Zakariya 2:4 - Kifuliiru

⁴ Nanashubi múbuuza: «Yaba bandu, bikagi byo bayiji gira?» Na wa naye, ti: «Yibyo binyamahanga íbikayiji teera ikihugo kyeꞌBuyuda, yabo batuzi bayiji bileeza mweꞌkinyukura, bakabuli biminika.»

Zakariya 2:4 ပူးပေါင်းရင်းမြစ်များ

Hesiteeri 9:19

Kyo kitumiri Abayahudi booshi ábatuuziri mu mbingiro, bali mu simbaha yulwo lusiku lwiꞌkumi na zina lwoꞌmwezi Hadaari, banali mu luyerekana kwoꞌbusiime mu kukizi twalirana indengu.

Hisaaya 33:20

Mwehe, mulangiizagye ku mugazi Sayuni. Haaho, ho tuli mu shambaalira isiku ziitu ngulu. Mukizi langiiza i Yerusaleemu. Si ko kaaya kiija koꞌmutuula, kanali ngiꞌheema íritâye twalwe ahandi. Imisumaari yalyo yoꞌkuligwasa, itâye kuulwe. Kiri neꞌmigozi yalyo, itâye twisibwe.

Hisaaya 44:26

Si abakozi baani, boohe, ikyanya bali mu deta amagambo, ndi mu gakwiza. Ngiisi byo nꞌgagwanwa nabatuma kwo badete, byo na byebyo ndi mu gira. Nabwira akaaya keꞌYerusaleemu kwokuno: “Abandu bagashubi kutuula mwo.” Noꞌtwaya tweꞌBuyuda, ninatubwire: “Bagaki yubakulula inzitiro zaawe. Ee ma! Ibiguuka byawe, ngashubi biyubakulula.”

Hisaaya 49:20

Ikyanya mwâli jengiirwi, mwanakizi buta abaana. Halikago buno, balya baana bakola mu mùbwira: “Kino kihugo kikoli tunihiiri. Ugirage utuheereze áhahamu, ho twangagendi tuula.”

Hisaaya 54:16

Lolagi! Nie kabumba umutuzi weꞌbyuma. Ali mu kizi yasa umuliro naꞌmakala, anatule ibilwaniiso. Kwo na kwokwo, nie kabumba noꞌmushereeza, gira akizi gendi shereezania.

Yeremiya 1:6

Naani, ti: «E Rurema Nahamwitu, si ngiri musore! Ndanazi hasha ukudeta bwija.»

Yeremiya 31:24

«Abayuda bagakizi tuulanwa mu kihugo kyabo, na mu twaya twamwo. Ee! Abalimi bagatuulanwa bwija kuguma naꞌbangere.

Yeremiya 31:27

Nahano adetaga kwokuno: «Ikihugo kyeꞌHisiraheeri neꞌkyaꞌBayuda, mu siku ízigayija, ngashubi biyijuza mwaꞌbandu, kiri na mweꞌbitugwa.

Yeremiya 33:22

Yabo bandu ba mu kibusi kyoꞌmukozi wani Dahudi, na yabo beene Laawi, ngabaluza nga ndonde kwiꞌgulu, na ngoꞌmushenyu kwiꞌbuga, halinde banabe kandaharuurwa.»

Hezekyeri 38:11

Munadetage, ti: “Ikihugo kyabo kitazitiirwi, ndaanayo miryango bagweti, kandi iri bihamiko. Aaho! Tugagendi kiteera. Si batuuziri mwo mu mutuula, buzira ngerania!

Danyeri 1:17

Yabo batabana kwo bali bana, Rurema anabaheereza ubumenyi, halinde banalonga ukusobanukirwa naꞌmandiko ga kwingi-kwingi gaꞌBababeeri. Na kwakundi, anaheereza Danyeri ikigabi kyoꞌkukizi sobaanura amabone neꞌbirooto bya kwingi-kwingi.

Danyeri 1:4

Yabo batabana babe bazira kashembo. Banabe banonosiri bweneene, na beeshu, na bitegeereza. Kwokwo, lyo bakalonge ukukizi kola mu kajumiro. Anakyula kwo bakizi yigirizibwa indeto yaꞌBababeeri, halinde balonge ukukizi gisoma, kiri noꞌkugiyandika.

Mika 7:11

E Bahisiraheeri! Mu siku ízâye yije, inzitiro za mu twaya twinyu zigashubi yubakululwa. Kiri neꞌmbibi zeꞌkihugo kiinyu zigayajabulwa.

Zakariya 1:16

Ku yukwo, nie Nahano woꞌbushobozi bwoshi, nadetaga kwokuno: E bandu beꞌYerusaleemu! Ngamùgalukira, ninamùyereke ulukogo lwani. Inyumba yani igaki yubakululwa, kiri naꞌkaaya kooshi kwakundi.”»

Zakariya 1:17

Ha nyuma, ulya muganda anambwira mbu mbamenyeese kwo Nahano woꞌbushobozi bwoshi adetaga kwokuno: «Ngashubi toola akaaya keꞌYerusaleemu, kabe keꞌmwani, na njubi holeeza abandu beꞌSayuni. Kiri noꞌtundi twaya twani twoshi, tugaki shubi gala ngana.»

Zakariya 12:6

«Ku yikyo kyanya, ngaaba nga nayasa yabo batwali baꞌBayuda, babe nga kivumbo mu lubako, kandi iri nga ngoke nvunde mu biiro byeꞌngano. Kwokwo, kundu abandu bagaaba babazungulusiri, haliko, bagayami basivya, fye! Si abatuulaga beꞌYerusaleemu boohe, bagagenderera ukutuula mu kati koꞌbutoge.»

Zakariya 14:12

Halikago, ku luhande lwa ábakayiji teera i Yerusaleemu, Nahano agabaleeteraga buno buhanya: Amagala gaabo gagaabola, banakiri bagumaana. Amasu gaabo, gagavunda ganakiri mu bikangara byago. Indimi zaabo, zigaabola zinakiri mu tunwa.

1 Timoteyo 4:12

Utayemeere kwoꞌmundu akugayirize, mbu bwo ukiri musore. Haliko ukizi tuula bwija, halinde Abakirisito bakizi kuyigira kwoꞌmugani. Bakizi guyigira ku byo uli mu deta, na ku ngesho zaawe, na ku ngiisi kwo uli mu kundana, na ku ngiisi kwo ubiisiragi Rurema kwoꞌbwemeere, na ku ngiisi kwo uli mu langa ubweru bwawe.