Zaburi 69:9 - Kifuliiru

⁹ Mu beene witu, ngolaga nga mundamenywa. Kiri mu bakulu baani, na mu baali baani, mbatuuziri mwo nga kinyamahanga.

Zaburi 69:9 ပူးပေါင်းရင်းမြစ်များ

1 Baami 19:10

Hiriya anashuvya, ti: «E Nahano Rurema woꞌbushobozi bwoshi, nyamiri ndi mu fiitirwa hiꞌgulu lyawe. Si Abahisiraheeri boohe, keera bagayiriza ikihango kyawe, banahongola noꞌtutanda twawe. Kiri naꞌbaleevi baawe, keera bakabayita ku ngooti. Buno, nienyene naaho nie ngoli sigiiri. Na naani kwakundi, baki gweti bagambiiva, mbu banyite.»

1 Kutondobola 29:3

«Na bwo nvitiirwi bweneene hiꞌgulu lyeꞌnyumba ya Rurema, ngoli gweti ngatanga inooro, neꞌharija ku byeꞌmwani nienyene. Mukuba, ndoziizi inyumba ya Rurema wani iyubakwe bwija.

Hayubu 19:13

«Rurema, keera anjombania na beene witu. Kiri naꞌbiira baani, keera bambuumuka lwoshi-lwoshi.

Zaburi 119:139

Umwete gwo mbiiti hiꞌgulu lyawe, gukola mu nduhya. Mukuba, abagoma baani, batatwaziizi amagambo gaawe.

Zaburi 38:12

Yago malibu gaani, go gatumiri abiira baani, kiri naꞌbakundwa baani, bakola mu nyiyeka. Kiri neꞌmbaga yani bakola mu nyisunga.

Zaburi 89:41

Inzitiro zaꞌkaaya kaage, keera ukazihongola. Ngiisi ho ashubi sikamiiri, hakola mushaka.

Barumi 15:3

Kiri na Kirisito yenyene, atâli kizi gira mbu ayisimiise, nga kwo biyandisirwi mu Mandiko Meeru kwokuno: «Ikyanya bakakutuka, na naani, yibyo bitusi bikaba na hiꞌgulu lyani.»