Zakariya 12:13 - Kifuliiru

¹³ Beene Laawi, bagagandaara kwabo, na beene Shimeyi kwabo.

Zakariya 12:13 ပူးပေါင်းရင်းမြစ်များ

2 Samweri 16:5

Ikyanya mwami Dahudi akayegeera i Bahuriimu, anahulukira ku mundu muguma wa mwiꞌkondo lya Sahuli. Uyo mundu, iziina lyage ye Shimeyi mugala Gera. Uyo Shimeyi, iri akabonaga Dahudi, anatondeera ukumúshekeereza.

1 Baami 1:8

Haliko, abandi banamúyiyogookola, ngoꞌmugingi Saadoki, na Benaya mugala Yehoyada, noꞌmuleevi Natani, na Shimeyi, na Reeyi, kuguma naꞌbalaliizi ba Dahudi.

1 Kutondobola 23:10

Uyo Shimeyi, âli naꞌbandi bagala bana: Yahaati, na Ziina, na Yehushi, na Beriya.

1 Kutondobola 23:7

Bagala Girishooni, bâli Ladani na Shimeyi.

1 Kutondobola 3:19

Uyo Pedaya naye, anabuta Zurubaberi, na Shimeyi. Zurubaberi naye, anabuta Meshulamu, na Hananiya. Âli busiri noꞌmunyere muguma, iziina lyage Selomiti.

1 Kutondobola 4:27

Shimeyi akabuta abagala ikumi na ndatu, naꞌbanyere ndatu. Haliko, beene wabo batakabuta bweneene, kyanatuma imbaga yage itayushuuka ngoꞌmulala gwaꞌBayuda.

2 Kutondobola 29:14

Na mwiꞌkondo lya Hemani, mwâli Yehyeri na Shimeyi. Na mwiꞌkondo lya Yedutuni, mwâli Shemaya na Huzyeri.

Zakariya 12:12

«Abahisiraheeri booshi bagabululuka. Na ngiisi ikondo ligakizi gandaara ndalu-ndalu. Abashosi bagalirira haabo, naꞌbakazi haabo. Kwokwo, beene Dahudi bagagandaara kwabo, na beene Natani kwabo.

Zakariya 12:14

Ngiisi ikondo mu Bayuda ligagandaara kwalyo-kwalyo. Abashosi bagabeera haabo, naꞌbakazi haabo.

Muharuuro 3:18

Uyo Girishooni, abandu ba mwiꞌkondo lyage, bâli Libuuni na Shimeyi.

Muharuuro 3:19

Uyo Kohaati naye, abandu ba mwiꞌkondo lyage, bâli Hamuramu, na Hishaari, na Heburooni, na Huzyeri.

Muharuuro 3:20

Uyo Meraari naye, abandu ba mwiꞌkondo lyage, bâli Maali na Muushi. Yabo booshi, bâli riiri beene Laawi, ukukulikirana naꞌmakondo gaabo.

Muharuuro 3:21

Ulya Girishooni, ye shyoko ya beene Libuuni, na beene Shimeyi.