Zakariya 12:8 - Kifuliiru

⁸ Ku kyekyo kyanya, yabo batuulaga beꞌYerusaleemu, Nahano agabasiikira. Ngiisi úlyagagi mwolo mu kati kaabo, agaaba akola kikalage nga mwami Dahudi. Yabo beene Dahudi nabo, bagaaba bakola nga Rurema yenyene! Bagaaba bashushiini noꞌmuganda wa Nahano, bwo ye gakizi barongoora.

Zakariya 12:8 ပူးပေါင်းရင်းမြစ်များ

Zaburi 8:5

Umundu ali nga nyandi, halinde uki múkengiiri, unakizi múhahalira?

Zaburi 82:6

Nꞌgadeta kwokuno: “Mweshi, mulyagagi bamungu! Ee! Muli baana ba Rurema úli hiꞌgulu lya byoshi.”

Kulyoka 14:19

Haaho, umuganda wa Rurema úwâli kizi rongoora Abahisiraheeri, anagalukira inyuma lyabo. Kiri neꞌrya nguliro yeꞌkibungu nayo, yanashaaga imbere lyabo, yanagendi beera inyuma.

Kulyoka 33:2

«Ngalungika umuganda imbere liinyu, anamùyimulire Abakaanani, naꞌBahamoori, naꞌBahiti, naꞌBapereesi, naꞌBahivi, naꞌBayebuusi.

Hisaaya 30:26

Umwezi gugakizi yaka bweneene ngiꞌzuuba. Niꞌzuuba nalyo, umulengeerwe gwalyo, gugakizi yaka ubugira kalinda, ukuhima izindi siku. Kwokwo kwo bigaaba, ku kyanya Nahano agakizi lunga inguma zaꞌbandu baage. Kundu âli kizi bamotola, haliko agaki baholeeza.

Hisaaya 31:4

Nahano akambwiraga kwokuno: «Ikyanya ikihagarusi kyeꞌndare kandi iri injuuke yayo iri mu yita ikitugwa, iri mu kiyimangira kwo, iri inalunduma. Na kundu abangere bangashololokera ho, banakizi gira ulujongo, mbu bagiyimule, itali mu batwaza. Mukuba yulwo lujongo lutangagiyobohya. Kwo na kwokwo, Nahano woꞌbushobozi bwoshi, agamanukiraga ku mugazi Sayuni, gira ayiji teera abagoma.

Hisaaya 33:24

Mu batuulaga booshi beꞌYerusaleemu, ndaaye úgashubi deta, mbu: «Ngoli lwaziri!» Mukuba yabo booshi, ibyaha byabo bigaaba keera byakogwa.

Hisaaya 49:7

Wehe, abandu bakiri mu kugayiriza, banaki kushombiri. Ulyagagi muja naaho woꞌkukizi kolera abatwali. Kundu kwokwo, Nahano ali Lukiza, Umutaluule waꞌBahisiraheeri, anakola mu deta kwokuno hiꞌgulu lyawe: «Ikyanya abaami bagakizi kubona, bagakugingika. Kiri naꞌbakulu banakufukamire.» Kwokwo, ukizi mbiika kwoꞌmulangaaliro! Mukuba, nie Nahamwinyu, Umutaluule waꞌBahisiraheeri. Keera nanakutoola.

Hisaaya 53:3

Si abandu bâli kizi múshomba, iri banamúnegura. Âli kizi jengeerwa, noꞌkukizi libuuka, anaba kyagaza imbere lyabo, halinde banamúbona kwo atali kindu.

Hisaaya 63:9

Ku kyanya Abahisiraheeri bâli kizi longa amakayu, naye, bâli kizi galongera kuguma. Anabakiza, mu kubalungikira umuganda. Na bwo abakuuziri, kyanatuma agakizi bayuvwirwa indengeerwa, anabaguluula. Âli kizi batengetera, iri anababetula.

Yeremiya 27:10

Aahabi! Yibyo bagweti bagamùbwira, biryagagi binyoma naaho. Neꞌri mwangabiyemeera, niinyu mugatwalwa imbohe, hala neꞌkihugo kiinyu. Ngamùyimula, mugendi fwira ku mbinga.

Hosheya 1:7

Haliko Abayuda boohe, ngaaba mbakuuziri, na mbakize mu bagoma baabo. Si kutagaaba ku miheto yaꞌbasirikaani, kandi iri ku ngooti, kandi iri mu kukoleesa ifwarasi, kandi iri ábali mu zigendera kwo. Haliko nienyene, nie Rurema Nahamwabo, nie gabakiza.»

Hosheya 12:3

Nahano agweti agalega Abayuda, beene Yakobo. Anakola agabahana hiꞌgulu lyoꞌbulyalya bwabo. Ee! Agabahaniiriza, ukukulikirana na ngiisi kwo âli kizi gira.

Hosheya 3:5

Si ha nyuma, Abahisiraheeri bagagalukira Rurema Nahamwabo, banashubi kizi múkulikira. Bagayiji yibiika na ku mwami, wa mwiꞌkondo lya Dahudi. Ee! Mu siku ízigayija, bagagalukira Nahano, iri banakizi juguma imbere lyage. Nahano anakizi bagashaanira.

Balaawi 26:8

Kundu abagoma bangaba bali igana, haliko Abahisiraheeri bataanu naaho, bagabatibita kwo. Neꞌri abagoma bangaba bali bihumbi ikumi, Abahisiraheeri igana naaho, bagabatibita kwo. Yabo bagoma, mugabaminika ku ngooti.

Mika 5:8

Kwokwo, lyo mugalonga ukuhima abagoma biinyu. Ee! Yabo bagoma booshi, munakizi baminika.

Mika 7:16

Yibyo bitangaaza, ikyanya ibinyamahanga bigabibona, lyo bigateerwa neꞌshoni hiꞌgulu lyoꞌbukaholwe bwabo. Bagakizi biika ukuboko ku kanwa, iri banaziba amatwiri.

Mika 7:8

E bagoma baani! Mutagaki mbonyoleza. Mukuba, kundu nangaagwa, haliko ngaki vyuka. Na kundu nangaba mbwatiiri mu kihulu, haliko Nahano agaaba akiri mulengeerwe gwani.

Zakariya 10:7

Abahifurahimu bagaaba bakolaga ndwani. Bagashambaala bweneene, nga ábakoli nywiri idivaayi. Ikyanya abaana baabo bagakizi bona kwokwo, nabo banashagaluke. Ee! Imitima yabo, igakizi shambaala mu kati ka Nahano.

Zakariya 2:5

Nanashubi langiiza, nanabona umundu afumbiiti umugozi gwoꞌkugera.

Zakariya 9:14

Nahano agahulukira ku bandu baage mu kibungu. Irya myambi yage, agakizi givurumika nga mulavyo. Rurema woꞌbushobozi bwoshi, agadihiriza ikibuga. Anayiji teera abagoma nga mbuusi ngayu yeꞌkisaka.

Zakariya 9:8

Inyumba yani, nienyene ngagilaliiraga, gira abasirikaani batayiji giteera. Ee ma! Yabo bandu baani, ngoli babiisiri kwaꞌmasu, hatayije ikinyamahanga íkigashubi yifunda mu kihugo kyabo.

Malaki 3:1

Nahano woꞌbushobozi bwoshi, adetaga kwokuno: «Ngola ngalungika indumwa yani, gira igwanwe yanjongaaniza injira. Iyo ndumwa, inayiji menyeesa ikihango kyo tuganywana. Lolagi! Yoliira agweti agayija! Haaho, bwo mundindiriiri ku kyedu, nienyene ngayami yija mu nyumba yani.»

Mataayo 1:23

«Loli! Umunyere, kundu atazi menyana noꞌmushosi, haliko agaheeka inda, anabute umwana woꞌbutabana! Noꞌyo mwana, bagamúyinika iziina Manweri, umugeeza gwalyo: Tutuliinwi na Rurema.»

Barumi 9:5

Yabo Bahisiraheeri, bo balyosiri mwiꞌkondo lya bashokuluza biitu ba keera, nga kwo Kirisito naye âli balyosiri mwo. Uyo Kirisito, analyagagi ye Rurema úli hiꞌgulu lya byoshi. Tukizi múyivuga imyaka neꞌmyakuula! Bikizi ba kwokwo!

1 Timoteyo 3:16

Ku kasiisa, ngiisi byo Rurema akatuyigulira, biri bya kahebuuza! Akayerekanwa ali naꞌmagala. NoꞌMutima Mweru gwanaboneesa kwo ali woꞌkuli. Abaganda banamúbona. Imyazi yage, yanayigirizibwa mu bandu baꞌmahanga gooshi, halinde banamúyemeera. Abulagi lengezibwa mu kugenda mwiꞌgulu mu bulangashane.

Baheburaniya 11:34

Abandi, banazimya umuliro, kundu gwâli gweti gugayigwima bweneene! Abandi, banahushwa neꞌngooti. Na kundu bâli riiri mu bukaholwe, haliko banalongaga imisi, banaba ndwani mwiꞌzibo, banahaviiriza abasirikaani beꞌmahanga.

Yoshwa 23:10

Umundu muguma mu kati kiinyu, agakizi lwisa abagoma kihumbi, anabayimule. Mukuba, Rurema Nahamwinyu ye gweti úgamùlwira, nga kwo âli mali gwanwa amùlagaania.

Bwigule 22:13

Niehe nie Alifa na Omega! Nie Ndangiriro na Nyukizo. Nie Ndondeko na woꞌKuheza.

Bwigule 22:16

«Niehe Yesu, keera namùtumira umuganda wani, gira amùmenyeese yaga magambo mu mashengero. Niehe niꞌSina wiꞌKondo lya mwami Dahudi. Mwomwo, mwo nꞌgalyoka. Na ndi nie Ndonde íri mu yaka bweneene ku lukula.»