Zakariya 10:3 - Kifuliiru

³ Nahano woꞌbushobozi bwoshi, adetaga kwokuno: «Ngoli rakariiri abangere biinyu, ibirongoozi. Na buno, ngolaga ngabahaniiriza. Haliko abandu baani, Abayuda, boohe ngweti ngabalanga. Ngabasikamya, halinde babe bikalage nga fwarasi mwiꞌzibo.

Zakariya 10:3 ပူးပေါင်းရင်းမြစ်များ

Hayubu 39:25

E ma! Ikyanya kiri mu laka, iri mu kizi hulusa izu. Inali mu leha ku hala ibaya liꞌzibo, inayuvwe ngiisi kwaꞌbakulu bali mu hamuliza, na ngiisi kwiꞌzibo liri mu kungula.

Kulyoka 4:31

Yabo Bahisiraheeri, iri bakabibona, banayemeera. Neꞌri bakayuvwa ngiisi kwo Nahano keera abahahalira mu makuba gaabo, booshi banayinika amatwe gaabo haashi, banamúyikumba.

Migani 21:31

Kundu ifwarasi ziri mu biikwa mwiꞌzibo, si ubuhimi buli mu lyoka imwa Nahano.

Lwimbo Lwija 1:9

«E mukundwa, uli mu genda uganooka-nooka, nga mabuguma geꞌfwarasi íziri mu bulula igaare lya Faraho.

Hisaaya 10:12

Mwami weꞌHasuriya agweti agayikangaata, kinatume akola mu gira yaga mabi mingi. Kwokwo, ikyanya Nahano agaaba keera ayusa ukuhana umugazi Sayuni, yaho i Yerusaleemu, uyo mwami waꞌBahasuriya naye, lyo Nahano agamúhana.

Hisaaya 24:21

Ku lwolwo lusiku, Nahano agahaniiriza abatwali ba mwiꞌgulu, anahaniirize kiri naꞌbaami ba mu kihugo.

Yeremiya 10:21

Nie Yeremiya, nanadetaga kwokuno: «Abangere baꞌbandu baani, batakiri mu hanuusa Nahano. Si balyagagi bahwija ngana. Kwokwo, batakiri mu genduukirwa. Neꞌbibuzi byabo, byoshi keera bikashaabuka.

Yeremiya 11:22

«Yabo Bahanatooti, ngolaga ngabahana. Imisore yabo, abagoma bagagiminika mwiꞌzibo. Bagala baabo na banyere baabo, ishali ligabamala.

Yeremiya 25:12

«Iyo myaka makumi galinda, mango yamalaga, lyo ngaahana ulya mwami weꞌBabeeri bo naꞌbandu baage. Ikihugo kyage, ngakihindula libe ishamba, halinde imyaka neꞌmyakuula!» Kwokwo, kwo Nahano adesiri.

Yeremiya 25:34

Mwe bangere! Mubandage akashiba ku kimombo! E bimangizi baꞌbandu! Muyibulage mu munyota-kiiko. Bwobuno, bakolaga bagamùtongeera ku ngooti. Mukola mugakizi yideedeka haashi, nga kirugu kiꞌbumba, neꞌbigyo binashaabuke.

Yeremiya 50:6

Abandu baani bâli riiri nga bibuzi íbikateereka. Ibirongoozi byabo, bikabahabura, halinde banayibagira ho bâli tuuziri, banakizi genda bagajeba-jeba mu migazi.

Hezekyeri 34:11

«Ee! Nie Rurema Nahamwinyu nadetaga kwokuno: Niehe nienyene, ngashakula ibibuzi byani, na ngizi bikuya-kuya.

Hezekyeri 34:12

Nga ngiisi kwoꞌmungere ali mu hahalira ibibuzi byage ku kyanya ali mu bilanga, kwo na naani ngakizi hahalira ibibuzi byani. Kundu ibibungu byangazinga, neꞌkihulu kinayidike bweneene, ibibuzi binashaabuke, haliko ngashubi bikuumania, na ngizi bihahalira.

Hezekyeri 34:2

«E mwana woꞌmundu, utange ubuleevi hiꞌgulu lyaꞌBahisiraheeri, ubamenyeese kwo nie Rurema Nahamwinyu ngweti ngabakanukira kwokuno: “E bangere baꞌBahisiraheeri! Yayewe imwinyu! Si mugweti mugayiliisa mwenyene naaho! Aahago! Ka mutakwiriiri ukuliisa neꞌbibuzi?

Danyeri 11:32

Balya ábakahongola ikihango, agakizi balyeryega, halinde banayije uluhande lwage. Haliko, ngiisi ábayiji Rurema wabo, bagasikama, banakizi múhaga.

Sefaniya 1:8

Nahano adetaga kwokuno: «Mu lulya lusiku lwo ngaatwa kweꞌmaaja, ngaahana abakulu baꞌBayuda, naꞌbaluzi baabo, kiri na ngiisi ábagweti bagakulikira ingesho zeꞌkipagaani.

Sefaniya 2:7

Abayuda ábasigiiri, nabo bagakizi hashumbika. Ee! Bagakizi ragirira heꞌbitugwa byabo. Bushigi, bagakizi gwejera mu nyumba ízikasigwa mu kaaya keꞌHashikelooni. Mukuba, Rurema Nahamwabo, agabatanduula, anakizi bagenduusa, halinde banashubi tuula bwija nga kwo bâli tuuziri ubwa mbere.

Zakariya 11:17

Yayewe imwa mungere kafwa-busha! Si agweti agajandirira ibibuzi byage! Aahago! Mwiꞌzibo, ingooti igayami singula ukuboko kwage, inatumite kiri na mwiꞌsu lyage lyeꞌlulyo! Kwokwo, yukwo kuboko kunayami nyaala. Niꞌsu lyage lyeꞌlulyo, linayami humaala lwoshi-lwoshi!

Luka 1:68

«Nahano Rurema waꞌBahisiraheeri, akizi huuzibwa! Mukuba, keera ayiji tanduula abandu baage, anabaguluula.

1 Peturu 2:12

Mukizi tuula mu bapagaani ku njira íkwaniini. Kundu bagweti bagamùlega kwo muli bakozi baꞌmabi, haliko boonyene bagakizi yibonera imikolezi yinyu miija. Kwokwo, neꞌkyanya Rurema agayija, bagayiji múyivuga.

Ruuti 1:6

Ikyanya uyo Nahomi âli ki tuuziri i Mohabu, anayuvwa kwo Nahano keera atabaala abandu baage, mu kushubi baheereza ibyokulya. Kwokwo, anashungika kwo agalukire i Betereheemu, mu kihugo kyeꞌnvuukira yage, kuguma na bali-kazi baage.