Zaburi 8:3 - Kifuliiru

³ Keera ukayigiriza abaana ngiisi kwo bagakizi kuhuuza, kiri na boꞌtulenge. Kwokwo, lyaꞌbagoma baawe bagaaziba utunwa twabo, kuguma na ábagweti bagaagira mbu bakuhangirire.

Zaburi 8:3 ပူးပေါင်းရင်းမြစ်များ

Ndondeko 1:1

Ku ndondeko, Rurema akabumba igulu neꞌkihugo.

Hayubu 22:12

«Rurema atuuziri iyo munda mwiꞌgulu. Na kundu indonde ziri hala, haliko atuuziri hiꞌgulu lyazo.

Hayubu 25:3

Aaho! Nyandi úwangaharuura abasirikaani baage? Si umulengeerwe gwage, guli mu moleka hooshi mu kihugo!

Hayubu 25:5

Rurema ali noꞌbulangashane ukuhima umwezi. Analangashiini bweneene ukuhima indonde.

Hayubu 36:24

«Kwokwo, ukizi kengeera ukumúhuuza hiꞌgulu lyeꞌmikolezi yage, unakizi múyimbira inyimbo zoꞌbwivuge.

Zaburi 104:19

Ukabumba umwezi, gira tukizi menya isiku ngulu. Izuuba nalyo, liyiji-yiji ikihe kyo lyangasookera kwo.

Zaburi 111:2

Mukuba, ngiisi mikolezi yo Nahano agweti agaagira, iri ya kahebuuza. Iyo mikolezi, ikyanya abandu bali mu gishambaalira, bakwaniini bakizi giyitoneesa kwo.

Zaburi 148:3

Izuuba noꞌmwezi, niinyu mukizi múhuuza. Kiri neꞌndonde, kwo ziyasiri, nazo zikizi múhuuza.

Zaburi 19:1

Imwoꞌmwimangizi waꞌbimbi. Izaburi ya Dahudi.

Zaburi 33:6

Nahano akabumba igulu, mu kudeta naaho. Kirya kyanya akalibumba, anabumba na íbiriri kwo byoshi.

Zaburi 89:11

We kayita ikihuume Rahabu, mu kukifuta-futa, wanashaabula abagoma baawe ku bukalage bwawe.

Kulyoka 31:18

Nahano, iri akayusa ukuganuuza Musa yaho ku mugazi Sinaayi, anamúheereza galya mabuye gabiri mabaaje. Yago mabuye, go Rurema akayandika kwo zirya maaja noꞌkuboko kwage yenyene.

Kulyoka 8:19

Ku yukwo, abandu baani, ngabakolera ku yabo-yabo njira, naꞌBamiisiri ku gindi-gindi. Yikyo kitangaaza, kigakoleka kusheezi.»

Luka 11:20

Halikago, iri nangaba ngweti ngayimula ibisigo ku bushobozi bwa Rurema, iri ubwami bwage keera bwamùhikira!

Barumi 1:20

Ukulyokera ho Rurema akabumbira ikihugo, abandu bashobwiri ukumenya bwija hiꞌgulu lyoꞌbushobozi bwage bweꞌmyakuula. Bashobwiri ukumenya na ngiisi kwo ali. Kundu ubushobozi bwage, noꞌkundu kwage, bitali mu boneka, haliko abandu bangabimenyera bwija ku njira yoꞌkuyitegeereza ku byo akabumba. Ku yukwo, batahiiti igambo lyo bangayifwongooza mwo.

Bukengeeze 4:19

Ikyanya mugakizi lola hiꞌgulu, munabone izuuba, noꞌmwezi, neꞌndonde, neꞌbindi biremwa bya kwiꞌgulu, mutakolwe mbu mukizi biyikumba, kandi iri kukizi bifukamira. Yibyo byoshi, Nahano, Rurema winyu akalekera igindi milala, mbu ibe yo igakizi biyikumba.