Zaburi 71:1 - Kifuliiru

¹ E Nahano, keera nakutibitira. Aaho! Utandekage mbu ndeezibwe ishoni.

Zaburi 71:1 ပူးပေါင်းရင်းမြစ်များ

2 Baami 18:5

Hezekiya âli kizi langaalira Nahano Rurema waꞌBahisiraheeri. Mu baami booshi beꞌBuyuda, ndaaye gundi úwâli nga ye, baba mu bakayima imbere lyage, kandi iri mu bakamúlonda.

1 Kutondobola 5:20

Bakalangaalira Rurema, iri banamúhuuna kwo abatabaale. Amahuuno gaabo, anagayuvwa, anabiika Abahagaari mu maboko gaabo kuguma naꞌbiira baabo.

Zaburi 125:1

Luli mu yimbwa na ábali mu zamuukira i Yerusaleemu. Ngiisi ábabiisiri Nahano kwoꞌmulangaaliro, bali mu ba ngoꞌmugazi Sayuni. Yugwo mugazi, gutâye shagale. Si gugayama guli ho, halinde imyaka neꞌmyakuula.

Zaburi 146:5

Ahiriirwi ngiisi úgweti úgakizi longa ubutabaazi imwa Rurema wa Yakobo, anabe amúbiisiri kwoꞌmulangaaliro. Yoyo, ye Rurema Nahamwabo.

Zaburi 22:5

Yaho kare, bashokuluza biitu bâli kizi kubiika kwoꞌmulangaaliro, wanabaguluula.

Hisaaya 45:17

Si Abahisiraheeri boohe, keera Nahano akabakiza halinde imyaka neꞌmyakuula. Batâye ki longe ishoni, batanâye ki teteerwe.

Yeremiya 17:18

Balya bandu, bagweti baganvindagaza. Aaho! Ubateezagye ishoni. Si ndabe nie ugaziteeza. Boohe, babe bo ugaleeza mweꞌkinyukura. Si ndabe nie gakilenga mwo! Balya bandu, ukizi bahaniiriza, unabazimiize lwoshi.

Barumi 9:33

nga kwo biyandisirwi mu Mandiko Meeru: «Lolagi! Mu kaaya keꞌSayuni, keera nabiika mwiꞌbuye lyoꞌkusiitaza, noꞌlwala lwoꞌkugwisania. Kundu kwokwo, iri umundu angamúbiika kwoꞌbwemeere, atâye boneesibwe ishoni!»

1 Peturu 2:6

Mukuba, biyandisirwi mu Mandiko Meeru kwokuno: «Lolagi! Keera nꞌgatoola ibuye lyaꞌkamaro. Linali lyo ngayubaka mwaꞌkagongo koꞌlutaliro mu kaaya keꞌSayuni. Umundu, iri angamúyemeera, atâye boneesibwe ishoni.»