Zaburi 4:4 - Kifuliiru

⁴ Si muyiji-yiji kwo Nahano akayitaluulira ábali bemeera, kyo kitumiri ali mu kizi yuvwa amahuuno gaani.

Zaburi 4:4 ပူးပေါင်းရင်းမြစ်များ

Hayubu 28:28

Ha nyuma, Rurema anabwira abandu booshi, ti: “Ikyanya mugweti muganzimbaha, lyo muli mu ba noꞌbwitegeereze nirizina. Neꞌkyanya muli mu yiyeka naꞌmabi, lyo muli mu busobanukirwa.”»

Zaburi 119:161

Abatwali bagweti bagandibugiza ubusha. Kundu kwokwo, umutima gwani gugapuupa naaho hiꞌgulu liꞌGambo lyawe.

Zaburi 17:6

E Rurema, ngweti ngakuhamagala, na nyiji kwo uganyitaba. Ku yukwo, undegage amatwiri. Gano mahuuno gaani, ugayuvwirize.

Zaburi 2:11

Mukizi kolera Nahano, iri munamúsimbaha. Kiri neꞌkyanya mugakizi shambaala, mukizi yibomba-bomba imbere lyage.

Zaburi 3:2

E Nahano, abagoma baani bakoli luguusiri, banakola mu yiji ndeera.

Zaburi 3:4

E Nahano, kundu kwokwo, we siribo yani. Ee! We gweti ugambiika mwoꞌbulangashane, iri unanguza.

Zaburi 33:8

Booshi ábali mu kihugo, bakwiriiri bakizi simbaha Nahano. Ee! Ábali mu mahanga gooshi, bakizi múyikumba.

Zaburi 46:10

Agweti agaamala izibo, halinde ukuhisa haꞌmahanga gooshi gahekiiri. Agweti agavuna imiheto, wa koto! Naꞌmatumu, ali mu gajajagula. Kiri neꞌsiribo, ali mu zisiriiza.

Zaburi 63:6

Ngoli siimiri bweneene, ukuhima umundu úwalya íbiheshiri. Kwokwo, ngakizi kuyivuga, mu kukuyimbira.

Zaburi 77:6

Ngweti ngayisaliza ku byâli kizi lenga yaho kare.

Migani 16:17

Abandu biija bali mu yiyeka naꞌmabi. Ngiisi úli mu langa injira yage, ye mu langa noꞌburambe bwage.

Migani 16:6

Ibyaha bigaakogwa ku njira yoꞌkukundana noꞌkuyemeerana. Na mu kusimbaha Nahano, lyoꞌmundu ali mu kizi yiyeka amabi.

Migani 3:7

Utakizi yibona kwo we mwene ubwenge! Si ukizi yiyeka naꞌmabi, unabe usimbahiri Nahano.

Yeremiya 5:22

Nahano adetaga kwokuno: «Ku kasiisa, mukwaniini mukizi nzimbaha, munakizi juguma imbere lyani. Si nie nꞌgabiikira inyaaja umushenyu, lube lubibi lwayo! Yulwo lubibi, lunayamiri ho imyaka neꞌmyakuula. Neꞌnyaaja itangalutaluka. Kundu imidunda yangalupukula-pukula, itangalubalala. Na kundu yangakundula, itangalusooka.

Habakuki 2:20

Haliko, Nahano atuuziri mu nyumba yage ndaluule. Abandu booshi ba mu kihugo bakizi beera munyerere imbere lyage!»

2 Bakorindo 13:5

Kwokwo, muyigere mwenyene, lyo mulonga ukumenya iri mubiisiri Rurema kwoꞌbwemeere. Si muyiji bwija kwo Yesu Kirisito amùtuuziri mwo, iri mwangaba mutayabiirwi.

Bahefeso 4:26

Iri mwangagwatwa noꞌbute, mutakizi leka mbu bumùyingize mu byaha. Mutanakizi soosa izuuba muki rakiiri.