Zakariya 14:17 - Kifuliiru

¹⁷ Ngiisi bandu ábagalahira ukuzamuukira yo, mbu batagayikumba uyo mwami woꞌbushobozi, boohe, invula igahangama mu kihugo kyabo.

Zakariya 14:17 ပူးပေါင်းရင်းမြစ်များ

Ndondeko 10:32

Yabo bandu booshi, yo milala íkalyoka mu kibusi kyaꞌbaana ba Nuhu, ukukulikirana naꞌmakondo gaabo, ngiisi bandu mu kihugo kyabo. Ha nyuma lyoꞌmwijulire, abandu banakwira mu mahanga gooshi, ku njira ya bagala Nuhu.

Ndondeko 12:3

Ngiisi ábagakizi kugashaanira, naani ngakizi bagashaanira. Haliko, ngiisi ábagakizi kudaaka, naani ngakizi badaaka. Hiꞌgulu lyawe, imilala yoshi mu kihugo igagashaanirwa.»

Ndondeko 28:14

Yabo bandu, banaluguuke, banabaagage kandaharuurwa nga mushenyu, halinde banakwire imbande zooshi zeꞌkihugo. Hiꞌgulu lyawe, na hiꞌgulu lyaꞌbandu ba mu kibusi kyawe, imilala yoshi ya mu kihugo igagashaanirwa.

1 Baami 17:1

Hâli riiri umuleevi muguma, iziina lyage ye Hiriya. Âli riiri wa mu kaaya keꞌTishibe, ka mu poroveesi yeꞌGiryadi. Uyo Hiriya anabwira mwami Ahabu: «Ndi mukozi wa Nahano Rurema waꞌBahisiraheeri. Nga kwo ayamiri ho, mu myaka ígayija, mu kihugo invula igahangama, kiri neꞌkimi, ukuhisa ku kyanya ngashubi deta.»

1 Baami 8:35

«Hali neꞌkyanya abandu baawe Abahisiraheeri bangakuhubira, kinatume invula igahangama. Haliko ha nyuma, banahindukire hano, banakuhuune iri banahuuza iziina lyawe, banatwikire na ku byaha byabo.

2 Kutondobola 6:26

«Hali neꞌkyanya abandu baawe, Abahisiraheeri, bangakuhubira, kinatume invula igahangama. Haliko ha nyuma, banahindukire hano, banakuhuune, iri banahuuza iziina lyawe, banatwikire na ku byaha byabo.

2 Kutondobola 7:13

«Hali ikyanya nangahangika invula. Kandi iri nangashereeza ikihugo mu kuleeta inzige mu ndalo, kandi iri mbiika abandu baani mweꞌkiija.

Hisaaya 18:7

Ku yikyo kyanya, birya bifigisi byaꞌbandu bigayijaga, binatange ituulo imwa Nahano woꞌbushobozi bwoshi! Yibyo bifigisi, umwego gwabyo gukeruusiri. Naꞌbandu baꞌmahanga gooshi, bayamiri babiyobohiri. Ee! Biryagagi bilangi ngana, binali mu minika abagoma. Ikihugo kyabyo, kiri mu golomba mweꞌnyiiji. Kundu kwokwo, balya bala bagayiji kizi tuula Nahano woꞌbushobozi bwoshi, ku mugazi Sayuni.

Hisaaya 45:23

Keera nꞌgabiika umuhango, nanabiika indahiro kwiꞌziina lyani, kwo ngiisi mundu âye ki fukame imbere lyani, anadete kwo nie Rurema. Yiri igambo, nalideta ku njira íkwaniini, litanâye ki hinduke.

Hisaaya 5:6

Ee! Iyo ndalo, ngagisivya lwoshi-lwoshi. Imizabibu yamwo, itâye ki yahulirwe, kandi iri kuyufirirwa. Igaamera naaho mweꞌmigenge neꞌmihanda-njovu. Nganahangika ibibungu, bitaginiekeze invula.»

Hisaaya 60:12

Mu ngiisi bwami na ngiisi butwali, ngiisi ábagalahira mbu batamùkolere, bagayami zimiizibwa. Yugwo mulala gugaminikwa lwoshi-lwoshi!

Yeremiya 10:25

Yubwo buraakari bwawe, ubuyonere ku bandi bandu ábatakuyiji. Si boohe, batali mu kuyikumba. Twe Bahisiraheeri, twe balya bandu bakaminika, banatusivya lwoshi, banasigaga kihugo kiitu mushaka.

Yeremiya 14:22

Irya migisi yaꞌgandi mahanga, si itashobwiri ukuniesa invula! Ikyanyaanya kyonyene, kitangaginiesa. Si we Rurema Nahamwitu, we gweti úgakizi giniesa! Kwokwo, we tugweti tugabiika kwoꞌmulangaaliro.»

Yeremiya 14:3

Ikyanya abakulu bali mu tuma abakozi baabo, kwo bagendi vwoma amiiji, bali mu gwana ibirigo bikamiri ngenene. Kinatume bagagalukana ibirugu bimaata, bakoli yinamiri. Ee! Ishoni zinabagwate, banagire mbu bayibishe amalanga.

Yeremiya 14:4

Bwo bakoli jondamiri, bakola mu bisha amalanga gaabo. Mukuba invula keera ikahangama, niꞌdaho likoli hangaliiri.

Hamoosi 3:2

Mu bandu booshi ba mu kihugo, mwehe naaho mwe nâli kizi hahala. Halikago, bwo mwâli kizi gira ibyaha bweneene, kyo kitumiri ngamùhaniiriza.»

Zakariya 14:16

Yubwo buhanya, ikyanya abagoma baguma bagagafuuka mwo, bagakizi zamuukira i Yerusaleemu ngiisi mwaka, gira bakizi gendi yikumba Nahano, mwami woꞌbushobozi bwoshi, iri banakizi shambaalira ulusiku lukulu lweꞌbitunda.

Zakariya 14:9

Nahano agaaba ye mwami weꞌbihugo byoshi. Yehe yenyene ye gakizi yikumbwa nga Nahano. Ee! Iziina lyage naaho, lyo ligalumbuuka.

Bukengeeze 11:17

Iri mwangakolwa mbu mukizi gira kwokwo, ku kasiisa Nahano agamùrakarira, anashweke igulu, halinde invula inahangame. Kundu Nahano amùheziizi kino kihugo kiija, haliko kigagubuuka, munazimiirire mwo.

Yakobo 5:17

Hiriya âli riiri mundu ngana, mwene kwokuno kwitu. Neꞌkyanya akahuuna Rurema kweꞌnvula itanie, hanamala imyaka ishatu neꞌmyezi ndatu invula ihangamiri mu kihugo kyoshi.

Bwigule 11:6

Yutwo tumasi tuli noꞌbushobozi bwoꞌkuhangika invula ku kyanya kyoshi kyo tugakizi tanga ubuleevi. Tunali noꞌbushobozi bwoꞌkuhindula amiiji gabe muko, na bwoꞌkukizi leeta ngiisi kiija mu kihugo ku ngiisi kihe kyo tuloziizi.