Zaburi 74:9 - Kifuliiru

⁹ Tutaki bwini ibyereso, kwo Rurema agaki tukiza, ndanakiye muleevi úkiri ho. Yubwo buhanya, ndaaye úyiji ngiisi kwo bugaaheka.

Zaburi 74:9 ပူးပေါင်းရင်းမြစ်များ

Kulyoka 12:13

Yugwo muko, gugaaba kalangikizo koꞌkuyerekana kwo muli mu nyumba. Neꞌkyanya ngagubona, na nyami bambala. Mwehe, ikyanya ngaahana i Miisiri, ndaakyo kihano íkigamùhuma kwo.

Kimombo 2:9

Imiryango yaꞌkaaya, keera ikayihongoleka haashi. Akayami vungula-vungula ibyuma byoꞌkugihamika. Abaami baako, kuguma naꞌbaluzi, keera bakatwalwa hala mu mahanga, bagendi ba baja. Neꞌmaaja zaage zitakiri mu kola. Kiri naꞌbaleevi baage, batakiri mu bona amabone ga Nahano.

Hezekyeri 20:12

Na kwakundi, nanabaheereza neꞌsiku zeꞌSabaato zaani, zikizi ba kyo kimenyeeso ha kati kiitu, halinde bamenye ku kasiisa kwo nie Nahano, na kwo ngweti ngabayeruusa.

Hezekyeri 7:26

Bagakizi teerwa neꞌnguuke, halinde abandu banakizi balomboojera umwazi gwa kundi-kundi. Bagalooza umuleevi woꞌkubatangira ubuleevi. Banabe keera bateera amigirizo gaꞌbagingi. Kiri naꞌmahano gaꞌbashaaja, gagaaba gateereka.

Hamoosi 8:11

Rurema Nahamwitu adetaga kwokuno: «Mu siku ízigaki yija, ngaleeta umwena mu kihugo. Yugwo mwena, gutagaaba gwa kubula ibyokulya, kandi iri miiji. Si mugaabula amagambo ga Nahano.

Mika 3:6

Ku yukwo, mukolaga mugayirirwa, ndaakigo mabone mugalonga. Ikyanya ikihulu kigamùzinga, mutagaki longa ukulagula ku bigaaba. Mwe baleevi, izuuba ligamùsookeraga, halinde munabaagage mukola mu mamaata mu kihulu.

Mika 3:7

Abanamabone biinyu, bagagwatwa neꞌshoni.» Na ngiisi ábali mu gira mbu balagule, bagateteerwa ngana. Mugaaba mutakiri mu longa ishuvyo imwa Rurema, kinatume mweshi mugabwikira akanwa noꞌkuboko.

Baheburaniya 2:4

Kiri na Rurema yenyene, akabutangira ubumasi, mu kukizi buyerekana mweꞌbisoomeza bya kwingi-kwingi. Anakizi gabulira abandu ibigabi byoꞌMutima Mweru, nga ngiisi kwo âli loziizi.

Batwi beꞌmaaja 6:17

Gidyoni, ti: «Iri wangaba ugangashaanira, unyerekage akalangikizo, gira kanyemeeze kwo we gweti úganganuuza.

1 Samweri 3:1

Samweri âli kizi kolera Nahano, mu kutabaala Heri. Haliko mu yizo siku, Igambo lya Nahano, lyâli kola nga ndaalyo. Kiri naꞌmabone, gâli keehiri.