Zaburi 2:4 - Kifuliiru

⁴ Kundu badesiri kwokwo, haliko Nahano aki bwatiiri mwiꞌgulu, ku kitumbi kyage. Ali mu bashekeereza, iri anabanegura.

Zaburi 2:4 ပူးပေါင်းရင်းမြစ်များ

2 Baami 19:21

Kwokwo, ngweti ngaadeta yiri igambo hiꞌgulu lyage kwokuno: Abandu beꞌSayuni bagweti bagakunegura lwoshi, banali mu kushekeereza. Ikyanya uli mu shaaga, abandu beꞌYerusaleemu banasigale bagweti bagakuzuugiza amatwe, mu kukugayiriza.

Zaburi 11:4

Kundu kwokwo, Nahano atuuziri mwiꞌgulu, mu nyumba yage nyeeru. Abwatiiri ku kitumbi kyage kyoꞌbwami, iri analola-lola ku bandu. Amasu gaage gayamiri gali mu baloleekeza.

Zaburi 115:3

E balya, si Rurema witu atuuziri mwiꞌgulu, anali mu gira nga ngiisi kwo aloziizi!

Zaburi 123:1

Luli mu yimbwa na ábali mu zamuukira i Yerusaleemu. E Nahano, ngweti ngakulegamira ho uli mwiꞌgulu. Ee! Haaho heꞌkitumbi kyawe kiteeresirwi.

Zaburi 37:13

Kundu kwokwo, Nahano ali mu bashekeereza, bwo ayiji kwo bakola bagaahanwa naaho.

Zaburi 53:5

Rurema adetaga: «Aaho! Balya banangora-mabi, ka batâye sobanukirwe? Si batali mu ndabaaza, banali mu janganula abandu baani, nga bagweti bagavwajagira ibyokulya.»

Zaburi 59:8

Ewe! Yuvwa ngiisi kwo bagweti bagatukana. Amagambo gaabo gali mu kerana nga ngooti nyugi. Si bagweti bagayitoneesa kwo ndaaye úli mu bayuvwa!

Zaburi 59:9

E Nahano! Yibyo binyamahanga, si ugweti ugabishekeereza, iri unabihonyoleza ngana.

Zaburi 68:33

E binyamahanga, mukizi yimbira Nahano Rurema. Mukizi múyimbira inyimbo zoꞌbwivuge.

Migani 1:26

Kwokwo, ikyanya mugalongaga uruhombo, ngakizi mùshekeereza naaho, ti honyo!

Hisaaya 40:22

Rurema ayamiragi abwatiiri hala, hiꞌgulu lyeꞌkihugo. Ikyanya ali mu langiiza abandu, bali mu boneka ngaꞌmahaazi naaho! Ali mu tanuula igulu ngiꞌheema, gira akizi lituula mwo.

Hisaaya 57:15

Rurema ayamiri ho imyaka neꞌmyakuula! Ali Mweruuka, anatuuziri mwiꞌgulu bweneene. Anadetaga kwokuno: «Nduuziri mwiꞌgulu bweneene, hanali hataluule. Na kwakundi, nduuziri kuguma na ngiisi úli mutuudu, anabe ayibiisiri haashi. Ee! Yabo batuudu, bwo bali mu yibiika haashi, kyo kitumiri ngabaheereza imisi mihyahya.

Hisaaya 66:1

Nahano adetaga kwokuno: «Igulu, kyo kitumbi kyani kyoꞌbwami. Neꞌkihugo, kyo ndi mu laaviza kwo. Aaho! Hayagi ho mugaki nyubakira inyumba? Ka hali ahandu ho nangaluhuukira?