Zakariya 11:3 - Kifuliiru

³ Yuvwi ngiisi kwaꞌbangere bagweti bagabululuka, bweꞌndagiriro zaabo keera zasherebera. Yuvwi na ngiisi kweꞌndare zigweti zigalunduma, bweꞌbishungu-shungu byazo íbishuba ku ndekeera yeꞌYorodaani keera byayanuuka.

Zakariya 11:3 ပူးပေါင်းရင်းမြစ်များ

Zaburi 22:21

unangizagye mu zino ngooti, ndafwe. Ulange ubugumaana bwani mu miino ga yutu tubwa,

Hisaaya 5:29

Abasirikaani baabo bagweti bagayamiza-yamiza. Bali mu lunduma nga ndare ndangi. Ikyanya bali mu gwata abandu imbohe, bali mu bahunguukana. Ndaanaye úgabahangirira, mbu batazitwale hala.

Hisaaya 65:15

Balya bakozi baani, ngabayinika iziina lihyahya. Si mwehe, Nahano Rurema agamùyita. Niꞌziina liinyu, bagakizi likoleesa mu kudaakana.

Yeremiya 2:15

Si abagoma baabo bagweti bagabalundumira nga ndare! Emwe! Bakola mu balangamira. Yabo bagoma, keera bakashereeza ikihugo kyoshi kyaꞌBahisiraheeri, banasiga utwaya twabo biguuka, bizira bandu.

Yeremiya 2:30

«Kundu nꞌgamùhaniiriza, ndaabyo bikamùgirira. Si ikyanya mukahanwa, mutanangalukira. Mwâli kizi minika abaleevi biinyu ku ngooti. Mwehe, mulyagagi nga ndare ndangi íshalisiri, inakola mu janganulana.

Yeremiya 26:6

Kwokwo iyo nyumba yani, ngagishereeza, nga kwo nꞌgashereeza iheema lyeꞌmihumaanano i Shiilo. Iziina lya kano kaaya, abandu baꞌmahanga gooshi bagakizi likoleesa naaho mu kudaakana.”»

Yeremiya 49:19

«Nga kweꞌndare iri mu vuvunyuka mu kishungu-shungu hoofi noꞌlwiji Yorodaani, inayilale mu bibuzi i bungere, kwo naani ngayami yimula Abahedoomu mu kihugo kyabo. Ha nyuma, na ndoole ugundi mutwali, ninamúyimike mwo. Aaho! Nyandi úshobwiri ukunyigereera? Na nyandi úwangambuulania? Na nyandi mutwali úwangagira mbu tuhagane?»

Yeremiya 50:44

Nga kweꞌndare iri mu vuvunyuka mu kishungu-shungu hoofi noꞌlwiji Yorodaani, inayilale mu bibuzi i bungere, kwo naani ngayami yimula Abababeeri mu kihugo kyabo. Ha nyuma, na ndoole ugundi mutwali, ninamúyimike mwo. Aaho! Nyandi úshobwiri ukunyigereera? Na nyandi úwangambuulania? Na nyandi mutwali úwangagira mbu tuhagane?»

Yeremiya 7:4

Mutanahendwe naꞌmagambo gaꞌbandu bagweti bagakizi deta, mbu: Ino Nyumba ya Nahano, iri yeꞌmwage yenyene! Iri yeꞌmwage. Ee! Iryagagi ya Nahano!

Hezekyeri 19:2

«Nyoko, yâli riiri ndare yeꞌkitangaaza mu zaabo ndare. Kundu âli tuuziri mu ndare ndangi, âli kizi heereza abaana baage ibyokulya.

Hosheya 10:5

Abasamariya bakoli gweti bagajuguma hiꞌgulu lya gulya mugisi gweꞌnyana, úguli i Beeti-Haweni. Ee! Bakoli yobohiri íbigagukoleka kwo. Yabo bandu bakola mu gulirira bweneene, kuguma naꞌbagingi baabo! Kundu bâli kizi shambaala hiꞌgulu lyoꞌbulangashane bwagwo, haliko, gukola guganyagwa, gunatwalwe i mahanga.

Yuheeri 1:13

Na niinyu, e bagingi! Muyambalage ibyambalwa byoꞌkugandaara. Mwe mugweti mugaakola ha katanda ka Nahano, mulirage. Mwe mugweti mugakolera Rurema, mulaale muyambiiti amasuuzu. Mukuba abandu, ndaakiryo ituulo lyoꞌmushyano kandi iri lyeꞌdivaayi bakiri mu tanga mu nyumba ya Rurema.

Hamoosi 8:8

Bwo keera mukakolaga ibitalaalwe mwene yibyo, ikihugo kigajugumbana! Abandu hooshi, bakolaga bagabululuka mu kigandaaro. Ikihugo kyoshi kigajungubana. Kigakizi heema ngoꞌlwiji Niire ku kyanya kyeꞌnvula. Ha nyuma, kinashubi yema.

Sefaniya 1:10

Nahano adetaga kwokuno: «Yulwo lusiku, hagayuvwikana ikimboloogo ukulyokera ku lwivi lweꞌFwi. Bagakizi bululuka na mu luhande luhyahya lwaꞌkaaya. Noꞌlunganga lugayuvwikana mu tugangazi.

Sefaniya 3:11

«E bandu beꞌYerusaleemu, kundu mwâli kizi mbubira, haliko ku yulwo lusiku, mutâye ki teerwe neꞌshoni. Mu kati kiinyu, ngiisi ábagweti bagayiheemya, noꞌkuyidundulika, ngabashaaza mu kati kiinyu. Ndaanaye úgakizi yikangaata ku mugazi gwani mweru.

Sefaniya 3:3

Abatwali baawe, ziri ndare ízigweti zigalunduma. Abatwi baawe beꞌmaaja, bali nga mirunga ku kyanya ikoli shalisiri. Bushigi bali mu gendi hiiva inyamiishwa, neꞌkyanya bali mu ba keera bazijanganula-janganula, ndaahyo bali mu siga, kwo hya shesheezi.

Zakariya 11:2

E biti byeꞌshindano, mubululukage. Si ibiti byeꞌmyerezi, kundu biryagagi bila bweneene, haliko bikakunyuka naaho. E migazi yeꞌBashaani! Na niinyu, mubululuke! Kundu ulubako lwinyu lushuba luhamu bweneene, buno keera lukatemwa.

Zakariya 11:8

Mu mwezi muguma naaho, nanayami yimula abangere baabyo bashatu. Kundu kwokwo, birya bibuzi, ndanaki biyigenderera. Nabyo, byananjomba.

Mataayo 15:14

Ku yukwo, yabo Bafarisaayo, mutakizi batwaza! Si biri birongoozi íbihumiri! Imbumi, iri yangarongoora iyabo, si zombi zigatibukira mu kishimo!»

Mikolezi 7:52

Ka hali muleevi ye batakalibuza? Si bâli kizi yita abaleevi, kundu yabo baleevi bo bâli kizi tanga ubuleevi hiꞌgulu lyoꞌkuyija kwoꞌlya úkwaniini imbere lya Rurema! «Uyo úkwaniini, ye na yoyo niinyu, keera mukatanga mu bagoma, mwanamúyitiisa.