Zakariya 2:12 - Kifuliiru

¹² Nahano woꞌbushobozi bwoshi, akanduma mu kati koꞌbulangashane, kwo ndete hiꞌgulu lya yibyo binyamahanga, kundu bikamùshahula ibindu, ti: «Ku kasiisa, ngiisi úgamùhuma kwo, iri ahuma ku mboni yiꞌsu lyani.

Zakariya 2:12 ပူးပေါင်းရင်းမြစ်များ

2 Kutondobola 6:6

«“Si keera nꞌgatoola akaaya keꞌYerusaleemu, kabe ko ngakizi yikumbirwa mwo. Nanatoola na Dahudi, gira akizi twala abandu baani, Abahisiraheeri.”»

Hesiteeri 6:13

Ulya Hamaani, mbu ahikage mu mwage, anayami ganuulira mukaage Zereeshi, kiri naꞌbiira baage, ngiisi íbyamúkoleka kwo. Na wa mukaage, ti: «Yoho wee! Ulya Moredekaayi, bwo ali wa mu mulala gwaꞌBayahudi, utagamúhasha. Si ulwawe lwahika!»

Zaburi 105:15

«Yaba batoolwa baani, mutakolwe mbu mukizi balibuza. Mutanagirire abaleevi baani ubuligo.»

Zaburi 132:13

Nahano akatoola akaaya keꞌSayuni, analooza kwo habe ho agakizi tuula.

Zaburi 132:14

Anadeta: «Hano, ho ngakizi luhuukira, halinde imyaka neꞌmyakuula. Hano handu, ho ngabwatala ku kitumbi kyani kyeꞌkyami. Ee! Haahano!»

Zaburi 135:4

Nahano yenyene, ye katoola beene Yakobo, babe bandu baage. Ee! Akatoola Abahisiraheeri, babe beꞌmwage.

Zaburi 33:12

Abandu beꞌkihugo kirebe bahiriirwi, ikyanya Rurema ye Nahano wabo. Ee! Bahiriirwi, bwo ye kabatoola, kwo babe beꞌmwage.

Zaburi 82:8

E Rurema, uyimukage, maashi! Ukizi twa imaaja za booshi ba mu kihugo. Si abandu baꞌmahanga gooshi bali beꞌmwawe!

Hisaaya 14:1

Nahano agaki shubi kejeerera Abahisiraheeri, beene Yakobo. Ee! Agashubi bayereka kwo ye batooziri, babe bandu baage. Anashubi bagalulira mu kihugo kyabo. Ibinyamahanga nabyo, binayiji bayibiika kwo, halinde booshi banabe bakola boꞌmulala muguma naaho.

Hisaaya 17:14

Kabigingwe, Abahisiraheeri bagakizi yoboha bweneene. Haliko, ikyanya butazi tejuukana, banagwane abagoma bakoli fwiri. Kundu abagoma bagayiji tuteera, ndaabyo bagaagira!

Hisaaya 41:9

Nꞌgamùgalula ukulyoka hala mu mahanga, heꞌkihugo kihekiiri. Nanamùbwira: “Buno, mukola bakozi baani.” Keera nꞌgamùtoola, ndanâye ki shubi mùkabulira.

Yeremiya 10:16

Mukuba iyo migisi, Rurema wa Yakobo yehe atali nga yo. Si ye kalema ibindu byoshi, anatoola Abahisiraheeri kwo babe bo bandu baage. Iziina lyage, ye Nahano woꞌbushobozi bwoshi!

Yeremiya 30:16

Kundu kwokwo, ngiisi ábali mu mùjanganula, nabo ngabajanganula. Abagoma biinyu booshi, nabo kandi bagatwalwa imbohe mu mahanga. Na ngiisi ábakamùshahula ibindu, nabo bagayiji bishahulwa. Na ngiisi ábakamùteera, nabo bagayiji teerwa.

Yeremiya 51:19

Haliko, Rurema wa Yakobo, yehe atali nga yo. Si ye kalema ibindu byoshi, anatoola Abahisiraheeri kwo babe bo bandu baage! Iziina lyage, ye Nahano woꞌbushobozi bwoshi.

Zakariya 1:17

Ha nyuma, ulya muganda anambwira mbu mbamenyeese kwo Nahano woꞌbushobozi bwoshi adetaga kwokuno: «Ngashubi toola akaaya keꞌYerusaleemu, kabe keꞌmwani, na njubi holeeza abandu beꞌSayuni. Kiri noꞌtundi twaya twani twoshi, tugaki shubi gala ngana.»

Zakariya 3:2

Nahano, anabwira Shetaani kwokuno: «E Shetaani, nie Nahano ngweti ngakufumba akanwa. Ee! Keera nꞌgatoola i Yerusaleemu, na ngweti ngakufumba akanwa! Aahago! Uyo Yoshwa, ka atalyagagi nga mubeza gwoꞌlushaali úgwashumbuulwa mu muliro?»

Bukengeeze 32:10

«Nahano akagwana abandu baage mwiꞌshamba, ahandu imirunga yâli kizi mokera. Anakizi baliisa, noꞌkukizi bayigiriza. Anakizi bakingira nga mboni yiꞌsu.

Bukengeeze 32:9

Haliko, Abahisiraheeri bo bandu baage. Yabo beene Yakobo bali beꞌmwage.