Zaburi 69:20 - Kifuliiru

²⁰ Abagoma baani, wenyene uyiji ngiisi kwo bali mu ndeta, na ngiisi kwo ndi mu teezibwa ishoni. Bagweti baganyamiriza, iri banandyoza,

Zaburi 69:20 ပူးပေါင်းရင်းမြစ်များ

Hayubu 16:2

«Yago magambo gaawe gooshi, keera nagayuvwa. Si ukuholeezania kwinyu kulyagagi kwa busha!

Zaburi 123:4

Abanabwihemye, si bâli kizi tuhonyoleza! Keera banatulibuza bweneene. Ee! Balya banabwikangaate, keera bakatunegura ngana.

Zaburi 142:4

Ngiisi ho ndi mu lenga, abagoma bali mu gwanwa bambiikira heꞌmitego. Kundu kwokwo, ikyanya ngoli yihebwiri, wenyene uyiji injira yo ngwaniini ukufuuka mwo.

Zaburi 42:10

Bwo Rurema ye lwala lwani, ngweti ngamúbwira: Aahago! Kituma kiki wanyibagira? Kituma kikagi wandekeerera ngizi jeba-jeba, iri ninalira? Si abagoma bagweti bagandibuza bweneene!

Zaburi 42:6

E mutima gwani, kituma kikagi ukoli jengiirwi, unakoli shengusiri? Ubiikage umulangaaliro gwawe imwa Rurema. Ye Lukiza wani, ye na Rurema wani. Ee ma! Ngaki shubi múyivuga.

Hisaaya 63:5

Keera nꞌgalangiiza hooshi, haliko, ndaaye mundu ye nꞌgabona, úwangandabaala. Neꞌri nꞌgabulaga umundu woꞌkunjiga, nanasoomerwa bweneene. Kundu kwokwo, nanakiza abandu baani ku bushobozi bwani nienyene. Uburaakari bwani, bwo bukanzikamya.

Mataayo 26:56

Haliko, byakoleka kwoku, gira lyo byoshi bikoleka, nga ngiisi kwaꞌbaleevi bâli mali gwanwa babiyandika.» Yesu, mbu adete kwokwo, balya bigirizibwa baage booshi, banapuumuka, banayami músiga.

Mariko 14:37

Yesu, mbu agalukage, anagwana abigirizibwa baage keera bahunira. Anabwira Peturu: «E Simooni, ka wahunira? Ka wayabirwa ukulaliira, kiri neꞌkihe kiguma?

Mariko 14:50

Yesu, mbu adetage kwokwo, abigirizibwa baage booshi banapuumuka, banayami músiga.

Yohana 12:27

«Buno, umutima gwani gukoli hanamiri. Aaho! Ndetage kuti? Ka mbuune Daata kwo angize mu bya kino kihe? Nanga! Si byebyo byo nꞌgayijira!

Yohana 16:32

Lolagi! Ikyanya kikola mu yija, keera kyanahikaga, kyo mukola mugashaabulwa kwo, munasige mwanjanda nienyene. Ngiisi muguma winyu, anayitaahire. Kundu kwokwo, ndagasigala nienyene. Mukuba, Daata tuyamiinwi.

Baheburaniya 11:36

Abandi baabo, banakubulwa ingoni iri banafukwa akahoogo. Abandi, banashwekwa neꞌminyororo, banalashwa mu nyumba zeꞌmbohe.