Zaburi 5:4 - Kifuliiru

⁴ E Nahano, ngiisi shesheezi, ndi mu kutabaaza, iri ninalindirira ishuvyo lyawe. Aaho! Ukizi yuvwa izu lyani.

Zaburi 5:4 ပူးပေါင်းရင်းမြစ်များ

1 Kutondobola 29:17

E Rurema wani, nyiji kwo weꞌri mu geza umutima, unali mu siima abandu boꞌkuli. Kwokwo, naani, natanga yibi bindu byoshi ku mutima úgushenguusiri, na buzira kuhidikwa. Na buno, mbwini ngiisi kwo bano bandu baawe, nabo keera bakutangira mu kati koꞌbushambaale.

Zaburi 101:7

Si abanabibeesha boohe, ndagahanguula kwo bakizi ngolera. Ndaanaye munabibeesha úgahanguulwa kwo anyegeere.

Zaburi 11:5

Nahano ali mu loleekeza ku bakwaniini. Haliko, banangora-mabi boohe, kuguma naꞌbiitani, ali mu bashombereza bweneene.

Zaburi 140:13

Haliko, abakeni boohe, Nahano ayamiri ali mu bakiza. Ee ma! Ali mu baheereza íbibakwaniini.

Zaburi 50:21

Birya byoshi, ikyanya wâli kizi bigira, nâli yihulikiiri. Aahago! Ka kyo kitumiri ukoli toniri kwo ndi nga we? Nanga, maashi! Si buno, ngakukanukira ngana-ngana! Na ngulegeereze ku bweranyange.

Zaburi 63:2

E Rurema, wehe we Rurema wani. Nguloziizi bweneene. Umutima gwani gunyotiirwi hiꞌgulu lyawe. Kiri naꞌmagala gaani gakoli yumiri, ngiꞌdaho íryabula amiiji.

Zaburi 88:14

E Nahano, ngweti ngakutabaaza, maashi! Ngiisi shesheezi, amahuuno gaani gali mu kuhikira.

Zaburi 92:15

Kiri neꞌkyanya bagaaba bakola bashaaja, bagaaba bakiri bagumaana. Ee! Bagaaba bakiri naꞌmakama, banabe bakiri mu tongeka.

Zaburi 94:20

Abaami babi, ka byangaziga kwo muyijibane? Nanga maashi! Si ikyanya bali mu kyulaga, lyo bali mu leeterana amalibu!

Habakuki 1:13

Kundu kwokwo, ulyagagi mweru. Utali mu kejeerera amabi, utali mu gooyera ibihigo. Aaho! Kutagi wayihulikira, wanabalekeerera baminike abandu ábakwaniini ukubahima?

Malaki 2:17

Amagambo giinyu mazira kamaro, gagweti gagaluhya Nahano bweneene! Na niinyu, ti: «Kutagi twamúluhya?» Si mugweti mugamúluhya mu kudeta kwokuno: «Umundu, kundu angaba akoli bihuusiri, haliko imwa Nahano, akiri mwija, na Nahano aki múkuuziri.» Munashubi deta na kwokuno: «Ulya Rurema woꞌkuli, alyagagi hayi?»

Yohana 14:23

Yesu anamúshuvya: «Umundu, iri angaba anguuziri, ali mu simbaha naꞌmagambo gaani. Daata agamúkunda. Twe na Daata tugayiji mútuula mwo.

Baheburaniya 12:14

Mukizi fiitirwa, mu kulooza umutuula naꞌbandu booshi. Munakizi ba bandu beeru! Mukuba, umundu, iri angaba atayerusiibwi, atangabona Nahano.

2 Peturu 3:13

Tulindiriiragi igulu lihyahya, neꞌkihugo kihyahya. Bigaaba nga kwo Rurema akatulagaania. Na byoshi bigaaba bikoli tungiini imbere lyage.

Bwigule 21:23

Yako kaaya katalyagagi niꞌgoorwa mbu kayakirwe niꞌzuuba, kandi iri mwezi. Mukuba, ubulangashane bwa Rurema, bwo buli mu katanguula mwo. Kirya Kyanabuzi, lyo niꞌtara lyamwo.

Bwigule 21:27

Haliko, mu bidwakiiragi, ndaakyo íkyâye yingire mwo. Ndaanaye umunabihigo yeshi, úwâye fine mwo, kandi iri umutebani. Ábagakayingira mwo naaho, bali baabalya baꞌmaziina gaabo gali mayandike mu kitaabo kyoꞌbulamu kyeꞌKyanabuzi.