Zaburi 69:14 - Kifuliiru

¹⁴ E Nahano, kundu kwokwo, ngweti ngakuhuuna kwo ukizi ngashaanira. Aaho! Unjuvye mu kati koꞌrukundo, kwo luli lwingi. Ungizagye, we kongwa, halinde na ngire lwoshi-lwoshi.

Zaburi 69:14 ပူးပေါင်းရင်းမြစ်များ

Zaburi 109:21

E Rurema, Nahamwitu, ungize ku rukundo lwawe, na ku bwija bwawe. Ngiisi kwo ugakizi ngirira, kukizi ba hiꞌgulu lyoꞌkuhuuza iziina lyawe.

Zaburi 109:3

Yabo banangora-mabi bali mu ndeta-ndeta ku bushombani naaho, banali mu kizi ndeera ku kimaama.

Zaburi 144:7

Bwo utuuziri mwiꞌgulu, ugolole ukuboko kwawe, unandyose mu maboko geꞌbinyamahanga. Si baloziizi ukummiragusa, ngiꞌbenga lyaꞌmiiji!

Zaburi 35:19

Yaba bagoma bagweti baganjombera ubusha. E maashi! Utabalekeerere kwo bakizi njekeereza. Na kundu ndaabyo nabagira, si baki njombiri. Utabalekeerere kwo bakizi ndima ibisuure.

Zaburi 42:2

E Rurema, nga kweꞌmbongo iri mu ba ihemagiiri mu kulooza amiiji mu musima, kwo na naani ndi mu kizi kuyifwija.

Zaburi 42:7

E Rurema wani, si keera nashenguka! Kundu kwokwo, ngukumbwiri. Ubutabaazi bwawe, bulyosiri mu mbande zeꞌYorodaani, na mu migazi Herimooni, na mu yeꞌMizaari.

Zaburi 69:15

Unjaaze mu musaayo, ndayiji kengeera naguyikira mwo. Kundu abandu bali mu ba banjombiri, ungizagye mu maboko gaabo, unjaaze na mu gano mabenga gaꞌmiiji.

Zaburi 86:5

E Nahano, uli mwija, unali mu kogana. Ngiisi ábagweti bagakutabaaza, ubakuuziri bweneene.

Kimombo 3:55

E Nahano! Ikyanya nâli kola mu kishimo, nꞌgakuberangira kwo undabaale.

Yona 2:8

E Nahano, iri nꞌgabonaga kwo ngola ngaafwa, nanakukengeera. Nanayami kutabaaza, kwo uli mu nyumba yawe ndaluule.

Mariko 15:34

Neꞌri hakaba ku bihe mwenda, Yesu anayamiza kwiꞌzu lihamu kwokuno: «Helohi! Helohi! Lama sabakitani?» Umugeeza gwago: «E Rurema wani, e Rurema wani! Kituma kiki wanjandirira?»

Luka 19:14

«Uyo mundu, abandu ba mu kihugo kyage bâli múshombiri bweneene! Kyanatuma bagamúkulikiza kweꞌndumwa, ti: “Uyu mundu, tutaloziizi kwo abe mwami witu!”

Luka 19:27

«“Aahago! Balya bagoma baani ábakalahira kwo ndayimikwe, mubaleetage hano! Munayami bayitira haaha imbere lyani!”»