyere ábagakizi zishaatira mwo.

Malaki 3:1

Nahano woꞌbushobozi bwoshi, adetaga kwokuno: «Ngola ngalungika indumwa yani, gira igwanwe yanjongaaniza injira. Iyo ndumwa, inayiji menyeesa ikihango kyo tuganywana. Lolagi! Yoliira agweti agayija! Haaho, bwo mundindiriiri ku kyedu, nienyene ngayami yija mu nyumba yani.»

Mataayo 25:40

«Uyo mwami, ti: “Namùbwira ukuli, ngiisi byo mukagirira umuniini wa mu yaba beene witu, ali nie mukabigirira.”

Mataayo 25:45

Naye, ti: “Namùbwira ukuli, ngiisi byo mutakagirira umuniini wa mu yaba, ali nie mutakabigirira.”

Yohana 14:26

Haliko ha nyuma, Daata agamùtumira Umutima Mweru kwiꞌziina lyani, gira gukizi mùtabaala. Gunakizi mùyigiriza byoshi, iri gunakizi mùkengeeza ngiisi byo nꞌgamùbwira.

Yohana 17:18

Nga kwo ukanduma mu kihugo, kwokwo naani kwo keera nabatuma mwo.

Mikolezi 9:4

Ulya Sahuli anayibumbulika haashi, anayuvwa izu ligweti ligamúbuuza, ti: «E Sahuli, e Sahuli! Kituma kiki ugweti ugandibuza?»

Bukengeeze 32:10

«Nahano akagwana abandu baage mwiꞌshamba, ahandu imirunga yâli kizi mokera. Anakizi baliisa, noꞌkukizi bayigiriza. Anakizi bakingira nga mboni yiꞌsu.

2 Batesaloniki 1:6

Na bwo Rurema ali mu gira íbikwaniini, yabo bandu ábali mu mùlibuza, agaki mùyihoolera bo.

1 Yohana 4:14

Twenyene, keera tukayibonera kwo Daata akatanga Umwana wage, gira lyo aba Lukiza weꞌkihugo. Tunagweti tugatanga ubumasi kwo biri kwokwo.