Zakariya 10:7 - Kifuliiru

⁷ Abahifurahimu bagaaba bakolaga ndwani. Bagashambaala bweneene, nga ábakoli nywiri idivaayi. Ikyanya abaana baabo bagakizi bona kwokwo, nabo banashagaluke. Ee! Imitima yabo, igakizi shambaala mu kati ka Nahano.

Zakariya 10:7 ပူးပေါင်းရင်းမြစ်များ

Ndondeko 18:19

Nꞌgamútoola, gira akizi yigiriza abaana baage, naꞌba mwiꞌkondo lyage, bakizi simbaha imaaja zaani. Kwokwo, lyo baba bandu bemeera, banabe bali mu ngira íbikwaniini imbere lyani. Naani, na mbakwigize imihango yani.»

Ndondeko 43:34

Yusefu, anakyula kwaꞌbakozi baage bakizi lyosa ku byokulya íbyâli ku kashasha kaage, bakizi bitwala áhali bakulu baage. Si Binyamiini yehe, bakamúheereza ibyokulya ubugira kataanu, ukuhima abaabo. Yabo booshi, bananywa idivaayi, banashagaluka.

Zaburi 102:28

Wehe, uyamiri uli we yolya-yolya. Neꞌmyaka yawe, itâye heke.

Zaburi 104:15

Tuli mu longa idivaayi yoꞌkutushagalusa. Tunali mu longa amavuta geꞌmizehituuni, lyo tukizi nyekemba. Tunali mu longa umukate gwoꞌkukizi tuheereza imisi.

Zaburi 13:5

Utaleke abagoma baani bayihaye, mbu: «Keera twamúhima!» Batanashambaale, mbu bambima.

Zaburi 28:7

Mu kati ka Nahano, mwo ndi mu longa imisi, ye nali siribo yani. Ngweti ngakizi múlangaalira mu mutima gwani, halinde anandabaale. Ee ma! Umutima gwani, gukoli shambiiri bweneene. Na buno, ngamúyimbira inyimbo zoꞌbwivuge.

Zaburi 33:21

Na bwo tubiisiri umulangaaliro kwiꞌziina lyage litaluule, ali mu tushambaaza mu mitima yitu.

Zaburi 90:16

Bwo ugweti ugakizi gira amagambo gaꞌkahebuuza, ukizi gayereka abakozi baawe. Ukizi yerekana ubulangashane bwawe mu baana biitu.

Hisaaya 25:9

Ku yikyo kyanya, abandu bagadetaga, ti: «Rurema witu, uyo! Ye twâli lindiiri kwo agatukiza. Na buno, keera atukiza. Aaho! Tushambaale mu kati kaꞌmalega.»

Hisaaya 38:19

Si ábakiri bagumaana, boohe, bo bali mu kuhuuza, nga kwo naani ngweti ngaagira zeene. Abashosi bakwaniini bakizi menyeesa abaana baabo ngiisi kwo uli mwemeera.

Hisaaya 54:13

Abaana baawe booshi, Nahano yenyene ye gabayigiriza, halinde banakizi longa umutuula bweneene!

Hisaaya 66:14

Yibyo byoshi, ikyanya mugabibona, imitima yinyu igashagaluka. Indege ziinyu zigashubi kana, munakizi kula nga byasi. Lyeryo, abandu banasobanukirwe kwo nie Nahano, na kwo nie mu tabaala abakozi baani. Haliko ábanjombiri, boohe, ndi mu barakarira ngana-ngana.»

Yeremiya 32:39

«Yabo bandu baani, ngababiika mweꞌmitono miguma, neꞌshungi nguma, halinde booshi banalonge ukukizi nyikumba imyaka neꞌmyakuula! Kwokwo, lyo bagakizi genduukirwa, kiri naꞌbandu booshi beꞌbibusi byabo.

Hezekyeri 37:25

Bagabeera mu kihugo kya bashokuluza baabo, kirya kyo nꞌgaheereza Yakobo. Baganatuula yo, kuguma naꞌbaana baabo, kiri naꞌbijukulu, halinde imyaka neꞌmyakuula. Umwami wabo, ye mukozi wani Dahudi, halinde imyaka neꞌmyakuula.

Yuheeri 2:23

Na niinyu mwe batuulaga beꞌSayuni, mushambaalire Nahano, Rurema winyu. Mukuba, agamùyerekana ngiisi kwo ali mwemeera. Agakizi mùniekeza amahona-nvula, kiri neꞌnvula yoꞌkuyeza.

Habakuki 3:18

Kundu kwokwo, niehe ngakizi shambaalira Nahano. Nyamiri ngakizi shagalukira Rurema Lukiza wani.

Sefaniya 3:14

E bandu beꞌSayuni! Mukizi yimba kwiꞌzu lihamu. E Bahisiraheeri! Mukizi banda akabuuli, awi yiyi yiyi! E Yerusaleemu! Ushambaale, unakizi shagaluka ku mutima gwoshi!

Zakariya 12:8

Ku kyekyo kyanya, yabo batuulaga beꞌYerusaleemu, Nahano agabasiikira. Ngiisi úlyagagi mwolo mu kati kaabo, agaaba akola kikalage nga mwami Dahudi. Yabo beene Dahudi nabo, bagaaba bakola nga Rurema yenyene! Bagaaba bashushiini noꞌmuganda wa Nahano, bwo ye gakizi barongoora.

Zakariya 9:15

Nahano woꞌbushobozi bwoshi, agakizi haliza abandu baage. Si abagoma boohe, agabajiga, anabaminike lwoshi-lwoshi. Yabo bagoma, bagakizi yamiza nga balaluka idivaayi, baganayonwa umuko, gunakizi golomba, nga muko gwiꞌtuulo úguli mu nzoozo, gunali gwa kushangira ku tugongo twaꞌkatanda.

Zakariya 9:17

Emwe! Bagaaba banonosiri ngana-ngana, banalimbiisibwe bweneene! Imisore yabo mitabana neꞌminyere, igaafiika bweneene, bweꞌngano neꞌdivaayi bigaaba bikoli luguusiri.

Luka 1:47

Gugweti gugashambaalira Rurema, Lukiza wani.

Yohana 16:22

«Kwokwo, na niinyu buno, mukiri noꞌmwizingeerwe. Halikago ha nyuma, ngashubi yiji mùbona. Haaho, lyo mugashambaala. Yugwo mushambaalo gwinyu, ndaaye mundu úwangamùlyokeza gwo.

Mikolezi 13:33

keera byakoleka imwitu, twe baana baabo! Mukuba, Rurema keera akazuula Yesu, nga kwo biyandisirwi mu Zaburi ya kabiri kwokuno: “Wehe, we Mwana wani. Zeene, lyo naaba yisho.”

Mikolezi 2:26

Ku yukwo, umutima gwani gushagalusiri. Naꞌkanwa kaani kakoli shambiiri! Kiri naꞌmagala gaani, gagatuula mu kati koꞌmulangaaliro.

Mikolezi 2:39

Mukuba, umuhango gwo Nahano Rurema witu akatulagaania, gulyagagi imwinyu. Guli neꞌmwa baana biinyu. Guli neꞌmwaꞌbandi booshi ábali hala, na ngiisi bo agaki hamagala.»

Bafiripi 4:4

Mukizi yama mushambiiri mu kati ka Nahano! Namùbwira kandi, mukizi shambaala!

1 Peturu 1:8

Kundu mutazi bona Yesu, haliko mukoli múkuuziri. Na kundu mutamúbwini, haliko mukoli múbiisiri kwoꞌbwemeere. Munakoli yijuziibwi mwoꞌbushambaale bwaꞌkahebuuza, bwo tutangamenyi deta.

1 Samweri 2:1

Lyeryo, Haana anahuuna Rurema kwokuno: «Umutima gwani, gugweti gugashambaalira Nahano, na ngweti ngasikama mu kati kaage. Abagoma baani, ngweti ngabashekeereza, haliko wehe, ndi mu shambaalira ubukize bwawe.