Zaburi 57:2 - Kifuliiru

² E Rurema, si ngola mu libuuka bweneene! Aaho! Unyuvwirwe indengeerwa. Buno ngweti ngatibitira imwawe, mu kimbehwa kyeꞌbyubi byawe, halinde yago malibu gatee lenga.

Zaburi 57:2 ပူးပေါင်းရင်းမြစ်များ

Zaburi 138:8

E Nahano, urukundo lwawe luyamiri ho, halinde imyaka neꞌmyakuula. Ku yukwo, ngiisi byo keera ukatondeera, utagabileka, mbu biyiji fwa ubusha. Aaho! Ngiisi byo ukanjungikira, ubingolerage, we kongwa!

Zaburi 143:9

E Nahano, we ndi mu tibitira. Kwokwo, ukizi ngiza mu bagoma baani.

Zaburi 17:8

Kwokwo, ukizi ndanga nga mboni yiꞌsu lyawe. Unakizi mbisha mu kimbehwa kyeꞌbyubi byawe.

Zaburi 41:5

Nꞌgadeta: «E Nahano, keera nꞌgayifunda mu byaha imbere lyawe. Kwokwo, unyuvwirwe indengeerwa, unangize.»

Zaburi 56:2

E Rurema, unyuvwirwe indengeerwa. Si abandu balangi bagweti bagandambiriza. Bali mu shiiba, bagweti bagandeera,

Hisaaya 26:12

E Nahano, byoshi byo tuli mu gira, we mu tugenduukiza byo. Aaho! Utuheerezagye umutuula gwawe.

Hisaaya 26:20

E bandu baani, mugendi yingira mu bisiika biinyu, munahamike inyiivi. Munatee yibisha mwomwo, halinde ku kyanya uburaakari bwa Nahano bugahooha.

Hisaaya 57:15

Rurema ayamiri ho imyaka neꞌmyakuula! Ali Mweruuka, anatuuziri mwiꞌgulu bweneene. Anadetaga kwokuno: «Nduuziri mwiꞌgulu bweneene, hanali hataluule. Na kwakundi, nduuziri kuguma na ngiisi úli mutuudu, anabe ayibiisiri haashi. Ee! Yabo batuudu, bwo bali mu yibiika haashi, kyo kitumiri ngabaheereza imisi mihyahya.

Bafiripi 1:6

Rurema keera akatondeera umukolwa mwija mu kati kiinyu. Na ndi naꞌkasiisa kwo agagugendereza, halinde aguyuse ku lusiku lwo Yesu Kirisito agagaluka kwo.

Bafiripi 2:12

E bakundwa baani! Mwâli kizi nzimbaha ku kyanya twâli ki ririinwi, kiri na ku kyanya nꞌgaba ngola hala. Kwokwo, na buno, mukizi ba noꞌmwete gwoꞌkukizi yikwanania mu bukize bwinyu. Mukizi yoboha, iri munajuguma!

Baheburaniya 13:21

Kwokwo na niinyu, Rurema akizi mùtungaania mu miija gooshi, halinde lyo mulonga ukukizi kola ngiisi byo aloziizi. Yehe yenyene, abe ye gakizi tukola mwo, halinde tukizi gira íbimùsimisiizi mu kati ka Yesu Kirisito. Yesu akizi yama ali mu huuzibwa imyaka neꞌmyakuula! Bikizi ba kwokwo!