Zaburi 41:9 - Kifuliiru

⁹ Bagweti bagakizi deta: «Si keera ubulwazi bwamúkayira bweneene! Ngiisi ho alambamiri, atâye ki havyuke.»

Zaburi 41:9 ပူးပေါင်းရင်းမြစ်များ

2 Samweri 15:12

Uyo Habusalumu, ikyanya âli kola mu tanga ituulo, anatuma indumwa imwa Ahitofeeri, wa mu kaaya keꞌGilo. Uyo mundu, ye wâli mugingi woꞌkukizi hanuula mwami Dahudi. Na bwo Ahitofeeri akahika, Habusalumu anatondeera ukusikama mu buhuni bwage. Abandu banakizi genda bamúshoshiiri ku bwingi.

Hayubu 19:13

«Rurema, keera anjombania na beene witu. Kiri naꞌbiira baani, keera bambuumuka lwoshi-lwoshi.

Hayubu 19:19

Abiira baani ba vyuka-ngwejere, bakoli nnenuusiri. Kundu nâli bakuuziri, haliko boohe, keera bakambinduka.

Zaburi 101:3

Ndâye bande amasu ku bitali nga byo. Ikyanya abandu bagakuhinduliraga ingoto, ngaabona buligo. Naꞌbandu mwene yabo, ndagabayegeera.

Yeremiya 20:10

Nyuvwiti ngiisi kwaꞌbandu bingi bakola mu hwehwetezania, mbu: «Ngiisi luhande, hakola ikihuumula naaho! Aahago! Tugendi lega Yeremiya imwaꞌbakulu biitu!» Kiri naꞌbiira baani ba vyuka-ngwejere, bagweti bagaloleera, babone ngiisi kwo nangatibukira haashi. Bali mu nyigambira, ti: «Tugirage tumútebe, halinde tumúgwase. Kwokwo, lyo twangamùyihoola!»

Hobadiya 1:7

Abaami bo mushuba mu kizi tabaalanwa keera bamùhinduka, banamùyimula mu kihugo, kinali kyeꞌmwinyu. Bagweti bagamùhenduula, iri banamùvindagaza. Kundu mushuba mu lyanwa akaholo naꞌkaduutu, si keera bakamùtega imitego, mutanamenya.

Mika 7:5

Mutakolwe mbu mukizi biika umulangaaliro ku mutuulani, kandi iri ku mwira wawe. Hatanagire byo mugabwira kiri na bakiinyu.

Mataayo 26:23

Anabashuvya: «Ngiisi ye twatwegeza kuguma, ye gandanga mu bagoma.

Yohana 13:18

«Ikyanya ndi mu deta yaga magambo, gatali hiꞌgulu liinyu mweshi. Nyiji bwija ngiisi bo nꞌgatoola. Si lirya igambo likwiriiri likoleke, íriyandisirwi mu Mandiko Meeru kwokuno: “Ulya ye twashangiira umukate, keera anyihindulira.”

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.