Zaburi 27:3 - Kifuliiru

³ Kundu nangayiji teerwa niꞌzibo, umutima gwani gutagapuupa. Na kundu abasirikaani bingi banganzokanana, ngayama naaho ndi kihagarusi.

Zaburi 27:3 ပူးပေါင်းရင်းမြစ်များ

2 Kutondobola 20:15

Uyo Yahazyeri anadeta kwokuno: «E bandu beꞌBuyuda, naꞌbeꞌYerusaleemu, kiri na mwami Yehoshafaati! Mundegage amatwiri. Nahano amùbwira kwokuno: “Mutayobohe. Yaba basirikaani, kundu balyagagi kanyegete, mutayilibuze hiꞌgulu lyabo. Kundu bali kandaharuurwa, haliko yiri izibo, mutali mwe mugalilwa. Si liri lya Rurema yenyene!

Hayubu 4:6

Aahago! Ikyanya usimbahiri Rurema, ka utangayikania mu mutima gwawe? Ikyanya ugweti ugakulikira ukuli, ka kutangakubiika mwoꞌmulangaaliro?

Zaburi 112:7

Yabo bandu batayobohiri, mbu bangayiji kangwa neꞌmyazi mibi. Si imitima yabo isikamiri, inabiisiri Nahano kwoꞌmulangaaliro.

Zaburi 3:6

Bwo Nahano ayamiri andaaziri, ndi mu gwejera, ninayami toola iro lyeꞌkimbodooto. Na ha nyuma, na njubi vyuka.

Zaburi 3:7

Kundu ngoli zungulusirwi neꞌbinoono byaꞌbagoma, ndaakyo kyoba nyuvwiti.

Zaburi 52:6

Si ufitiirwi naaho ku magambo goꞌkushereezania, unayamiri uli mu beesha!

Bafiripi 1:28

Na kundu abagoma biinyu bangagira mbu bamùhangirire, mutaleke mbu bamùteere ikyoba. Yibyo, kyo kigaaba kyereso imwabo kyoꞌkuyerekana kwo bagaki shereezibwa. Neꞌmwinyu, kinayerekane kwo mugakizibwa. Kugaanaba ku njira ya Rurema yenyene.

1 Peturu 3:14

Na kundu mwangalibuzibwa hiꞌgulu lyaꞌmiija, muhiriirwi. «Mutakizi bayoboha, mutanakizi gerania.»

Bwigule 2:10

Mumenye bwija kwo baguma biinyu, Shetaani akola agabalasha mu nyumba zeꞌmbohe, banalonge mwaꞌmalibu geꞌsiku ikumi. Kundu mugalibuzibwa, mutayobohe. Na kundu mwangayitwa hiꞌgulu lyani, mukizi ba bemeera. Naani, ninamùheereze ulushembe lwoꞌbulamu.

1 Samweri 19:8

Ha nyuma, izibo lyanashubi yubuka mu Bafirisiti. Dahudi anayimuka, anagendi lwisa yabo Bafirisiti bweneene, halinde banayami puumuka.