Zaburi 83:5 - Kifuliiru

⁵ Balya bagoma bali mu naaka mbu: «E balya, muyije, tuzimiize abandu baage, halinde iziina lyaꞌBahisiraheeri, litaki shubi detwa.»

Zaburi 83:5 ပူးပေါင်းရင်းမြစ်များ

2 Kutondobola 20:11

Lolaga buno, kwo bakola mu tuyihoola. Ikihugo kyo ukatuheereza kwo bube buhyane bwitu, keera bayija mbu batuyimule mwo.

Hesiteeri 3:6

Neꞌri akayiji menya kwo Moredekaayi ali Muyahudi, atanaki siima kwo ahane Moredekaayi yenyene. Haliko, analooza ubulyo bwo agaminika mwoꞌmulala gwoshi gwa Moredekaayi, kuli kudeta Abayahudi booshi ábâli tuuziri mu poroveesi zooshi za mwami Serikisi.

Zaburi 2:2

Abaami beꞌkihugo kuguma naꞌbatwali baabo, keera bayibiika kuguma, banakoli yiteganwiri, gira balahire Nahano, balahire na Masiya wage ye akatoola.

Zaburi 74:8

Banayigamba, ti: «E balya! Mugirage tubashereeze lwoshi-lwoshi.» Kwokwo, ngiisi ho Rurema âli kizi yikumbirwa mu kihugo, banagendi hasiriiza.

Migani 21:30

Buba bwitegeereze, kandi iri kusobanukirwa, kandi iri shungi, byoshi, ndaabyo íbyangahimana na Nahano.

Hisaaya 7:2

Uyo Ahaazi, iri akayuvwa kwaꞌBaharaamu bakoli yibiisiri kuguma naꞌBahisiraheeri, anayoboha bweneene, kuguma naꞌbandu booshi beꞌBuyuda. Booshi, banatondeera ukujuguma, nga kweꞌbiti biri mu shagala hiꞌgulu lyeꞌmbuusi.

Yeremiya 33:24

«E Yeremiya, ka wayuvwa ngiisi kwaꞌbandu bakola mu deta? Si badesiri kwo Nahano keera akajanda Abahisiraheeri, kiri naꞌBayuda! Banagweti bagabanegura, mbu batakiri mulala.

Hezekyeri 25:15

«Nie Rurema Nahamwinyu, nadetaga kwokuno: Abafirisiti keera bakayihoola Abayuda, mu kukoleesa inzigo bweneene! Na bwo bayamiri-yamiri babashombiri, bayami bazimiiza.

Mika 4:11

Si buno, ibinyamahanga bingi bigweti bigayiji mùteera. Bagweti bagaadeta kwokuno: «E balya, tugendi shereeza akaaya keꞌYerusaleemu. Neꞌkyanya tugaaba keera twakasindaga, tugakizi kaloleera, iri tunashambaala.»

Yoshwa 7:9

Abakaanani, kuguma naꞌbatuulaga booshi ba mu kino kihugo, mango bayuvwa kwokwo, bagayami tusokanana, banatuminike tweshi. Aaho! Kutagi kwo ugaki yerekana kwiꞌziina lyawe liri noꞌbushobozi?»

Bwigule 17:13

Yabo baami kwo bali booshi, bali naꞌkalimbi kaguma naaho. Baganaheereza kirya kirara imisi yabo, noꞌbushobozi bwabo.

Bwigule 19:19

Haaho, kirya kirara kyanakuumana kuguma na balya baami ba mu mahanga gooshi naꞌbasirikaani baabo, gira bagendi lwisa ulya úbwatiiri ku fwarasi yeꞌkitare naꞌbasirikaani baage.