Zaburi 69:2 - Kifuliiru

^2-3 E Rurema, ungizagye, we kongwa! Si keera nayikiraga mu musaayo, ndaanabyo nangaki yimangira kwo. Ngoli tibukiiri mwiꞌbenga lyaꞌmiiji, ganakoli mbikiiri mwiꞌgosi. Imidunda ikola mu mbunguukana.

Zaburi 69:2 ပူးပေါင်းရင်းမြစ်များ

Hayubu 22:11

Uli mu zingwa neꞌkihulu, halinde utanaki bone kindu. Neꞌmigezi yaꞌmiiji ikufuliiri.

Zaburi 32:6

Kwokwo, ngiisi úkuyemiiri, akwaniini akizi kuhuuna, ku kyanya wangaki boneka. Iri angagira kwokwo, kundu agaaba abindikiirwi naꞌmakuba nga mwijulire, haliko gatagaki múdukiira.

Zaburi 40:2

Ikyanya nâli yikiiri mu kirimbi-rimbi, kyâli riiri mweꞌbidaka byoꞌmusaayo. Kundu kwokwo, nâli rindiriiri Nahano ku bwigenderezi. Neꞌkyanya nꞌgamúlirira, ananyuvwa. Ee ma! Anandyosa mwo, ananyimangika ku lwala. Kwokwo, amagulu gaani gakoli sikamiri.

Yeremiya 38:22

Abakazi booshi bo usigiriini mu kajumiro, bagatwalwa imunda abakulu baꞌbasirikaani beꞌBabeeri. Yabo bakazi, banakizi kuhonyoleza, ti: “Honyo! Abiira baawe, kundu bali ba vyuka-ngwejere, si keera bakuteba. Ikyanya ukayika mu bidaka, banakulekera mwomwo.”

Yeremiya 38:6

Kwokwo, yabo batwali banayabiira Yeremiya, banamúlasha hala mu kirimbi-rimbi kyoꞌmuluzi Malikiya. Yikyo kirimbi-rimbi, kyâli riiri mu luzitiro lwaꞌbalaliizi, kitanâli riiri mwaꞌmiiji. Si mwâli riiri umusaayo naaho. Ikyanya bakamútibulira mwo, banakoleesa umugozi, halinde anayikira haashi, ananyika mu gulya musaayo.

Yona 2:6

Yago miiji gakahambiri nvumba umuuka. Yiryo ibenga, lyâli loziizi ukuyami nyulubiza lwoshi-lwoshi. Kiri neꞌbyasi bya mu nyaaja, byanakizi nyizingira-zingira kwiꞌtwe.

Mataayo 7:25

Invula yanania, neꞌmigezi yanagolomba, neꞌkihuhuuta, byanayifuka kwiꞌyo nyumba. Kundu kwokwo, itanayihongoleka haashi, mukuba yâli dediiri ku lutaliro.