Zaburi 72:4 - Kifuliiru

⁴ E Rurema, utabaale mwami halinde akizi bulanira abakeni. Kiri naꞌbaana baabo, akizi bakiza. Haliko, ngiisi ábagayiji balibuza, boohe, anabafutagule.

Zaburi 72:4 ပူးပေါင်းရင်းမြစ်များ

Hayubu 19:2

«Mugagendereraga ukundibuza halinde mangoki? Si yaga magambo giinyu, gagweti gaganvungula-nvungula!

Hayubu 34:24

Si ali mu shereeza abanabushobozi, buzira kuhanuusa umundu yeshi, anayiji biika abandi ahandu haabo.

Zaburi 109:31

Mukuba, ye mu bulanira umukeni. Neꞌkyanya umukeni ali mu twirwa ulubaaja kwo ahanwe, Nahano ali mu ba ibiringiini ukumúkiza.

Zaburi 2:9

Birya binyamahanga, ugakizi birongoora neꞌngoni yeꞌkyuma, unakizi binyanyaga haashi, halinde binajajaguke nga nyungu ziꞌbumba.»

Zaburi 94:5

E Nahano, yabo babi bagweti bagafutiiriza abandu baawe, halinde abeꞌmwawe, banalibuzibwe bweneene.

Migani 20:26

Umwami mwitegeereza ali mu kizi londoola abandu babi. Yabo babi, ali mu kizi bahana, buzira kubayuvwirwa indengeerwa.

Hisaaya 11:4

Haliko yehe, ikyanya agakizi twa ulubaaja lwaꞌbakeni, noꞌlwa ábatindimaziibwi, kugakizi ba ku njira íkwaniini. Ikyanya agakyula, abandu babi bagaahanwa, na banangora-mabi banaminikwe.

Hisaaya 42:1

Lolagi! Uyu, keera nꞌgamútoola, anali ye mukozi wani. Keera nꞌgamúkania umutima, ananzimisiizi bweneene. Ngamúbiika mwoꞌmutima gwani, gira amenyeese ibinyamahanga ngiisi íbikwaniini imbere lyani.

Hisaaya 42:3

Ikyanya isanga likoli gingiiri, atagalidongoola. Neꞌkyanya itara likola mu fwifwitira, atagalizimya. Agayihangaana, halinde abandu balonge ukuli kwabo.

Hisaaya 9:4

Ibiraato byaꞌbasirikaani, kiri neꞌbyambalwa byabo íbiyijwiragi imiko, keera bikakabulirwa mu muliro, byanasingooka.

Zakariya 11:11

Ee! Ku kyekyo kyanya, lyo nayami kihongola. Ngiisi bibuzi íbiri mwoꞌbukaholwe, byanayami sobanukirwa kwo Nahano ye wambwira ukugira kwokwo.

Zakariya 11:7

Kwokwo nanagendi ba mungere wa yibyo bibuzi byo yabo badandaza keera balingikania gira bigendi tongeerwa. Nanayabiiraga ingoni zibiri. Ngoni nguma, nanagihamagala Bugashaane. Neꞌgindi, Buguma. Kwokwo, nanagendi langa ibibuzi.

Mataayo 11:5

Ábashuba mbumi, bakola mu bona. Na ábashuba tundende, bakola mu genda. Na ábashuba noꞌmubembe, keera bakizibwa. Na ábashuba babitwitwi, bakola mu yuvwa. Kiri na ábatákoli fwiri, bagweti bagazuulwa. Naꞌbakeni, bagweti bagamenyeesibwa Imyazi Miija.

Bwigule 18:20

We igulu, ushambaalage! Mukuba, keera kashereera! Na niinyu mwe ndumwa, kuguma naꞌbaleevi, naꞌbandi bandu ba Rurema booshi, niinyu mushambaale kwakundi! Mukuba, kundu yako kaaya kâli kizi mùgirira amabi, haliko, keera Rurema akatwira ulubaaja hiꞌgulu lyago.

Bwigule 18:24

Mu yako kaaya keꞌBabeeri, mwâli kizi boneka imiko yaꞌbaleevi ba Rurema, neꞌyaꞌbandi bandu baage, kiri neꞌyaꞌbandi booshi ábakayitwa mu kihugo.

Bwigule 19:2

Ali mu twa imaaja ku njira íkwaniini, mu kati koꞌkuli. Keera atwagaga ulubaaja lwoꞌkuhana ulya bulambe woꞌmukazi. Mukuba, akasherebeza abandu baꞌmahanga gooshi ku njira yoꞌbushule bwage. Uyo bulambe, akanayita abakozi baage. Kwokwo, kiri noꞌmuko gwabo, nagwo keera akaguyihoolera.»