Zakariya 10:8 - Kifuliiru

⁸ Yabo bandu baani, ikyanya ngabahamagala, bagayija bandibitiiri, bwo keera nꞌgabaguluula. Kundu bakiri bagerwa naaho, si bagashubi luguuka, nga kwo bâli luguusiri kare.

Zakariya 10:8 ပူးပေါင်းရင်းမြစ်များ

1 Baami 4:20

Yabo Bayuda naꞌBahisiraheeri, bâli riiri kanyegete, nga mushenyu kwiꞌbuga. Bâli kizi lya noꞌkunywa, banakizi yishambaaza.

Kulyoka 1:7

Kundu kwokwo, Abahisiraheeri banagenderera ukukizi buta, banaluguuka bweneene, halinde banakwira hooshi mu kihugo kyeꞌMiisiri.

Hisaaya 44:22

Amahube giinyu, keera nꞌgagahotola, nga kibungu íkiri mu nyerera mu kyanyaanya. Nanakumuula ibyaha biinyu nga ndara. Aaho! Bwo keera nꞌgamùguluula, mungulikirage.»

Hisaaya 48:20

E balya, mulyokage i Babeeri. Mutibitage, mulyoke yo! Munakizi menyeesa umwazi mu kubanda akabuuli, awi yiyi yiyi! Mugumenyeese halinde heꞌkihugo kihekiiri. Mukizi deta: «Nahano keera akaguluula abandu baage, beene Yakobo.»

Hisaaya 5:26

Nahano alengeziizi irembera, gira alonge ukukema ibinyamahanga. Anali mu balakiza uluguuju, gira abagoma bayijage ukulyoka mu mbeka zeꞌkihugo. Lolagi! Yabo bagoma, bagweti bagatuyijira mulindi-mulindi!

Hisaaya 51:11

E Nahano! Bwo ukaguluula abandu baawe, bagaki galuka i Yerusaleemu, bagweti bagatamba-tamba ku kisegengo. Emwe! Bagaaba bashambiiri imyaka neꞌmyakuula! Umwizingeerwe neꞌkimombo, bigaaba keera byamala lwoshi. Amalanga gaabo gagaaba gakoli yijwiri ibimwemwe.

Hisaaya 7:18

Mu yizo siku, Nahano agakoobeza abandu beꞌMiisiri, kwo balyoke hala mu kihugo kyabo, banamùyizinge kwo nga saazi, anakoobeze naꞌBahasuriya, kwo bayiji mùkoma nga njuki.

Hisaaya 7:19

Yabo bagoma, bagayija balyagagi kandaharuurwa, banashumbike mu tubanda, kiri na mu nyaala, na mu bishungu-shungu byoshi, kiri na mu ndagiriro zooshi.

Yeremiya 33:22

Yabo bandu ba mu kibusi kyoꞌmukozi wani Dahudi, na yabo beene Laawi, ngabaluza nga ndonde kwiꞌgulu, na ngoꞌmushenyu kwiꞌbuga, halinde banabe kandaharuurwa.»

Mika 2:12

«E bandu ba Yakobo, mwe musigiiri, ngamùkuumania kuguma. Ee! Ngamùkuumania, munabeere mu lugo nga bibuzi, munabe nga bitugwa íbiragiiri mu ndagiriro. Ikihugo kiinyu kigashubi yijula mwaꞌbandu bingi.

Zakariya 9:11

Nahano adetaga kwokuno: «Keera tukanywanaga ikihango, twanakikwiza ku njira yoꞌmuko. Kyo kitumiri ngaguluula imbohe ziinyu, zilyokage ho zishwekiirwi mu kirimbi-rimbi kizira miiji.

Mataayo 11:28

«Muyijage imwani mweshi, mwe mukoli zidohiirwi, munakoli luhiri! Naani ngamùluhuula.

Bwigule 22:17

Umutima Mweru, kiri noꞌmuhya, bagweti bagaadeta: «Uyijage!» Umundu, iri angayuvwa yaga magambo, naye akwiriiri adete: «Uyijage!» Umundu, iri angaba anyotiirwi, ayije! Ayiji yabiira amagoloovi goꞌbulamu ku busha, nga ngiisi kwo aloziizi.

Bwigule 7:9

Ha nyuma, nanabonaga ikizimya-izuuba kyaꞌbandu íkitangaharuurwa! Yabo bandu booshi, bâli yimaaziri imbere lyeꞌkitumbi kyoꞌbwami, neꞌmbere lya kirya Kyanabuzi. Yabo bandu, bâli lyosiri mu bihugo byoshi, na mu milala yoshi, na mu makondo gooshi, na mu ndeto zooshi. Bâli yambiiti amakanju meeru, kahengura! Banâli fumbiiti amatavi geꞌbigazi.