Zaburi 74:2 - Kifuliiru

² Aaho! Ukengeerage ngiisi kwo ukaguluula abandu baawe yaho keera. Si ukatukiza, bwo tuli mulala gwawe, tunali buhyane bwawe! Ukengeere naꞌkaaya kaawe Sayuni, halya wâli tuuziri mu kihugo.

Zaburi 74:2 ပူးပေါင်းရင်းမြစ်များ

Zaburi 106:40

Kyanatuma Nahano agarakarira abandu baage. Kundu bâli riiri beꞌmwage, halikago anabanenuuka bweneene.

Zaburi 135:4

Nahano yenyene, ye katoola beene Yakobo, babe bandu baage. Ee! Akatoola Abahisiraheeri, babe beꞌmwage.

Zaburi 33:12

Abandu beꞌkihugo kirebe bahiriirwi, ikyanya Rurema ye Nahano wabo. Ee! Bahiriirwi, bwo ye kabatoola, kwo babe beꞌmwage.

Zaburi 68:16

E Bashaani! We kanywangi-nywangi koꞌmugazi, unali kwaꞌmarango mingi!

Zaburi 77:15

E Rurema, we mu kizi gira ibisoomeza. We nali mu kizi yereka ibinyamahanga ubushobozi bwawe.

Zaburi 9:11

E Nahano, ngiisi ábakuyiji, bagakizi kubiika kwoꞌmulangaaliro. Na bwo bagweti bagakulooza, utâye bajandirire.

Zaburi 9:12

Nahano atwaziri i Sayuni. Kwokwo, mukizi múyimbira inyimbo zoꞌbwivuge. Na ngiisi byo âli gweti agaagira, mukizi bimenyeesa mu mahanga.

Zaburi 94:14

Nahano atâye jandirire abandu baage, atanâye bayikarabe. Si bali buhyane bwage!

Kulyoka 15:13

«Urukundo lwawe, lutahiiti imbeka. Na ku njira yalwo, ugarongoora abandu baawe. Keera wabaguluula. Na ku bushobozi bwawe, ugabahisa ahandu haawe heeru.

Kulyoka 15:16

Bagagwatwa neꞌkyoba, noꞌlushunguti. Yabo bandu, ikyanya bagaabona ubushobozi bwawe, bagaaba munyerere ngiꞌbuye, halinde abandu baawe balenge. Mukuba, keera wabaguluula.

Hisaaya 51:11

E Nahano! Bwo ukaguluula abandu baawe, bagaki galuka i Yerusaleemu, bagweti bagatamba-tamba ku kisegengo. Emwe! Bagaaba bashambiiri imyaka neꞌmyakuula! Umwizingeerwe neꞌkimombo, bigaaba keera byamala lwoshi. Amalanga gaabo gagaaba gakoli yijwiri ibimwemwe.

Hisaaya 62:12

Abandu ba Rurema bagakizi detwa Bataluule. Banashubi detwa Bandu bo Nahano akaguluula. Akaaya keꞌYerusaleemu kagakizi detwa Kaaya ko Rurema asiimiri, na kandi Kaaya ákatakiri mu jajaakwa.

Hisaaya 62:6

E bandu beꞌYerusaleemu, inzitiro ziinyu keera nazibiika kweꞌnaazi. Yizo naazi zigakizi mùhuunira ubushigi niꞌzuuba. E balaliizi, si mwe muli mu tabaaza Nahano! Aahago! Mutâye hulike.

Hisaaya 63:17

E Nahano, si watulekeerera, halinde twahabuka mu njira zaawe. Kituma kiki wanayumya imitima yitu, halinde tutaki kuyobohiri? E maashi Rurema, si tuli bakozi baawe, tunali bandu baawe! Ku yukwo, utugalukire.

Hisaaya 63:9

Ku kyanya Abahisiraheeri bâli kizi longa amakayu, naye, bâli kizi galongera kuguma. Anabakiza, mu kubalungikira umuganda. Na bwo abakuuziri, kyanatuma agakizi bayuvwirwa indengeerwa, anabaguluula. Âli kizi batengetera, iri anababetula.

Yeremiya 10:16

Mukuba iyo migisi, Rurema wa Yakobo yehe atali nga yo. Si ye kalema ibindu byoshi, anatoola Abahisiraheeri kwo babe bo bandu baage. Iziina lyage, ye Nahano woꞌbushobozi bwoshi!

Yeremiya 51:19

Haliko, Rurema wa Yakobo, yehe atali nga yo. Si ye kalema ibindu byoshi, anatoola Abahisiraheeri kwo babe bo bandu baage! Iziina lyage, ye Nahano woꞌbushobozi bwoshi.

Mikolezi 20:28

«Mwehe, Umutima Mweru keera gukamùbiika mube bimangizi biꞌshengero lya Rurema. Ku yukwo, mukizi yilanga mwenyene. Mukizi langa niꞌshengero lyage. Mukuba, yiryo ishengero, Yesu yenyene keera akatanga umuko gwage mu kuliguluula.

Bukengeeze 32:9

Haliko, Abahisiraheeri bo bandu baage. Yabo beene Yakobo bali beꞌmwage.

Bukengeeze 4:20

«Mwehe, ikyanya mwâli tuuziri iyo munda i Miisiri, mwâli libuusiri, nga muduba gwoꞌkutula mweꞌkyuma. Kundu kwokwo, Nahano akamùyabiira, anamùlyosa yo, anamùgira mube bandu baage, nga kwo mukola zeene.

Bukengeeze 9:26

Nanamúhuuna, ti: E Nahano woꞌbushobozi bwoshi, utayite yaba bandu, maashi! Si balyagagi beꞌmwawe wenyene. We kabaguluula ku bukalage bwawe buhamu, wanabalyosa mu kihugo kyeꞌMiisiri.

Bukengeeze 9:29

Kundu kwokwo, E Nahano, Abahisiraheeri balyagagi bandu baawe wenyene. We kabaguluula ku bukalage bwawe buhamu, na ku bushobozi bwawe.»

Tiito 2:14

Yesu ye kayitangaga ayitwe hiꞌgulu liitu, gira atuguluule mu mabi gooshi. Kwokwo, lyo tuyeruusibwa, tunabe bandu baage ba yenyene, tunabe tufitiirwi mu kugira ngiisi miija.

Bwigule 5:9

Yabo booshi, bâli gweti bagayimba ulwimbo luhyahya kwokuno: «Yiki kitaabo, we kwaniini ukukiyabiira, unakinunguule kweꞌnungu. Mukuba, we wâli tongiirwi. Na ku muko gwawe, kwo ukaguluulira Rurema abandu, ukulyoka mu milala yoshi, na mu ndeto zooshi, na mu makondo gooshi, na mu bihugo byoshi.