Zaburi 72:3 - Kifuliiru

³ Ku migazi kukizi yera ibyokulya bingi. Bikizi yera kiri na ku tugangazi.

Zaburi 72:3 ပူးပေါင်းရင်းမြစ်များ

Zaburi 65:12

Ngiisi mwaka, uli mu yeza imimbu bweneene. Ikyanya tuli mu gitwala i kaaya mu magaare giitu, gali mu ba gayijuliiri.

Zaburi 72:16

Utugangazi tuyijule kweꞌmimbu, halinde ikihugo kilongage ukuyera bweneene. Ibiti bikizi tongeka kweꞌbitumbwe, ngeꞌbiti byeꞌLebanooni. Abandu bakizi genduukirwa nga byasi mu ndagiriro.

Hisaaya 45:8

«Ngiisi íbikwaniini, niehe Nahano nie kabibumba. Kwokwo, e igulu! Umanulage ubuhimi, bukizi yija nga nvula. E kihugo! Ikyanya bugayija, ubuyakiire, halinde bunamere. Ee! Ubuhimi noꞌbukize bigamera kuguma. Kwokwo, lyo tulonga ukukizibwa.»

Hisaaya 52:7

Indumwa, ikyanya iri mu menyeesa imyazi miija mu migazi, bisimisiizi bweneene! Ee! Ali mu menyeesa kwo hagaaba umutuula, na kwaꞌbandu bagakizibwa. Ali mu bwira abandu beꞌYerusaleemu: «Rurema winyu, ye kola mwami!»

Hisaaya 60:17

«Ho nangamùletiiri umulinga, ngakizi mùleetera inooro. Na ho nangamùletiiri ibyuma, ngamùleetera iharija. Na ho nangamùletiiri ibiti, ngamùleetera imiringa. Na ho nangamùletiiri amabuye, ngamùleetera ibyuma. Ngakizi mùlanga, halinde munabe noꞌbutoge, na ngizi mùrongoora ku njira ízikwaniini.

Danyeri 9:24

«“E Danyeri! Rurema keera akabiika imyaka magana gana na makumi galimwenda. Iyo myaka igaaba ya kumala amahube. Kwokwo, mutwikirage ku byaha, gira amabi giinyu gakogwe, munakizi gira íbikwaniini. Kwokwo, lyo byoshi íbiri mu galya mabone bikoleka. Kiri neꞌKisiika Kyeru Bweneene, kinalonge ukushiigwa amavuta mu kuyeruusibwa.